| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 17

  1. #1

    Abonora

    الصورة الرمزية Abonora

    المشاركات : n/a

    الحالة :

    افتراضي نصائح لشراء الشاهين ( من تحف سبعاوي ) - Facebook Twitter whatsapp انشر الموضوع فى :

    hasad">

    الشاهين لا تختلف عن اية سيارة أخرى فى اسلوب شرائها ، فلا يوجد ما يعيب المستعمل منها بشكل خاص، باستثناء امر واحد، هو الكورونا التى يحدث ان يتسرب زيتها من بعض المهملين مما يؤدى الى تآكل تروسها وسماع صوت ونة مع السرعات العالية
    فيما عدا ذلك فما ينطبق على الشاهين فى الشراء ينطبق على غيرها
    كشف المحرك -فى الشاهين او غيرها: بعد دوران السيارة وتمام سخونتها (خمسة دقائق لو اول مرة فى الصباح او دقيقتين فى اى وقت آخر فى اليوم) يجب ان يكون صوت المحرك هادئ ومنتظم ولايوجد به تخبيط، ولا يوجد بخار زيت من خرطوم الفايظ(الخرطوم الرفيع الواصل بين ماكينة الزيت وعمة الكاربراتير، يتم الكشف علية بفك عمة الكاربراتير وملاحظة عدم خروج بخار زيت من مكان اتصال خرطوم الفايظ بها مع كبس البنزين بشكل خفيف)، وكذلك لا يسمع صوت تسقيف عند الحركة بالسيارة على نقلة عالية وسرعة بطيئة (50 على الرابع مثلا) ولغير الخبراء ينصح بالكشف على كبس المحرك فى محطة بنزين موثوق بها
    الفتيس: يجب ان يكون الفتيس سهل التعشيق فى جميع النقلات صعودا وهبوطا ولا توجد عضة
    الكورونا: عدم سماع صوت ونة من السيارة
    هيكل السيارة، يجب الإطمئنان الى ان السيارة لم تصب فى حوادث ضخمة او تنقلب، وجود بوية الفابريكة بدواخل السيارة بالكامل يطمئن ان السيارة لم تتعرض لحوادث ضخمة، فى حالة دهان الدواخل يجب مراجعة السيارة بواسطة سمكرى موثوق به للإطمئنان الى ان السيارة لم تمر بحوادث ضخمة، سهولة فتح وغلق الأبواب وعدم وجود بوشان فى مفصلات الأبواب يشير الى ان السيارة معتنى بها
    العفشة:مثلها مثل ايه سيارة اخرى،فساد المساعدين يسبب قوه الإحساس بالمطبات، فساد علبة الديريكسون يؤدى الى سماع تخبيط شديد فى المطبات ومثله فساد بيض المقصات، اما فساد كاوتشات المقصات فيؤدى الى عومان السيارة، ولكن عموما عفشتها رخيصة جدا
    الصالون:يجب التأكد من عدم تشقق التابلوه ، لأن إصلاحة لن يعيده مثل الأول كما ان الجديد غالى جدا

    وفى النهاية فإن المنظر العام للسيارة-مثلها مثل ايه سيارة مستعملة اخرى ترغب فى شرائها- يجب ان يكون مريح، يعنى لما تبص على السيارة من على بعد عشرين متر مثلا تحس انها حتة وحدة، مش معووجة ولا مكفية ولا ملووحة ، وتحس ان كلها مية واحدة ش كل حتة فيها مفارقة اختها، للسهولة بص على واحدة جديدة واحفظ شكلها فى دماغك للمقارنة

    انا تعاملت مع الشاهين ذات الكاربوريتور ، وهى ممتازة والكاربوريتور بتاعها ويبر وهو بعتبر من افضل ماركات الكاربوريتور ، لكن ذات الحقن الإلكترونى ركبتها بس ماسقتهاش، بس ماسمعتش على مشاكل منها، الشاهين عموما طول عمرها لا مشاكل لها من ناحية دورة الوقود واستهلاكها فى الوقود معقول

    رأييى لو انت عايز تركب شاهين مستعمل دور على موديلات من 1997 وحتى 2003 (الموتور التمبرا والكاربوريتور الويبر) وافضلها السيارات موديل النص التانى من 2002 وموديل 2003 ، علشان تابلوهها احدث (مفتاح النور فى الدراع زى الكورى واليابانى، مفاتيح فوانيس الشبورة والإنتظار تاتش) ومزودة بفوانيس شبورة ومرايات بومبية ومجهزة لتركيب سنتر فى الشنطة
    وفيه منها بالباورستيرنج والتكييف ، ومن اول 2003 فيه 1600 غير طبعا ال1400 الموجودة فى كل الموديلات

    الخلاصة: اهم حاجة فى السيارة الشاهين المستعملة -بعد الإطمئنان على سلامة هيكل السيارة-هو الإطمئنان على صحة الكورونا، ثم سلامة الجير بوكس، ونظافة الصالون وسلامة التابلوه، لو الموتور مفوت ممكن تاخد العربية بعد الفصال فى ثمنها بما يوازى تكلفة العمرة،
    وعموما الشاهين من العربيات التى يسهل العثور على واحدة منها مستعملة بحالة جيدة ، اولا: لكثرة الموجود منها، ثانيا: لانها سيارات تحافظ على كيانها لسنوات طويلة

    القرق بين الشاهين 1400 وال 1600

    الفرق الأول: المحرك، الشاهين 1400 محركها سعة 1400سى سى ، بنظام كامة علوية مفردة و8 صبابات وحقن الكترونى للوقود، بقدرة 82 حصان عند 4400 لفة فى الدقيقة، وأقصى عزم 170 نيوتن متر عند 1800 لفة فى الدقيقة، الفتيس خمس نقلات امامية وواحدة خلفية،نظام الدفع الخلفى عن طريق عمود كردان يرتبط بالفتيس عن طريق وصلة مرنة(كاوتشوك) ويرتبط بالكورونا الخلفية بوصلة صليبة، نقل الحركة من الكورنا للعجلات بنظام دفرانس من قطعة واحدة تربط العجلات بالكورونا بمحاور النقل

    بالنسبة للشاهين 1600: نفس تصميم المحرك ولكن بسعة 1600 سى سى وقدة 96 حصان على 4400 لفة فى الدقيقة وعزم اقصى 230 نيوتن متر عند 240 لفة فى الدقيقة،

    طيب الأرقام المكلكعة دى ملخصها اية فى احساسى وانا جوة العربية، ببساطة الشاهين 1600 تجميعها وسحبها احسن شوية وخصوصا فوق ال 100 كيلومتر، سرعتها القصوى 170 فى حين ان ال1400 سرعتها 160

    الفرق التانى: التكييف، الشاهين 1400 مافيهاش تكييف وال1600 فيها تكييف، تكلفة تركيب التكييف لل1400 حوالى 3500 جنية بالإضافة الى انك بتلغى التكييف السخن الموجود فيها علشان تركب التكييف البارد فى حين ان ال1600 فيها بارد وسخن

    الفرق التالت وهو اللى انا شايف انه الأهم على الإطلاق هو الباور ستيرنج: ال1600 فيها باور ستيرنج ، ودا طبعا بيفرق احساسك بقيادة السيارة تماما،ال1400 مافيهاش، صحيح انه ممكن يتركب، بس تكلفة التركيب مش اقل من 3000 جنية وعمره ما هيكون مظبوط زى بتاع المصنع

    فيه فروق اخرى بسيطة، ال1600 زجاجها غامق، ودا بيعزل الحرارة شوية فى الصيف ودا شئ مهم للتكييف، وفيها سنتر لوك(تكلفة تركيبه لل1400 حوالى 150 جنيه، وشكل طاساتها مختلف!!!!!!! فيما عدا ذلك السيارتين فيهم نفس التجهيزات،عداد RPM وساعة وفوانيس شبورة امامى وخلفى وكاسيت والأبواب مدعمة بقضبان امان وفقل امامن للأطفال فى الأبواب الخلفية

    فى رأييى الشخصى ان الفروق فى المحرك والتكييف والباور تساوى الفرق فى السعر، ولكن فى النهاية هى مسألة رغبات واستعداد مادى


  • #2

    الصورة الرمزية احمد مصطفى فوزى

    رقم العضوية : 692

    تاريخ التسجيل : 16May2007

    المشاركات : 12

    الحالة : احمد مصطفى فوزى غير متواجد حالياً

    افتراضي -

    الف شكر يا كبير

    معلومات هايلة فعلا


  • #3

    الصورة الرمزية هشام.النجار

    رقم العضوية : 456

    تاريخ التسجيل : 04May2007

    المشاركات : 192

    النوع : ذكر

    الاقامة : ?

    السيارة: ?

    السيارة[2]: ?

    دراجة بخارية: ?

    الحالة : هشام.النجار غير متواجد حالياً

    افتراضي -

    جزاك الله خيراً أسذ أبونورا لكن كان لي تساؤل
    هل صوت الونة ده اللي بيحصل مع الضغط على البنزين والقيادة بسرعات عالية ممكن يحدث إذا حصل تلف للوصلة المرنة اللي بتربط بين عمود الكردان والفتيس ؟


  • #4

    الصورة الرمزية خالد

    رقم العضوية : 187

    تاريخ التسجيل : 25Apr2007

    المشاركات : 844

    النوع : ذكر

    الاقامة : مصر الجديدة

    السيارة: ماروتى 2007

    السيارة[2]: الرينو داستر 4*4

    دراجة بخارية: عمرى ماسقتها !

    الحالة : خالد غير متواجد حالياً

    افتراضي -

    الكبير كبير
    معلومات فى غاية الروعة
    جزاكم الله كل خير وعايزين أكتر


  • #5

    الصورة الرمزية hanyfarrag

    رقم العضوية : 20

    تاريخ التسجيل : 17Apr2007

    المشاركات : 370

    النوع : ذكر

    الاقامة : القاهرة

    السيارة: Hyundai Matrix

    السيارة[2]: Kia Pride

    دراجة بخارية: Kymco G-Dink

    الحالة : hanyfarrag غير متواجد حالياً

    افتراضي -

    أعتقد أن صوت الونة ده بيكون من الكورونة
    وفى هذه الحالة جرب أولا تغيير زيت التروس الموجود فى الكورونة أو زيادته إذا كان ناقص
    ومن الممكن تغيير نوعية الزيت من 90 إلى 140

    أبو عمرو


  • #6

    الصورة الرمزية hema_hn

    رقم العضوية : 691

    تاريخ التسجيل : 15May2007

    المشاركات : 1,037

    النوع : ذكر

    الاقامة : اسكندرية

    السيارة: Waiting

    السيارة[2]: EXCEL1300

    دراجة بخارية: لا

    الحالة : hema_hn غير متواجد حالياً

    افتراضي -

    ما شاء الله عليك
    بجد بجد انا استفدت كتير طيب استفسار ممكن اركب موتور شاهين على عربيتى 131 نوعها 1600 موديل 82 كامة واحده


  • #7

    الصورة الرمزية hema_hn

    رقم العضوية : 691

    تاريخ التسجيل : 15May2007

    المشاركات : 1,037

    النوع : ذكر

    الاقامة : اسكندرية

    السيارة: Waiting

    السيارة[2]: EXCEL1300

    دراجة بخارية: لا

    الحالة : hema_hn غير متواجد حالياً

    افتراضي -

    وفيه سؤال تانى اصل الكرونة بتعتى كانت البطيئة انا مش فاكر بالضب كام سنة فى الترس الكبير وجبت كرونة عدد تروسها حوالى 42 سنة وبعد شهر بالضبط حصل بوش جامد جدا وفيه صوت ونة وماشى بيها على كدا هل الى حصل ده من فرق السرعة الاصلية الى كانت عليها وانا جبت الأسرع
    والف شكر


  • #8

    الصورة الرمزية هشام.النجار

    رقم العضوية : 456

    تاريخ التسجيل : 04May2007

    المشاركات : 192

    النوع : ذكر

    الاقامة : ?

    السيارة: ?

    السيارة[2]: ?

    دراجة بخارية: ?

    الحالة : هشام.النجار غير متواجد حالياً

    افتراضي -

    اقتباس المشاركة الأصلية كتبت بواسطة hanyfarrag
    أعتقد أن صوت الونة ده بيكون من الكورونة
    وفى هذه الحالة جرب أولا تغيير زيت التروس الموجود فى الكورونة أو زيادته إذا كان ناقص
    ومن الممكن تغيير نوعية الزيت من 90 إلى 140
    جزاك الله خير يا أستاذ هاني وإن شاء الله أجرب كده


  • #9

    الصورة الرمزية amrtalaat

    رقم العضوية : 223

    تاريخ التسجيل : 25Apr2007

    المشاركات : 104

    النوع : ذكر

    الاقامة : القاهرة

    السيارة: لادا 1500

    السيارة[2]: ماتريكس

    دراجة بخارية: no

    الحالة : amrtalaat غير متواجد حالياً

    افتراضي -

    الصراحة يا جماعة أنا لسانى بيعجز عن الشكر ....
    المنتدى أصبح واحة جميلة ومنجم معلومات وكنز ذوق وتعاون ....
    أنا مش عارف أشكر مين ولا مييييييييييييين! :lol:
    تشكروا جميعاً جدا جدا جدا
    ,انا الصراحة عمرى ما شاركت أى مشاركةفى أى منتدى بس الصراحة هنا فية حالة نادرة من التعاون والروح الجميلة والغير موصوفة وبالذات لما يكون الموضوع متعلق بالعربيات (محبوبتى)!!!!!!
    وأتمنى أنى أساعد مستقبلاً ولو بأى شىء...... :arrow:

    سبحان الله بحمدة سبحان الله العظيم


  • #10

    الصورة الرمزية go3ran2004

    رقم العضوية : 897

    تاريخ التسجيل : 09Jun2007

    المشاركات : 11

    النوع : ذكر

    الاقامة : الرياض

    السيارة: افيو

    السيارة[2]: شاهين

    الحالة : go3ran2004 غير متواجد حالياً

    افتراضي لا تشتروا الشاهين الشاهين بها سم قاتل -

    hasad">

    نصيحه اخويه
    محدش يشتري الشاهين و اللي عنده ربنا يصبره
    و دي حكايتي مع الشاهين
    اشتريت بعد ما اتخرجت من الكليه سنه 1999
    شاهين 1400 معدل باور و تكييف و سنتر
    اول ما جيت ادورها في الشركه ماداريتش و غيروا البطاريه
    بعد 24 ساعه البطاريه نامت و رحت الشركه قالولي الضمان على العربيه مش شامل البطاريه
    بعد اسبوغ غيرت الأربع مساعدين في الشركه عشان كانوا بيظين
    بعد اسبوع لقيت الدركسيون بيزن و لقيت علبه زيت الباور فاضيه
    حطيت زيت تاني اتسرب في خلال اسبوع
    رحت الشركه غيروا كاوتشه و قاللولي كله تمام
    و طبعا كل شويه زيت الباور يتسرب و اروح و يغيروا حاجه و يقولولي كله تمام و ماخدش منهم عقاد نافع لدرجه اني كنت بشيل علبه زيت معايا عشان ازود منها
    و بعدين الزيت مبقاش يعد يوم على بعضه و قالولي علبه الباور كلها بايظه و اخدوا العربيه اسبوع و غيروه
    بعد سنتين الدهان بقى زفت و ظهرت باروما
    الأبواب لازم ترزعها و فشلت كل المحاولات لتظبيطها
    لازم كل اسبوعين زجاج الشبابيك يعلق و تغير الكابل
    الكرسي بتاعي بيتلخلخ و لازم اربطه كل شويه

    بأختصار كانت قطعه من النكد مش عربيه
    و لو كنت اي عربيه مستعمله كانت هتبقى انطف
    و كمان الباور باظ تاني و كان ضماني خلص و قالولي نغيره ب4 الأف جنيه
    رحت بايع العربيه بعد 3 سنين

    يارب شركه النصر تولع بجاز



  •  
    صفحة 1 من 2 1 2 الأخيرةالأخيرة

    المواضيع المتشابهه

    1. نصائح لشراء e21
      بواسطة mohannd في المنتدى بـى إم دابـــليو
      مشاركات: 6
      آخر مشاركة: 24-04-2012, 07:33 AM
    2. نصائح لشراء عربية في الامارات..
      بواسطة Raul_7 في المنتدى قســـــــــم المقارنــــات
      مشاركات: 6
      آخر مشاركة: 22-07-2010, 07:50 PM
    3. مشاركات: 6
      آخر مشاركة: 23-03-2010, 04:48 PM
    4. 10 نصائح للنجاه من الأزمة الأقتصادية - نصائح وإرشادات فعالة وسهلة التطبيق
      بواسطة AshTurbo في المنتدى المنتــــــدى العـــــــــــام للسيــارات
      مشاركات: 8
      آخر مشاركة: 22-04-2009, 09:42 PM

    الكلمات الدلالية لهذا الموضوع

    المفضلات

    المفضلات

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •  

    Content Relevant URLs by vBSEO 3.6.0 PL2