أنا متأكد انها حتعجبكم حتى لو كنتوا شفتوها قبل كده
[youtube]http://www.youtube.com/watch?v=oTlBQ95gK0E[/youtube]
عرض للطباعة
أنا متأكد انها حتعجبكم حتى لو كنتوا شفتوها قبل كده
[youtube]http://www.youtube.com/watch?v=oTlBQ95gK0E[/youtube]
شعبنا كداب و اغنية كدابة , شعب مين اللى قام بس ! ايه الهجس ده ..
ان كرامة مصر ! ههههههههههههه و الله العظيم بحس انى سمعت نكتة مش عارف ليه .
بس ياترى اية سبب منع الاغنية من العرض؟
ويارب اصلح من حال بلدنا
انا شايف ان مهما كان فى البلد دى ماينفعش نقول عنها كده عشان هايجى يوم وكلنا بلا استثناء هنضحى بكل حاجه فى سبيلها
بكره هايجى اليوم اللى مش هتلاقوا فيه حد يمد لك ايده الا اهل بلدك هنلاقى نفسنا محبوسين جواها وومالناش غيرها مكان نعيش فيه ولا نروحه .... واللى عايز يخرج منها يتفضل بس مايندمش بعد كده ولا يفكر يرجعها تانى عشان هايبقى صعب
انا فلسطينى قبل مااكون مصرى واهلى ندموا انهم سابوا فلسطين رغم اللى فيها وانا كان نفسى اتولد واتربى فيها بس اتولدت مصرى وعشت فيها واتربيت فيها واتعلمت فيها وغصب عنى هدافع عنها طول حياتى مهما كان فيها من ظلم وتيييييت و و و وو
بلدى ومالهاش غيرى
في حتى في الأغنية بيقول فيها الكبير كبير..للأسف مبقناش كبار..الكبير مش بالكلام الكبير بالفعل ومصر بطلت تعمل حاجة..حتى الريس بتاعنا بيتكلم بس..معلش على كلامي بس أنا فعلا بقيت مضايق ل حال البلد
للإجتماعى المفروض
معاك حق فعلا فى حاجات كتير تضايق جدا بس مهما تكون مكسور وكجروح ماتبينش لحد عشان عدوك مستنى اللحظه دى ... مستنى لحظه ماتفقد الثقه فى نفسك وفى بلدك مستنى لما نكره بلدنا بنفسنا احنا كده بنساعده !!!! واجبنا مهما كان من بلدنا اننا نجمل فيها ونعلى فيها ولو بالكلام دى الرجوله فعلا ماتخلوش حد يقول المصريين مالهمش كرامه باعوا بلدهم فى اقرب محطه وبيقولوا عليها بلد مالهاش كبير ولا فيها رجاله كويسيين
عييييييييب ياشباب فكروا كويس مره واتنين وتلاته فكروا فى المدى البعيد ايه اللى هيحصل لو اتخلينا عن مصر !!
اغنيه حلوه بجد
تسلم ياباشا
بس فعلا هى اتمنعت ليه ؟
تقريبا اتمنعت الاغنية عشان التمثيلية خلصت واتقفل على المواضيع فمفيش داعي نجدد المواضيع تاني ومصر اكبر مننا ومن اللى بيحكمونا ومن اي حد ... ايا كان هو مين
بلدي وان جارت علي عزيزة أهلي وإن ضنوا علي كرام
انا عايش في السعودية، بقالي سنه واحده فقط ، ونازل أجازة ان شاء الله خلال أسابيع. أقسم بالله باعد الساعات اللي فاضله على نزولي برغم اني عايش هنا كويس جدا معزز مكرم أفضل ما كنت عايش في مصر بمليون مرة.
قبل ما سافر ولا كان ليا لا في كورة ولا سياسة ولا حتى بقرأ جرايد أو حتى أخبار على النت.
دلوقت مبفوتش ماتش لمصر، بدور على أي خبر مكتوب فيه كلمة مصر ، مبطيقش أي حد يلمح مجرد تلميح عن مصر .
.
يجماعه انا عايز اقولكم حاجه حب الوطن على عينا وراصنا بس الاغلى من كده دينا هوه الاغلى والهدف الاسمى فى حياتنا وحب الوطن من الدين فلا تغركم الوطنيه وتنسو الاصل وهو الدين وابتغاء كل اعمالنا لوجه الله وفى سبيل الله وليس فى سبيل الوطن
اغنية جميلة جدا بس ياريت الحكومة تتغير علشان البلد ترجع زى الاول واحسن وارجع واقول طول مافى سرقة حالنا حيبى ورا
اغنيه جميله بس ايه سبب منع عرضها
ياباشا فى الأغنية بيقول شعبنا قامت قيامته
يعنى ربنا يرحمنا ويحسن إلينا
وبيقول اللى يتطاول عليها نربيه من جديد ونقل قيمته
بأمارة إيه يا أسيادنا؟
والجديدة بقى بيقول أم الدنيا بقت أبوها... يعنى عملت عملية وللا إيه؟ فكرنى بالمشهد المعروف والممثل بيموت وبيعترف لإبنه قبل ما يموت: أنا مش أبوك .. أنا أمك
كلام فى كلام فى كلام وجهادنا بقى كلام وأخلاقنا بقت كلام وعملنا بقى أوهام
بصراحة الأغنية معجبتنيش بالعكس اتنكدت
السطرالأول معاك فيه طبعا رغم ان الحديث عن تغيير المنكر
إنما الأغنية دى مالها والجهاد؟
أنا باتكلم عموما عن شعبنا اللى بيبقى فاكر إنه لما يشتم إسرائيل يبقى عمل اللى عليه ويسكت على كده ، يتكلم عن التعليم يبقى حل مشكلة التعليم وكفاية كده ، يتكلم عن مشاكله يبقى كفاية عليها كده من غير أفعال...
لكن دا إيه علاقته بالأغنية اللى ضد الجزائر بسبب ماتش كورة وقامت قيامتنا وبقينا أبوهم ؟
أى جهاد اللى فى الاغنية وضد مين؟؟؟؟؟ هو لما 2 يقفوا يشتموا فى بعض يبقوا بيجاهدوا فى سبيل الله؟
بسم الله الرحمن الرحيم
{وَإِنْ طَائِفَتَانِ مِنْ الْمُؤْمِنِينَ اقْتَتَلُوا فَأَصْلِحُوا بَيْنَهُمَا فَإِنْ بَغَتْ إِحْدَاهُمَا عَلَى الأُخْرَى فَقَاتِلُوا الَّتِي تَبْغِي حَتَّى تَفِيءَ إِلَى أَمْرِ اللَّهِ فَإِنْ فَاءَتْ فَأَصْلِحُوا بَيْنَهُمَا بِالْعَدْلِ وَأَقْسِطُوا إِنَّ اللَّهَ يُحِبُّ الْمُقْسِطِينَ } [سورة الحجرات: 9].
احنا بق كبييييييييييييير طلعله شعب