شوية اكسسوارات للياريس ... و محتاج مساعدة من الوحوش
:E_braces[1]:
السلام عليكم ....
انا يا جماعة انشاء الله ناوي كده على شوية حاجات لعربيتي (ياريس 2009) و كنت عايز اعرف منكم شوية حاجات :
1) عاوز فوانيس شبورة ... بفكر اركبها جوة التوكيل لاني خابف من موضوع الضمان و كده و بالذات ان العربية لسه جديدة ... حد يعرف ممكن تكون بكام؟؟ و هل ده ياثر على كهرباء العربية؟؟
2) كنت عاوز اعمل ازاز عازل حرارة و سمعت ان في فيلم بيتركب على الازاز و بيعزل اشعة الشمس الضارة(زي الفوق البنفسجية) و قالوا ان في ماركة 3m كويسة و حتكلف حوالي 2000 جنيه للعربية و اسمه الكرستالاين 70 و بيبقى شفاف... ايه رايكم؟؟ و هل في حد بيركب الكلام ده في اسكندرية؟؟
3) كنت عاوز برضه اركب spoiler اللي بتيجي في الياريس الاتوماتيك .. نفس الكلام ... عاوز اركبها جوه التوكيل .. ممكن تكلف كام؟؟ لان في ناس بتقول 5000 و فيه ناس بتقول 1000 و ناس 500 ... مش عارف ....
4)الكاسيييييت !!! مشكلة كبيرة .. محتاج اغيره ... و اجيب سي دي بلاير بداله.. ممكن ده ياثر على الضمان؟؟ و ايه الماركات الكويسة؟؟ و هل بيفرق حسب نوع العربية؟؟
و اخر حاجة : الاستيكرات ... كنت برضه ناوي اجيب شوية الزقهم على العربية من وره (مش على الازاز) فهل ده ممنوع في المرور ولا ايه؟
و شكرررررررررا بجد يا جماعة و اسف اني طولت عليكم بس والله انا محتاج مساعدة لانى لسه جديد في موضوع العربيات ده و مش عايز يضحك عليا .. :8954[1]: