أريد معرفة السعر المناسب لبيع سيارة تويوتا كورولا 86، أوتوماتيك و تكيييف و سنتر لوك.
فابريقة من الداخل و الخارج.
عرض للطباعة
أريد معرفة السعر المناسب لبيع سيارة تويوتا كورولا 86، أوتوماتيك و تكيييف و سنتر لوك.
فابريقة من الداخل و الخارج.
فى الحقيقة انا متابع الاسعار فى سوق السيارات منذ مدة شهرين على الاقل
كلامك سليم لو انت بتشترى من زبون ممكن العربية تقل من 2000 الى 3000 الاف جنيه
ممكن فعلا تعمل 26 او 27 حسب حالتها
لكن لو بتشترى من تاجر الوضع هايختلف
يعنى مثلا لو كانت موديل موش هاقولك 86
كانت موديل 84 يبقى سعرها هايكون فى حدود من 24 الف حتى 28 الف حسب الحالة "فابريكة ودهان وفرش جيد ودواخل فابريكة وموتور جيد" وكاوتش جديد فقط لا غير
لو كانت موديل 1989 يبقى انت هاتدخل شريحة الـ 35 الف الى 38 الف واحيانا اكثر للحالات النادرة
لو كانت موديل 1991 احتمال يكون سعرها بين 38 الف حتى 41 الف او اكثر شوية
مثل الصورة التالية
http://img233.imageshack.us/img233/7295/20091218001.jpg
انا شفت عربيات حالتها عادية جدا ويمكن اقل من عادية وموديلات نفس الحكاية 86 او 84 وكان المطلوب حوالى 27 الف وحالتها موش اد كده
وفيه اللى بيطلب 24 الف بس العربية تعبانة جدا وشكلها متبهدل
فى الحقيقة التيوتا كورولا سعرها جامد شوية
برغم مثلا سيارة موديل 86 وعاملة 30 الف
وفيه سيارات مثلا كيا برايد عصفروة موديل 99 وعاملة برده 30 الف
وفيه سيارات مثلا سكودا فلاشيا موديل 97 وعاملة برده 30 الف
برغم فرق الموديل لكن التويوتا كورولا سعرها جامد
وممكن تعرف السبب لو ركبتها لاول مرة
انا بحاول اتعرف عليها براحة لان دى اول عربية لى واول مرة اشترى عربية
العربية موديل 1984
الموتور حالته جيدة
الفرش جيد
الدواخل فابريكة
الدهان ممتاز
الكاوتش جديدة
الحالة العامة جيدة
وكانت عاملة 28 ونص
ولو موش عاجبك فى خلال ثوانى او دقائق هاترجع موش هاتلاقيها
ممكن تلاقى عربيات تانية بس حالتها عادية موش نظيفة قوى
طبعا الواحد يفضل يشترى راحته
ويدفع زيادة شوية "وهو عارف انه دافع زيادة شوية"
احسن من زيارات السروجى و السمكرى والدهانات الخ
لو فيه اى نصائح لى بخصوص عربيتى التويوتا كرولا 1984
http://img253.imageshack.us/img253/2866/71177368.jpg
ياريت تفهمونى
اى حاجة منكم هاستفيد منها
هل ليها ميكانيكية مخصوصين ولا الموديل ده شغال عادى مع اى ميكانيكى على اساس انه مافيش فيه اى تعقيدات
محلات قطع الغيار
اى معلومة منكم هاستفيد قوى منها
اى نصائح من ملاك التويوتا الكورولا وعشاقها "عشان انا خايف قوى" اعمل اى حاجة غلط
وحتى الآن قلقان شوية موش عارف ليه
المفروض انى اكون سعيد ... بس كلامكم هو اللى هايطمئنى ويفهمنى الحوار ده يمشى ازاى
شاكر افضالكم
مع اطيب التمنيات
اخوكم حسين غزالة
السلام عليكم ا/حسين
اولا - لو معاك العربية ال84 اللى فوق يبقى من منظرها عامة ... يبقى الف الف مبروك ومتفرطش فيها
العربيات دى طالما قطع غيار اصلى او يابانى ونضيفة يبقى معاك زى الفل مع حسن الاستعمال
النصائح العامة
الاهتمام بالزيوت - موتور , فتيس, فرامل, دبرياج تكون نضيفة جودة عالية mobil 20w-50 مثلا.. الموتور يبقى ناعم
الرادياتير مياه خضرا فى موبيل بعد عمل دورة غسيل للرادياتير علشان تحافظ على نضافة البلوك والمواسير والسخونة والطلمبة مياه بالذات.....
يمكن قطع الغيار الاستيراد تبقى قليلة شوية
على العموم انا اعرف ميكانيكى ممتاز دماغه حلوة وعفشجى برده دماغه حلوة
لو احتاجت اى حاجة او مساعدة ابقى بلغنى...
على الفكرة العربية دى 1600 موتور 4a-ge حوالى 90 حصان... عربية حلوة ما شاء الله
ربنا يبارك لك فيها
:b4_388:
برده من الحاجات المهمة انك ما تعملش تعديلات فى السيستم بتاعها من كهربا او عفشه عشان تمشى بحالتها
اغلبية القطع الغيار اجيبها من ش دمشق من عرفة جابر او محمد جابر اللى جنبه
ابقى هات فلاتر اصلى -هوا -بنزين- زيت
ok
اللهم صل على محمد وعلى آله وصحبه أجمعين
الله يكرمك يا وليد .... ويسعدك دنيا وآخرة
كلامك الحمد لله يطمئن الواحد
وطبعا نصائحك الغالية ... مهمة جدا لى
هى بس المصاريف شغالة الله ينور
يعنى النهاردة نزلت اشتريت شوية حاجات بسيطة لكن مهمة من التوفيقية
مثل :
غطاء للطابلوه "على شكل فرو" = 15
شنطة عدة = 45
2 مفكات = 5
طقم بلدى = 10
علبة باكم انجليزى = 7.5
3 فوطة صفرا = 10
مفتاح بوجيهات = 10
غطاء جلد للطراة "الدركسيون" = 15
عصاية قفل للدركسيون = 20
مثلث اشارة = 20
فرشة للتنظيف جميلة قوى غزل موش بوليستر = 20
طقم فيوز = 2
تقريبا 185
وطبعا غيرت زيت للموتور اسو 1500 كيلوا
وفلتر زيت مصرى
بتاع الزيت قال لى كله يا بيه زى بعضه مافيش فرق
وكشف على زيت الفتيس قال لى تمام
وعلى فكرة فولت التانك بنزين 80 وشغال عادى بدون مشاكل والحمد لله
يعنى قلت عربية موديل 1984 اكيد البنزين ده موش هايسبب لها مشاكل زى العربيات الحديثة "الانجكشن" والله اعلم
بكره ان شاء الله اشترى جركن مياه خضراء وكمان زجاجة مياه مقطرة للبطارية
فى اي ملاحظات تانى يا جماعة
اى معلومة لوجه الله
اسماء تجار كويسين وعندهم امانة
يا ريت يا وليد تكتب لى اسم وعنوان الميكانيكية
ولو فيه حد تعرفه قريب من مصر الجديدة او الحرفيين او الماظة او هارون ههههههههههههههه
اى حد فى الخط "ممكن نحمله فى العربية" ههههههههههههه
النهاردة خذت حصتين لاول مرة فى زحمة المرور
طبعا كنت خايف
لكن مع تشجيع صديق لى كان راكب معايا
الحمد لله الخوف قل شوية
بس برده لسه خايف
هههههههههههههههههههه
فى انتظار تواصلكم
مع اطيب التمنيات
اخوكم حسين غزالة
مبروك كان نفسي اشتريها بس خفت منها بسبب قلة قطع الغيار واشتريت ريجاتا حلوة برضه الحمد لله
ربنا يديلك خيرها ويكفيك شرها
سلام عليكم يا حسين
الميكانيكى بتاعى فى اخر ش احمد عصمت..وقت ما تحب ممكن نروح سوا
بالنسبه الفلاتر والزيوت
الموتور حط MOBIL SUPER XHP 20W-50 افضل هتحس نعومة الموتور
بلاش اسو
الفتيس عادة حط 140
الباكم اشتريه من البنزينه او من عرفة جابر الكيلو ب20 (تويوتا) على ما اتذكر,لكن ما تحطش اى باكم وبالذات من التوفيقية ويقولك انجليزى (علبة صفرا مصرى بلاستيك) لان ممكن ياكل اوسيلات ماستر الفرامل او الدبرياج
الفلاتر الاصلى (تويوتا) من عند عرفة جابر فى ش دمشق
هوا 80
الزيت 45
بنزين 45
الحاجات دى افضل لانها جودة اعلى ولفترة اطول غير المصرى فترة اقصر وجودة اقل
وبالمرة غير سير الكاتينة احتياطى ب80 يابانى كل 60000
الميا الخضرا اعمل غسيل للرادياتير وبعدين حط المياه بتاعة موبيل الخضرا ,الجركن ب50 او 60 يقعد معاك سنة وتبريد كويس ويحافظ على المواسير والطلمبة
البنزين...العربيات دى الكتالوج بتاعها بيقولك 91 على الاقل..ال80 هيكتمها على قدام شويه ومخنوقة وهتلاقى كربون فى ماسورة الشكمان وعلى البوجيهات وفى الاخر تلاقيها تاكل بنزين بدون اى فايدة.. 90 او 92 هيحسسك بطعم العربية فى عافيتها وسحبها وكمان تبقى اقتصادية!!!
لو احتاجت حاجة ابقى بلغنى
سلام
:shine[1]:
بسم الله الرحمن الرحيم
الله يكرمك يا وليد
ويبارك فيك
شكرا لمرورك على موضوعي وهذا شرف لي ووسام على صدري
ربنا ييسر الاحوال
عندك فكرة عن تيل الفرامل ثمنه كام والاقيه فين
لان فيه واحد قريبى فى السعودية كلمنى من هناك
وقال لى اكشف على التيل الامامى واتكد انه سليم
عشان لو عمره انتهى "تقريبا اللقمة بتاعته بتعمل مشاكل مع الطنبورة"
تقريبا ده اللى انا فهمته
بالنسبة لزيت الباكم وانا بغير الزيت صاحب الورشة باع لى علبة زيت باكم "تعبانة" اخويا قال لى بلاش تحط منها احسن يبوظ "الاويل سيل" .... تمام نفس كلامك
ولكن الغريب انه اشترى لى من التوفيقية علبة فعلا "صفراء" وشكلها انظف
وفعلا قالوا له "النوع ده انجليزى" ههههههههههههههههههههههههه ههه
لكن للاسف زودت بيه شوية صغيرة
اكمل العلبة دى وما استعملش النوع ده تانى
إن شاء الله هاحاول الاسبوع ده اروح اغير سير الكاتنية
بس انت عارف الواحد لما يكون لسه شارى حاجة وموش عارف عنها حاجة وكمان صرف كل اللى معاه "بيبقى مضايق شوية"
وموش عارف يفكر كويس
بصراحة انا زعلان وخايف شوية
بس كل اللى حوالية قالو لى ما تخافش
عادى وامشى ولا يهمك
البركة فيك وفى كل الاعضاء المحترمين فى نايل موتورز
هاعتمد على الله وعليك لو احتجت اعرف حاجة
الله يكرمك يا وليد
ويبارك فى صحتك وفى اولادك وفى اصدقائك وفى عائلتك
ويسعدك دنيا وآخرة
مع اطيب التمنيات
اخوك حسين غزالة
بصراحة انا متابع الحوار والحق يقال حوارممتاز انا شخصيا استفدت منة كثير الله يبارك فيكم جميعا
السلام عليكم
انا اشكرك يا ا/حسين على تقديرك وذوقك, ده واجب علينا لبعض كلنا.
بالنسبة تيل الفرامل اليابانى حوالى 70-80 والاصلى 180 طبعا مش اقولك هات الاصلى لكن اضعف الايمان اليابانى...علشان تحافظ على الطنابير ويمسك العجل كويس
وشيًك على الورا كمان.
الزيت الباكم اسمه (LOCKHEED) الانجليزى لو انت واثق منه يبقى خلاص لكن دايما خليك حريص من القطع غيار او لوازم تشتريها فى جودتها. ماتسترخسش عشان ما تخسرش!!!
بخصوص المصاريف معلهش دايما فى الاول كده, يعنى شدة وهتزول زى ما بيقولوا....
:shine[1]:
اللهم صل على محمد وعلى آله وصحبه أجمعين
استاذ والله يا مان
كلامك سليم مية مية
طيب فيه حد بتتعامل معاه غير محلات محمد جابر فى شارع دمشق
يعنى تعرف حد معين يتعامل فى الاستيراد مثلا
الحمد لله انا موش محتاج حاجة
لكن فرصة ان فيه حد فاهم الحوار ده
وبيعملنا من علمه
وربنا يجعله فى ميزان حسناتك
اخويا الكبير هايكون سعيد جدا لما يسمع كل كلمة انت كاتبها لينا
زيت "اللوكهيد" تقريبا كان موجود والعلبة كانت تقريبا بحوالى 15 جنيه فى التوفيقية ولكن صغيرة جدا
شوية كده وهاحاول اسحب الزيت اللى موجود واغيره باللوكهيد "كده يبقى احسن ان شاء الله"
امبارح وانا بتصفح فى الانترنت ... حاولت اشوف موديلات تويوتا .. اكتشفت ان تويوتا ليها عشرات الموديلات ... لدرجة ان نادر لما اجد موديل متكرر او موجود معلومات عنه كاملة
ده غير طبعا مافيش مانيوال خالص تقدر توصل له بسهولة
هاحاول تانى وربنا يسهل
طبعا انا يوميا افتح الصفحة دى واتشوق انى اقرأ لك اى اضافة فى موضوع العربية دى
ابتدأت اهدأ شوية شوية
فى انتظار التواصل القيم معاك يا وليد
ومع كل اصدقاء نايل موتورز الاوفياء
شاكرين افضالك
مع اطيب التمنيات
اخوك حسين غزالة
السلام عليكم
والله هو انا مفيش غير عرفة جابر و محمد جابر اللى بحب اتعامل معاهم فى ش دمشق وممكن سمير عبد الرحيم كمان
فى جسر السويس فى واحد اسمه الشرقاوى قدام نادى الشمس جنب احمد عصمت
بالنسبة للاستيراد, حاول تخليها لأضيق الحدود. ش دمشق قدام عرفة جابر واحد اسمه العالمية للاستيراد
فى الحرفيين واحد كبير استيراد تويوتا مش فاكر اسمه, تقريبا جنب فرع جابر هناك.
زيت الفرامل انت ممكن تحط بتاع التويوتا مرة واحدة وتنساه طالما مفيش نقص زيت, انت عارف الفرامل ما بتتافهمش!
الموديلات بره فى اوروبا وامريكا للكورولا مختلفة بنسبة معينة..
انا برده بادور على المانيوال لكن مش لاقيه خالص..
سلام
بسم الله الرحمن الرحيم
اليوم اشتريت سير كاتينة من محل فى جسر السويس وذهبت الى الميكانيكى لم اجده
ذهبت الى ميكانيكى تانى فى شارع الجمعية الزراعية
فك يا عم
عشر دقائق الصنايعى فك السير
المفاجأة ان السير حجمه اصغر من اللى اشتريته
اخويا رجع مرة تانية
وبعد انتظار صاحب المحل غير السير بواحد مطابق للسير اللى كان راكب
وبالمرة اشترى سير دينامو كمان
الدنيا كانت خلاص بقت "ضلمة"
والاولاد الصغيرين راكبين فى العربية من الساعة 1 ظهرا
عشر دقائق وكان الميكانيكى مركب السير الجديد
عشر دقائق كمان وكان مركب سير الدينامو
ومضبط الكابروراتير "الهواء" تقريبا
دور العربية تمام
حاسبت الميكانيكى
اخويا هو اللى سائق
لان انا لسه طبعا خايف من زحمة عين شمس
مافيش يا دوب
خرجت من الجمعية الزراعية ونزلت على شارع احمد عرابى
والعربية يا بيه فضلت "تصقف" وتقطع واصوات وحركات ومخنوقة موش عايزة تسحب
ومرة واحدة راحت مبطلة
انزل زق العربية والشارع كله مية ضاربة هههههههههههه
المهم ركنت شوية
واخويا بص على العربية مافيش حاجة
كان فيه مفتاح يشغل المروحة يدوى
شغل المفتاح
دور العربية رجع للميكانيكى
الميكانيكى افتح الكابوت
ثوانى
وراح قال لنا: روح نظف الراديتير وبعدين تعال لى
اخويا شغل المروحة يدوى
وراح لبتاع الراديتير
الراجل بتاع الراديتير
قال لنا : الراديتير نظيف ومافيش اى تسريب
على العموم هافكه وانظفه لك عشان تطمئن وبالمرة تخلص من قصة الراديتير
الراجل فك الراديتير
نظفه بماء النار
وضغطه بالمياه
وقال لنا: هو سالك وموش محتاج اكثر من كده
ركب يا عم
اخويا قال لى: انا حسيت بالهواء بتاع المروحة اصبح ممتاز عن الاول
زى ما يكون الراديتير كان كله تراب ووساخة
المهم الصنايعى وهو بيراقب الراديتير ويشوف العربية بتقلب مياه كويس ولا لأ
لف بأيده الكاوتشة بتاعة الراديتير
راحت المياه زاد تقليبها كويس جدا عن الاول
اقفل الكابوت
واتوكل على الله جرب
اخويا مشى بالعربية
ما شاء الله ولا حول ولا قوة الا بالله
كله تمام التمام
والسحب عال
ومافيش اى تسقيف
حاجة غريبة
انا اقول لاخويا: يعنى هى مستنية لما نروح للميكانيكى عشان تعمل حوار الراديتير ده موش حاجة غريبة
اخويا قال لى: هى من الاول كانت المياه بتنقص فيها بشكل غريب
واعتقد ان الراديتير لما اتنظف هاتبرد احسن وموش هاتنقص المياه تانى
كام الحساب
سير كاتينة 65
سير دينامو 25
غسيل راديتير على السريع وتأكيد بعض اللحامات 20
مصنعية الميكانيكى هى اللى كانت جامدة شوية اعتقد 60
ومارديش ينزل قرش صاغ
الميكانيكى كان بينصح بتركيب موتور 1600 سى سى موديل 1997
قلت له كام يكلف
قال لى حوالى 4000 جنيه
ده كلامه
قلت له " طبعا على ما يركب" يخش فى 5000 جنيه
قال لى : تقريبا
اخويا قال لى: وماله اللى راكب فيها
ما هو زى الفل والحمد لله
سيبك منه ده بيكلم على مزاجه
بس طبعا لو ركبت 1600 سى سى
العربية دى هاتشد وتجرى مهما كنت مركب فيها ناس
قلت له : يا عم كده رضا
انا موش عايز اكثر من المشوار والضرورى كمان
يعنى مشى بالعربية قليل جدا مشوارين ثلاثة كل اسبوع موش اكثر
بس ربنا يسترها معانا
طبعا صعب تلاقى ميكانيكى كويس وفى نفس الوقت حنين فى الحساب ... لو عارفين حد ممكن تكتبوا لنا عنوانه او تليفونه وربنا ما يحوجنا لاى ميكانيكى
هاقوم انام دلوقتى عشان انا من الصبح الساعة 1 فى الشارع والنهارده بالذات كان برد قوى على حظى
تصبحوا على خير
فى انتظار تواصلكم
والاستفادة من خبراتكم
مع اطيب التمنيات
اخوكم حسين غزالة
وليد الله يكرمك
ده تليفونك
ولا تليفون حسن ابراهيم
حسن ابراهيم ميكانيكى شاطر
انا على العموم هاسجل النمرة دلوقتى
يمكن احتاجها فى اى ظرف
امبارح اخويا ربط الكواتشة اللى داخله على الموتور من الراديتير
كانت بتخر مية
بكرة ان شاء الله اجرب امشى بيها شوية
واتمنى ان مياه الراديتير ما تنقصش
لان موضوع الحرارة والمياه ده لازم احله فى الشتاء قبل ما الصيف ما يدخل
ربنا يسهل
النهاردة وانا بتابع بعض انواع المواتير الخاصة بشركة تويوتا
وجدت ان الشركة كل سنة يطلع لها اكثر من موديل
يعنى ما تلقيش موتور مستمر فى الشركة اكثر من 3 سنوات والله اعلم
عشان كده قطع غيار تويوتا غالية شوية
ولا ايه
ممكن تقول لى يا وليد العجل يتنفخ على كام
لانى موش عارف مقاس العجل ده كام
من ساعة ما زودت العجل
والعربية نشفت شوية
اعتقد العجلاتى نفخ العجل على 30
شكرا لك يا وليد
وفى انتظار التواصل
مع اطيب التمنيات
اخوكم حسين غزالة
ده رقم حسن ابراهيم اللى فوق, وهو شاطر بامانة
ورقمى انا 0102770946 لو احتاجته فى اى وقت
العجل بيتعمل على 28 وبعدين اتاكد من مقاس الكاوتش 155/80 r 13 ولا 175/70 وبعدين عايز اعرف موتورك 1300 ولا 1600 لان لو 1600 يبقى لازم يكون راكب 175/70 وهيكون افضل
تمام,....
على فكرة ما تبصش لموضوع تغيير الموتور الا اذا كان الموتور عندك ميت خالص وانا ماعتقدش على حسب الحوارات بينا والحاجة التانية هاتخش دوامة ورق مرور والخ.....
مساء الفل يا وليد
النهاردة سألت بتاع الكاوتش ... العجل ده مقاس كام
قال لى: 13 - 75 - 70
قلت له: قصدك 13 - 175 - 70
قال لى: لأ 13 - 75 - 70
المهم ضبط الهواء على 30 وقال ده المناسب فى الشتاء
وفى الصيف ينضبط على 28
بالنسبة للراديتير
الصنايعى بتاع الراديتير قال لى : الراديتير سليم
وفك الغطاء بتاع الراديتير
وحط عود كبريت خشب تحت الجلدة
وحط حاجة لون "الرمل" قال عشان لو فيه اى "خرم" يلحم لوحده
روحت البيت
وفتحت الراديتير
وجدت المياه زى ما هى بدون اى نقص
كان الاول نفس المسافة
افتح الراديتير الاقى المياه ناقصة جامد
انا قلت احتمال يكون الغطاء
بس استبعد الاحتمال ده
هاحاول اصلح الغطاء او اشترى واحد جديد
واجرب مرة تانية
وربنا يسهل
متشكر جدا على تليفونك وتليفون الميكانيكى
ربنا يسهل كده
والامور تمشى تمام
بالنسبة لى
العربية 1300 سى سى
الموتور موديل 2a )1983-1987)
فى الرخصة العربية موديل 1984
ربنا يسهل إن شاء الله
فى انتظار التواصل
مع اطيب التمنيات
اخوكم حسين غزالة
زى ما قولتلك 175-70 13 بس هما بيختصروا مش اكثر
الموتور 2a ولا 2e , او ابسط من كده هو غطاء التاكيهات الومونيا ولا اسود
على حال ربنا يبارك لك
اللهم صل على محمد وعلى آله وصحبه أجمعين
فيه ورقة ملزوقة ومكتوب عليها 2A
.زى الصورة تمام
http://img7.imageshack.us/img7/552/20100115004.jpg
لكن للاسف موش لاقى مانيوال
شكرا لك يا وليد
مع اطيب التمنيات
اخوكم حسين غزالة