بعد تردد إستلمت التيجو 1600
استلمت التيجو بعد نصيحة الأخوة Bedoo100 و Ash257 بالتوكل على الله والإستلام ( مشكورين) ، وكنت حذر عند الإستلام على أد إمكانياتى وخبرتى ، وأشكر الأخوة م. محمد همام والأخ أحمد مختار ود. شامل على النصائح اللى نصحونى بها عند الإستلام وكتبتها كلها فى ورقة وجربت كل حاجة زى زجاج العربية والأنوار ، وجربت زرار المريات الجانبية اليمين واليسار واشتغلوا وخرجت من التوكيل ويادوبك وصلت بيتى فى المعادى وجيت أشغل المرايا اليمين لم تستجيب ، طبعا مش عارف أعمل إيه وأروح لمين وهل أستنى الزيارة الجاية لمركز الخدمة عند بلوغ الألف كيلو ، مش عارف .. العربية طبعاً جميلة وضخمة والواحد يحس وهو بيسوقها إنه سايق بيت وراه لكن مع الإسف الفرحة خفت بعد ظهور عيب المرايا .. برجاء نصيحتكم أعمل إيــه . وشكراُ