اللوجان علمت على شيفروليه اللانوس وبولو تعليمه وحشة قوي

انهارده كنت في امتحان الماجستير مادة النظرية السياسية والفكر السياسي ويارب اخلص يوم 25 يناير على خير لاني زهقت خلااااااص--- كنت راكن الصبح في محطة مصر في جراج المحافظة وبعدين رجعت على الساعة 7 بليل من كايرو وطلعت باللوجي ومروح
وانا في قناة السويس لقيت شاب جامد جاي بشيفروليه لانوس فضي ومعاه شوية شباب وتقولش مصمم يشد معايا وانا جاى مرهق من السفر ومش وقتك يابن الحلال..... ويزنق ويغرز من قدامي قلتله طيب هيا بنا يا لوجي ننحرف شوية كنا خلاص في اخر قناة السويس وطالعين كوبري محرم بك وعينه ما تشوف الا النور هوووب شدة في كام غرزه في كام تزنيقه وبصيت لقيت نفسي عند الموقف وهو في الباي باي وعملتله باي باي
وانا قرب الموقف طلعلي واحد تاني ببولو سودا من ورايا وهاتك يا نور ولازق فيا والطريق فاضي قلتله تعاله هي جت عليك واللوجي تشرفني للمرة التانية على التوالي وتديله على قفاه لحد اما انا دخلت داخلة القباري وهو راح لحاله طريق العجمي المهم بعد اما ظبطه فضلت مستنيه عشان اسلم عليه لقبته جاى وهو غشيم وبيحدف عليه رحت فاقعه رمش اصلي برموش اللوجي وقلتله سلم على ماما بورا وبابا جولف وقولهم مستنيكم
وانا دلوقت بكتب الرسالة دي لاني هنام عشان في امتحان منظمات دولية غير حكومية بعد بكره واشوفكم يوم الاربعاء بليل
بااااااااااااااااي:rolleyes2:

قشطة عليك . هو ده الكلام و الا بلاش . ميهمكشي من اي ماركة علم عليهم كلهم :khd: المهم عملت اية في الأمتحان ربنا يكرمك ان شاء الله و ترفع رأس الأسكندرنية و اللوجانية .أدخل :36_1_50[1]:بقي .

الله أكبر عليكي يالوجي

أيوه كده يا ودييييييييييع

الله ينور عليك باalexman007 علمت عليهم بجد علشان بعد كده يحرمو يرفعو عنيهم على لوجى .....ربنا يوفقك فى الامتحانات:Ta_clap[1]:

انا ف 3 حقوقث زميل يعنى
ربنا يوفقك يمان

جاااااااااااااااامد
ربنا معاك

اقتباس:

---

وقلتله سلم على ماما بورا وبابا جولف وقولهم مستنيكم

---

هههه .. يخرب مطارنك ..
بس يا خوفى لا يروح يجيبلك تيته/ باســــات .. ههههههههههههههه

الموضوع ده بجد بقه مستفز... عشان العربية لسه جديده و الناس عايزه تتعرف عليها ... طول ما انا ماشي الاقي حد عمال يستفزني عشان اشد معاه و بالذات الكوري العربية مبتقصرش معايا ابداَ بس ان بصراحه ماليش في الكلام ده

طب اللانوس و معاك حق! اما البولو؟ جاي بتكبر على عربيه 1000 سس و 60 حصان! (لو كانت البولو العيون 1600 فسامحني!)

طيب ايه رأيك فى الانسر 1600 سبورت و الصنى و ماتركس
فى كل انواع الشد غرز و شد مواتير لغايه 190
المهم تكون واثق من عربيتك تماما وتنسى انها 90 حصان

اقتباس:

---

المشاركة الأصلية كتبت بواسطة mohamed1979

طيب ايه رأيك فى الانسر 1600 سبورت و الصنى و ماتركس
فى كل انواع الشد غرز و شد مواتير لغايه 190
المهم تكون واثق من عربيتك تماما وتنسى انها 90 حصان

---

+111111

الفكرة فى السواق اكتر

حضرتك بتقول انه كان معاه ناس في العربيه وده بياثر برده
بالأضافه للسواق اللي ممكن يكون مش محترف

مبروك
ولا
الف مبروك احسن

بصراحة موضوع الشد ده حاجة غريبة اوي فعلا الناس بتوع الكوري بيشوفوا اللوجان ماشية مش عارف بيحصلهم ايه. ابص الاقي تزنيق وغرز من ادامي عشان استفز واجري وانا بكبر بصراحة لاني لسه مش عديت ال 5000 كم بس جربت مرة مع لانوس وكان الفرق واضح جدااا بين العربيتين بس علي العموم انا مش بحب اجري لاني الشوارع في مصر زي الزفت فجاة تلاقي بتاع مكروباص وقف او تاكسي رمي يمين او واحدة بتسوق ترمي عليك او واحد سايب الرصيف وماشي تحته سلوكيات غريبة بس هاتعمل ايه لازم تتعايش معاها . بس احلي حاجة انك تبقي راكب عربية واثق فيها في عفشة وموتور وفرامل وكل حاجة وانا شخصيا جربت الفرامل بتاعتها من يومين وانا خارج من القاهرة الجديدة ادام اكاديمية الشرطة وكنت ماشي عادي حوالي علي 100 فجاة بياع بيضرب ابنه علي اليمين عيل صغير الواد اول ماخلع من ايد ابوه راح واخد الشارع بالعرض ادامي فجاة بدون اي مقدمات طبعا ضربت فرامل جامد جداااا وسبجان الله وقفت مكانها والواد اتكتبله عمر جديد الحمدلله طبعانزلت من العربية و سمعت ابوه كلام تيت تيت تيت تيت يلا الحمدلله علي كل حال

اقتباس:

---

المشاركة الأصلية كتبت بواسطة mohamed1979

طيب ايه رأيك فى الانسر 1600 سبورت و الصنى و ماتركس
فى كل انواع الشد غرز و شد مواتير لغايه 190
المهم تكون واثق من عربيتك تماما وتنسى انها 90 حصان

---

اول حاجه احب اقولها الانا من اشد المعجابين بالوجان و نصحت واحد صاحبي كان عايز يشتري عربيه و شراها فعلا و طلعت زي ما توقعت ممتازه......

بس ماتقعنيش ان لو لوجان و لانسر سبورت او البولو 1600 شدوا مع بعض.... اللوجان تكسب! انا اقصد في الاحوال الطبيعيه (شارع فاضي و فرصه مساويه للجميع) اما الشد في شوارعنا بيبقى انت و حظك (عربيه تتطلعلك من هنا و لحفره من هنا) و بيعتمدش على العربيه زي مانتا قولت

اتق شر الحليم اذا غضب-هى شكلها طيبة بس لما بتغضب ما تقفش قدامها

اقتباس:

---

المشاركة الأصلية كتبت بواسطة esp

اول حاجه احب اقولها الانا من اشد المعجابين بالوجان و نصحت واحد صاحبي كان عايز يشتري عربيه و شراها فعلا و طلعت زي ما توقعت ممتازه......

بس ماتقعنيش ان لو لوجان و لانسر سبورت او البولو 1600 شدوا مع بعض.... اللوجان تكسب! انا اقصد في الاحوال الطبيعيه (شارع فاضي و فرصه مساويه للجميع) اما الشد في شوارعنا بيبقى انت و حظك (عربيه تتطلعلك من هنا و لحفره من هنا) و بيعتمدش على العربيه زي مانتا قولت

---

لايا باشا ده فى طريق مصر اسكندريه الصحراوى والقطاميه لأنى مبحبش الشد داخل القاهرة طبعا علشان الأسباب المعروفه مطبات بلاعات غشم سواقين الميكروباص و التاكسى .......الخ
و الانسر طالع منه على 180

ايوة كدا يا باشا وريهم لوجى
انا شديت مع لانوس برضو وعديتها بسهولة
الغريبة بقا انى طول ما انا ماشى يا الناس تحاول تستفزنى عشان اشد معاهم يا إما اكون ماشى براحتى وواخدى يمينى الاقى العربيات راحت جاية ماشية جنبى وقاعدين يبصوا على العربية والشارع فاضى قدامهم !!

يا باشا اعذرنى أنى ها اقول كلام ممكن يكون رخم ومش متوافق مع الرد المتوقع منى وعارف أنى هبقى عامل زى الخزوق الى طالع فى نص الردود وعامل فيها مصلح اجتماعى بس أنا هقول ورزقى على الله
الموضوع ده فى منتهى الخطورة ولسه فى عضو فى المنتدى مش من بعيد شد مع واحد وقدر الله أنه الى شد معاه داس بنت صغيرة وتقريبا رأسها انفجرت فى الارض والعضو عمل موضوع لانه حاسس بتأنيب ضمير لانه ممكن يكون مشارك
ارجوكم يا جماعة كل واحد يبدأ بنفسه وبلاش موضوع الشد والتعليم ده واظن حضرتك هتكون راضى عن نفسك جدا لو واحد حاول يشد معالك وأنت نفضتله وكبرت دماغك منه ويا سلام لو احتسبت التنفيضه ديه لوجه الله
بسم الله الرحمن الرحيم
"وَعِبَادُ الرَّحْمَنِ الَّذِينَ يَمْشُونَ عَلَى الارْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلامًا "
يا عم الى عاوز يعدى عديه وخليك من عباد الرحمن دول وقله سلامممممممممم
أنا مش باقولك أنى ملاك لا سعات برضه حد يستفذنى والاقى نفسى بشد معاه بس ده بقى قليل جدا دلوقتى وبحاول اجاهد نفسى واملك اعصابى
ربنا يباركلك فى عربيتك ونقولك قريب يا دكتور طب وقريب ليه احنا نقولها من دلوقتى باعتبار ما سيكون - أن شاء الله -
ربنا يوفقك يا دكتور

اقتباس:

---

المشاركة الأصلية كتبت بواسطة zkralla

يا باشا اعذرنى أنى ها اقول كلام ممكن يكون رخم ومش متوافق مع الرد المتوقع منى وعارف أنى هبقى عامل زى الخزوق الى طالع فى نص الردود وعامل فيها مصلح اجتماعى بس أنا هقول ورزقى على الله
الموضوع ده فى منتهى الخطورة ولسه فى عضو فى المنتدى مش من بعيد شد مع واحد وقدر الله أنه الى شد معاه داس بنت صغيرة وتقريبا رأسها انفجرت فى الارض والعضو عمل موضوع لانه حاسس بتأنيب ضمير لانه ممكن يكون مشارك
ارجوكم يا جماعة كل واحد يبدأ بنفسه وبلاش موضوع الشد والتعليم ده واظن حضرتك هتكون راضى عن نفسك جدا لو واحد حاول يشد معالك وأنت نفضتله وكبرت دماغك منه ويا سلام لو احتسبت التنفيضه ديه لوجه الله
بسم الله الرحمن الرحيم
"وَعِبَادُ الرَّحْمَنِ الَّذِينَ يَمْشُونَ عَلَى الارْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلامًا "
يا عم الى عاوز يعدى عديه وخليك من عباد الرحمن دول وقله سلامممممممممم
أنا مش باقولك أنى ملاك لا سعات برضه حد يستفذنى والاقى نفسى بشد معاه بس ده بقى قليل جدا دلوقتى وبحاول اجاهد نفسى واملك اعصابى
ربنا يباركلك فى عربيتك ونقولك قريب يا دكتور طب وقريب ليه احنا نقولها من دلوقتى باعتبار ما سيكون - أن شاء الله -
ربنا يوفقك يا دكتور

---

+1

[QUOTE=zkralla;3872295517][size=4][color=purple][b]أنا مش باقولك أنى ملاك لا سعات برضه حد يستفذنى والاقى نفسى بشد معاه بس ده بقى قليل جدا دلوقتى وبحاول اجاهد نفسى واملك اعصابى
و الله يا باشا انا كده برضو بس تعمل ايه بقى فى الشيطان الى بيخلى اسخن هى متبقاش كتير انى ممكن اجرى مع حد الا لو لوحدى و معظم ركوبى العربيه بيقى مع اولادى و ربنا يستر طريقنا كلنا

اقتباس:

---

المشاركة الأصلية كتبت بواسطة zkralla

يا باشا اعذرنى أنى ها اقول كلام ممكن يكون رخم ومش متوافق مع الرد المتوقع منى وعارف أنى هبقى عامل زى الخزوق الى طالع فى نص الردود وعامل فيها مصلح اجتماعى بس أنا هقول ورزقى على الله
الموضوع ده فى منتهى الخطورة ولسه فى عضو فى المنتدى مش من بعيد شد مع واحد وقدر الله أنه الى شد معاه داس بنت صغيرة وتقريبا رأسها انفجرت فى الارض والعضو عمل موضوع لانه حاسس بتأنيب ضمير لانه ممكن يكون مشارك
ارجوكم يا جماعة كل واحد يبدأ بنفسه وبلاش موضوع الشد والتعليم ده واظن حضرتك هتكون راضى عن نفسك جدا لو واحد حاول يشد معالك وأنت نفضتله وكبرت دماغك منه ويا سلام لو احتسبت التنفيضه ديه لوجه الله
بسم الله الرحمن الرحيم
"وَعِبَادُ الرَّحْمَنِ الَّذِينَ يَمْشُونَ عَلَى الارْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلامًا "
يا عم الى عاوز يعدى عديه وخليك من عباد الرحمن دول وقله سلامممممممممم
أنا مش باقولك أنى ملاك لا سعات برضه حد يستفذنى والاقى نفسى بشد معاه بس ده بقى قليل جدا دلوقتى وبحاول اجاهد نفسى واملك اعصابى
ربنا يباركلك فى عربيتك ونقولك قريب يا دكتور طب وقريب ليه احنا نقولها من دلوقتى باعتبار ما سيكون - أن شاء الله -
ربنا يوفقك يا دكتور

---

:Ta_clap[1]::Ta_clap[1]::Ta_clap[1]:

اقتباس:

---

المشاركة الأصلية كتبت بواسطة zkralla

يا باشا اعذرنى أنى ها اقول كلام ممكن يكون رخم ومش متوافق مع الرد المتوقع منى وعارف أنى هبقى عامل زى الخزوق الى طالع فى نص الردود وعامل فيها مصلح اجتماعى بس أنا هقول ورزقى على الله
الموضوع ده فى منتهى الخطورة ولسه فى عضو فى المنتدى مش من بعيد شد مع واحد وقدر الله أنه الى شد معاه داس بنت صغيرة وتقريبا رأسها انفجرت فى الارض والعضو عمل موضوع لانه حاسس بتأنيب ضمير لانه ممكن يكون مشارك
ارجوكم يا جماعة كل واحد يبدأ بنفسه وبلاش موضوع الشد والتعليم ده واظن حضرتك هتكون راضى عن نفسك جدا لو واحد حاول يشد معالك وأنت نفضتله وكبرت دماغك منه ويا سلام لو احتسبت التنفيضه ديه لوجه الله
بسم الله الرحمن الرحيم
"وَعِبَادُ الرَّحْمَنِ الَّذِينَ يَمْشُونَ عَلَى الارْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلامًا "
يا عم الى عاوز يعدى عديه وخليك من عباد الرحمن دول وقله سلامممممممممم
أنا مش باقولك أنى ملاك لا سعات برضه حد يستفذنى والاقى نفسى بشد معاه بس ده بقى قليل جدا دلوقتى وبحاول اجاهد نفسى واملك اعصابى
ربنا يباركلك فى عربيتك ونقولك قريب يا دكتور طب وقريب ليه احنا نقولها من دلوقتى باعتبار ما سيكون - أن شاء الله -
ربنا يوفقك يا دكتور

---

بجد تسلم ايدك على الكلام الحلو ده :S_thum1[1]:...... ويا رب يهدى كل متهور :ask:......وفعلا زى ما حضرتك قولت اللى بيشد و يعلم على غيره مابيستفيدش اى شيئ بالعكس ده بيغضب ربنا ...........وفى الاخر :stink[1]:

الله ينور يامعلم

لية كل اللى بيشد بيكون:
لانوس فيرنا جين2 لانسر واللوجان كمان بدأت تظهر
عشان الفئة السعرية صح و شباب صغير فرحان برضة صح

لكن عارف امتى حتفوق لما العربية تعرض منك ع 130 او 140 و تروح يمين فى شمال و تكون مستنى اخرتك و شريط حياتك يمر قدام عينيك فى لحظة

تخيل فرحتك و انت نازل قبل ما تشد و فرحان باعربية و مبسوط و صدمتك بعد ماشديت والعربية لاقدر الله متخبطة و متبهدلة و متدمرة هو فرق 4 دقائق بتوع الشدة 4 دقائق بس و حتقعد تفكر فى سعادتك قبل ال4دقايق دول و صدمتك بعد4 دقايق

الكلام دة لينا كلنا ياجماعة مقصدش حد ... لأنى من كام يام ماشى 130 وفوجئت بحفرة مووت فى نص الطريق طبعا شمال فى يمين و باى باى الحمد لله ربنا ستر ان الطريق فاضى الحمد لله

اقتباس:

---

المشاركة الأصلية كتبت بواسطة alexman007

فضلت مستنيه عشان اسلم عليه لقبته جاى وهو غشيم وبيحدف عليه رحت فاقعه رمش اصلي برموش اللوجي

---

تقصد ايه؟؟

فكرتنى بنكتة بايخة "مره واحد بيقول لوالدته هاتيلى برتقالة، قالتله ليه يا ابنى هو انا موتوسيكل، راح الدولاب وقع"

معلش اسمحلي
دي مش شطاره ولا حاجه تفتخر بيها
لو لا قدر الله كان حصل حاجه كنت هتبقي مبسوط كده

يا جماعة الراجل بيحكى موقف حصل معاه بلاش التخبيط الجامد ده وعلى فكره انا كان كتير يبقى الطريق فاضى والاقى الى لازق ورايا وعمال يرعش ومكنتش فاهم ليه ده بيحصل غير لما قريت الموضوع ده وفهمت ان الشباب القمامير عايزين يجربو العربية فى الشد .

اقتباس:

---

المشاركة الأصلية كتبت بواسطة islamislam

يا جماعة الراجل بيحكى موقف حصل معاه بلاش التخبيط الجامد ده وعلى فكره انا كان كتير يبقى الطريق فاضى والاقى الى لازق ورايا وعمال يرعش ومكنتش فاهم ليه ده بيحصل غير لما قريت الموضوع ده وفهمت ان الشباب القمامير عايزين يجربو العربية فى الشد .

---

لا والله العظيم ما هو ده المقصود خالص
صاحب الموضوع راجل احسبه على خير وأنا فقط كنت باذكره وبذكر نفسى معاه وأنا قلت أنى احيانا بعمل كده يعنى أنا وهو فى نفس الجانب وأنا وهو وأى حد لازم نحاول نبطل الموضوع ده لكن مش مساءلة تخبط ولا حاجه
بس أنت برضه عندك حق كام الافضل أنى اعمل موضوع منفصل عن الحكاية ديه عشان ميبقاش فيه شبهه أن الكلام موجه لحد بعينه
لكن أنا متأكد أن اى حد دخل علق مكنش يقصد أنه يوجه الكلام لصاحب الموضوع ولكن بيتكلم بصفه عامة