نستله ....... بتدخل لحم الخنزير في منتجاتها

صدر العدد الجديد من صحيفة "اليوم السابع" الأسبوعية محتشداً بالعديد من الانفرادات الصحفية المميزة، منها تحقيق يكشف بالمستندات عن استيراد شركة "نستلة" الشهيرة للمواد الغذائية لحوم خنازير لمصانعها فى مصر بعدما نجحت فى الإفراج عنها من الجمارك باسم "بطرس يوسف".

منقوووووووووووووول من اليوم السابع


===================
حسبي الله ونعم الوكيل
البلد دي متثقشي أبدا في أي حاجه فيها والله حتى لو كانت غاليه
لا حول ولا قوة الا بالله
الأمانة بقت صعب في بلدنا
أنا من باب الأمانة قولت أشارككم في الموضوع لتعم المعرفة

نستلة مصر ما بتعملش اي منتجات فيها لحوم اصلا

منتجاتها كلها البان ومياه فقط

دهن الخنزير ليه علاقة بأى منتج من عندهم؟
هما بيعملوا على ما أعرف زبادى وجبن ولبن مجفف ومبستر ونواشف وكورن فليكس .. إيه تانى؟

بعض الشيكولاتة

طيب ليه نسله هتجيب لحم خنازير من بره علشان تحطه فى منتاجتها

مش فاهم يعنى كده اكلت المسلمين لحم خنازير غصب عنهم ولا ايه

ولا دى برضوا من نظريات المؤامر على المسلمين من الغرب

الموضوع ده هينتهى بحاجه من الاتنين يا اما الجريده هتتقفل بسبب الخسائر اللى سببتها لنسله ياما شركه نسله هتفلس وهتمشى من مصر

اليوم السابع بالنسبه ليه جرنان أصفر

كل منتجاتها البان -زبادى -جبن -اكل للاطفال سيريلاك-مياة معدنية وملوش اى دخل من دول بلحم الخنزير الخبر دة مش صحيح

اليوم السابع ?
كده بانت خلاص

يا جماعة الخبر مش صحيح انا خالى مدير مبيعات فى شركة نستلة وما فيش حاجة من الكلام دة حصلت لانة نستلة مش بتستخدم الحاجات دى فى منتجاتها وخالى ماسك فرع الصعيد يعتبر ولو فى حاجة زى كدة مش معقول يكون كل حاجات بيتة من نستلة وياكل اولادة منها وينصحنا بيها
ولا اية

شحم الخنزير بيدخل فى المنتجات الصناعية لانة ارخص اقتصاديا مش موامرة ولا حاجة (انا لا اصدق اليوم السابع)

انا من رأيي ان الشركات دي اكبر من انها تعمل حركة هبلة زي دي...واظن منتجات الشركة موجودة في بلاد كتير غير مصر...وممكن تستخدم دهن الخنزير فيها...لكن الشركات الكبرى معندهاش استعداد تخسر شريحة كبيرة من المستهلكين عشان توفر كام دولار فرق سعر بين دهن الخنزير والدهون الأخرى...

واشمعنى يعنى الجريدة مخدتش بالها من الموضوع ده غير بعد موضوع منع بناء مآذن المساجد...

ده رأيي الشخصي...

اقتباس:

---

المشاركة الأصلية كتبت بواسطة col. Eng. Khaled

بعض الشيكولاتة

---

+1

و كمان انتم زعلنيين ليه انتم نسيتوا كمية الخنازير اللى كانت فى مصر واتذبحت و فى الاخر اكتشفنا ان انتاجهم طول السنيين دى كان بيتورد لمصانع تشغيل اللحوم و اللانشون وخلافه و احنا بناكل القرف ده و مش عارفيين

عليه العوض فى البلد دى

اقتباس:

---

المشاركة الأصلية كتبت بواسطة mohamed.mostafa

كل منتجاتها البان -زبادى -جبن -اكل للاطفال سيريلاك-مياة معدنية وملوش اى دخل من دول بلحم الخنزير الخبر دة مش صحيح

---

+1111111111111111
ارجو من صاحب الموضوع جزاه الله خيرا التأكد من الخبر قبل نقله لأن انا اعرف ناس كتيييييييييييير شغاله في نستله مصر في المصانع والفروع وفي كل مكان وما يتم عندهم من صناعه تتم علي اعلي واحدث نظام للجوده
للأسف انهم بيهتمو بالمنتج وبحياة الانسان أكثر مليون مرة من اخواننا المصريين المسلمين وده علي الرغم من ان ادارة الشركة الأم من سويسرا

وهذا الخبر كاذب بنسبة 100 %

اقتباس:

---

المشاركة الأصلية كتبت بواسطة ehab_mansour

+1111111111111111
ارجو من صاحب الموضوع جزاه الله خيرا التأكد من الخبر قبل نقله لأن انا اعرف ناس كتيييييييييييير شغاله في نستله مصر في المصانع والفروع وفي كل مكان وما يتم عندهم من صناعه تتم علي اعلي واحدث نظام للجوده
للأسف انهم بيهتمو بالمنتج وبحياة الانسان أكثر مليون مرة من اخواننا المصريين المسلمين وده علي الرغم من ان ادارة الشركة الأم من سويسرا

وهذا الخبر كاذب بنسبة 100 %

---

أتأكد ازاي يعني يا أخي الفاضل
ده خير نازل في جريدة موجوده في السوق وانا بنقله
والله لو الخبر متفبرق يبقى نستله هترفع دعوه عليهم وتقفلهم الصحيفة
ولحد الآن لم ارى هذا
واعتقد ان ده بعيد

وبخصوص موضوع التاكد
فحضرتك انا مش مصدق كلامك وممكن تأكدهولي ؟؟؟
فين الدليل على كلام حضرتك برضه

المسألة مش كده دهن الخنزي بيدخل في اغلب المنتجات بتاعتهم
وممكن يكون ده سبب استيرادهم له

والله كل واحد حر
انا عن نفسي همتنع اني اشتري اي حاجه لهم
مش ناقصه يعني ولا هموت لو مكلتش من حاجتهم

وبصراحه انا لا اثق في اي شركة حتى لو كانت كبيره ولكن تنتج في مصر

اقتباس:

---

المشاركة الأصلية كتبت بواسطة ehab_mansour

+1111111111111111

للأسف انهم بيهتمو بالمنتج وبحياة الانسان أكثر مليون مرة من اخواننا المصريين المسلمين وده علي الرغم من ان ادارة الشركة الأم من سويسرا

---

اسمحلي أسجل اعتراضي على الجزء المقتبس
وخصوصاً على ما تحته خط
المسألة دلوقتي مش قصة مسلمين وغير مسلمين
ده غير إن على حد علمي مفيش إحصائيات دقيقة عن قدر اهتمام المسلمين مقارنة بغير المسلمين بالمنتج وحياة الإنسان
يا ريت لو عندك احصائيات تحطها

اليوم السابع ليست ذات ثقة ولا يأخذ بأخبارها أو إنفراداتها المفبركة وهى أقرب للصحافة الصفراء ومصيرها الفشل.

لو كان المصدر جريدة محترمة زى المصرى اليوم مثلاً كان يبقى فى كلام تانى...

اقتباس:

---

المشاركة الأصلية كتبت بواسطة goldenmaneye

اليوم السابع ليست ذات ثقة ولا يأخذ بأخبارها أو إنفراداتها المفبركة وهى أقرب للصحافة الصفراء ومصيرها الفشل.

لو كان المصدر جريدة محترمة زى المصرى اليوم مثلاً كان يبقى فى كلام تانى...

---

+111111111

اقتباس:

---

المشاركة الأصلية كتبت بواسطة goldenmaneye

اليوم السابع ليست ذات ثقة ولا يأخذ بأخبارها أو إنفراداتها المفبركة وهى أقرب للصحافة الصفراء ومصيرها الفشل.

لو كان المصدر جريدة محترمة زى المصرى اليوم مثلاً كان يبقى فى كلام تانى...

---

انا بصراحة باشوف اليوم السابع متفرقش كتير عن المصري اليوم
باعتبر أفضل جريدة حالياً هي الشروق
على الأقل هي اللي ملهاش سوابق لغاية دلوقتي

ياله علشان الأخوة اللي بيحبوا يكذبوا اي حاجه قبل ما يتأكدوا او يكون هناك تريث للمعرفة قبل الأتهامات المتتالية لتكذيب الخبر دون اي دليل بس علشان الناس مش عاوزه تصدق
ياريت الناس تفرق بين ما تريده وما يوجد على ارض الواقع
الكلام بصراحه انا مصدقه من الأول
لأن الكذب بيبقى واضح والموضوع شكله من الأول واضح ومفيش مبرر اني اكذبه زي ما مفيش مبرر اني اصدقه زي ما الاخوة بتقول
=============================

http://www.youm7.com/images/issuehtm...mostanad12.jpg

حصلت «اليوم السابع» على صورة الإفراج الجمركى الصادر عن مصلحة الجمارك التابعة لوزارة المالية والذى يحمل رقم وارد (0036553298) يؤكد استيراد شركة نستلة للمواد الغذائية شحنات لحوم خنازير منذ تاريخ 16 أبريل 1998 ، كما أكد تاريخ تطبيق التعريفة الجمركية والذى حصلت «اليوم السابع» على نسخة منه تورط شركة نستلة فى استيراد شحنات من نفس اللحوم دخلت مصر عبر الجمارك بالإسكندرية على شكل شرائح صدور الخنازير المملحة.

ويظهر فى الإفراج الجمركى أن الشحنة لصالح شركة نستلة مصر وفى خانة صاحب الشأن بالإفراج الجمركى «بطرس يوسف جرجس» وبلد المنشأ «الولايات المتحدة الأمريكية».
ووفقا لدفاتر الإفراج الجمركى المفتوحة للشركة فى مصلحة الضرائب فإن هذه الشحنة ليست الأولى، فقد سجلت شحنات أخرى فى عام 2007 وآخرها كان فى مارس 2008. نبدأ كشف وقائع الفساد فى شركة نستلة للصناعات الغذائية بمستند استيراد لحوم الخنازير، والذى يعد مخالفة واضحة من قبل الشركة لنصوص الشريعة الإسلامية بالإضافة للغش التجارى.

نستلة شركة متعددة الجنسيات، الحجم الأكبر من رأس مالها سويسرى ويبلغ عدد موظفيها حوالى 334541 يعملون فى 479 مصنعا حول العالم من بينهم مصنع مصر، والذى يعد الأكبر فى الشرق الأوسط ومنطقة شمال أفريقيا، حيث تعتبر نستلة مصر من الشركات العملاقة فى مجال تصنيع الآيس كريم ومنتجات الألبان. بدأت شركة نستلة نشاطها فى السوق المصرية منذ عام 1988، وتدير حاليا ثلاثة مصانع ويعمل لديها أكثر من ثلاثة آلاف شخص يعملون فى مجال تصنيع الآيس كريم والمنتجات الجافة والمياه المعدنية، وتقوم بتسويق تلك المنتجات تحت علامات تجارية مثل نستلة بيور لايف ونسكافيه ونيدو وماجى وسيريلاك وموفينبيك وكيت كات.

قائمة طويلة تنتجها شركة نستلة مصر فى ثلاثة قطاعات هى قطاع الزبادى والذى استحوذت عليه شركة لاكتيل مؤخرا، ليتبقى كل من قطاع الآيس كريم وقطاع المواد الجافة. وتشمل منتجاتها العديد من الأصناف الغذائية فى مقدمتها القهوة بأنواعها وأشهرها منتج نسكافيه والمياه المعدنية المعبأة ولها العديد من الماركات المتداولة فى السوق المصرية والتى تحمل معظمها علامة شركة نستلة وفى مقدمتها مياه نستلة «بيور لاى»، بالإضافة إلى مشروبات أخرى مثل نسكويك ونسيتا ومليو وكارنتينا والتى فى مجملها من أهم المشروبات الكاملة الصنع والمتداولة فى السوق المصرية.

منتجات الألبان طويلة الأجل المجففة ضمن قائمة منتجات الشركة أيضا فى مصر، والتى لها العديد من الأنواع، فى مقدمتها لبن نيدو ونستلة ومليك ميدا ونستلة أوميجا وكافى ميت. تنتج الشركة أيضا أنواعا متعددة من رقائق ذرة للإفطار باسم نستلة ونستلة كويك.
طعام الأطفال والرضع قطاع هام فى الشركة ينتج العديد من المنتجات الغذائية لهذه الفئة العمرية وفى مقدمتها الألبان المجففة التى تستخدم للأطفال مثل لبن «نان» و«لكتيجين بابى».

هذا بالإضافة إلى أغذية الطاقة والتى تنتجها الشركة تحت اسم «باور بار» إلى جانب الأغذية الصحية التى تنتجها تحت اسم «HealthCare Nutrition» «Nutren, Peptamen, Modulen». المنتجات المطبخية أهم القطاعات فى شركة نستلة حيث تنتج منتجات جافة واسعة الانتشار وفى مقدمتها منتج مكعبات مرقة الدجاج واللحم باسم «ماجى« إلى جانب منتجاتBuitoni Thomy, Winiary كما تنتج الشركة أطعمة مجمدة باسم Maggi, Buitoni Stouffers Hot Pockets.

قطاع الآيس كريم من أهم قطاعات منتجات الشركة والتى لها العديد من الأسماء التجارية واسعة الانتشار منها Nestlé, Frisco, Motta, Camy, Savory, Peters, Haagen Dasz, Movenpick إلى جانب المنتجات المبردة بأسماء Nestlé, Buitoni, Herta Toll House. بالإضافة إلى إنتاجها شيكولاتات والبسكويتات أشهرها شيكولاتة كيت كات وكلير وجلاك ميلك بار وسمارتز وافترايت بالإضافة إلى, Baci, After Eight, Baby Ruth, Butterfinger, Lion Aero, Polo, Frutips.

بمراجعة قائمة جميع منتجات شركة نستلة والتى تتعدى الـ100 منتج متداولة فى السوق المصرية مع أحد خبراء التغذية المتخصصين فى المجلات التخصصية أكد أن احتمالية استخدام هذه الشحنة من صدور لحوم الخنازير وارد فى العديد من أنواع تلك المنتجات، خاصة أن الشركة لم تحدد فى الإفراج الجمركى نوعية السلعة المستخدم فيها تلك الشحنة، وينطبق هذا التفسير على منتجات نستلة الحيوانية وفى مقدمتها مرقة الدجاج واللحم بالإضافة إلى احتمالية أن تكون الشحنة تم استخدامها فى منتجات الألبان بالإضافة إلى الشيكولاتات والمواد المجففة والتى يدخل فى صناعتها منتجات حيوانية أيضا.

مخالفات شركة نستلة لم تتوقف عند هذا الحد من التلاعب بصحة المصريين ومخالفة الشريعة الإسلامية والسجلات التجارية والتورط فى العديد من ملفات الغش التجارى المثبت بالمستندات، بل امتدت لتسجل خسائر بالملايين لمصحة الضرائب، بالإضافة إلى نهب حقوق العاملين فيها والتى وصلت إلى 22 مليون جنيه.. العديد من المخالفات الجسيمة نكشفها بالمستندات فى العدد القادم.


منقوووووووووول من اليوم السابع

وانتم مستغربين ليه !!!!!!!!!!!!
طيب ما محافظ القاهرة سمعته بودني في برنامج العاشرة مساءا كان في اتصال هاتفي مع منى الشاذلي بيقول ان لحوم الخنازير بتدخل في اللحوم المصنعة في مصر زي اللانشون والبلو بيف وغيره
وانا كنت عملت موضوع بالجزئية دي ومسجلة صوت الوزير ونزلته في موضوع من فترة طويلة
يبقه لما نستله تستورد منتجات خنازير من برة بعلم الحكومة مش حاجة عجيبة لان طبيعي ان منتجات الالبان هايدخلها بعض من الدهون لانها كلها منتجات مصنعة ولا تمت للحليب الطبيعي بصلة
وحسبي الله ونعم الوكيل فيكي يا حكومتنا

حسبي الله و نعم الوكيل

اقتباس:

---

المشاركة الأصلية كتبت بواسطة نور القمر

وانتم مستغربين ليه !!!!!!!!!!!!
طيب ما محافظ القاهرة سمعته بودني في برنامج العاشرة مساءا كان في اتصال هاتفي مع منى الشاذلي بيقول ان لحوم الخنازير بتدخل في اللحوم المصنعة في مصر زي اللانشون والبلو بيف وغيره
وانا كنت عملت موضوع بالجزئية دي ومسجلة صوت الوزير ونزلته في موضوع من فترة طويلة
يبقه لما نستله تستورد منتجات خنازير من برة بعلم الحكومة مش حاجة عجيبة لان طبيعي ان منتجات الالبان هايدخلها بعض من الدهون لانها كلها منتجات مصنعة ولا تمت للحليب الطبيعي بصلة
وحسبي الله ونعم الوكيل فيكي يا حكومتنا

---

قبل كدة قريت إن فيه مصانع متخصصة في تصنيع منتجات اللحوم من الخنزير
وأعتقد كان مصراوي أو اليوم السابع حاطط المصانع دي بالاسم.
ده عادي يا نور المصانع دي شغالة في النور ولها زبائنها :)
وبتبيع منتجاتها على أنها لحم خنزير وليست غش على أنها لحوم تانية

لكن يا ابو حمزة في حوار المحافظ محددش اذا كان منتجات الخنازير بتدخل في نوعيات معينة والشعب عارف ان فيها منتجات خنازير ولا لأ
واللي يسمع كلامه يفهم ان كلامه عام
انا عن نفسي بطلت اللانشون وماشابه من ساعة ما سمعت الخبر مع اني بحبه جدا
هحاول ابحث عن الموضوع وانزل تسجيل الصوت هنا تاني

ربنا يستر
الواحد مابقاش عارف ياكل اية ويثق فى اية فى البلد دى

اليوم السابع زي عادتها
بتجيب خبر وترجع بنفسها تكذبه بعدها بكام يوم
نشروا رد نستله من غير حتى اعتذار
والغريب في الأمر إن الحادثة بقالها 12 سنة

شركة نستله تنفى استيراد لحوم خنازير لمنتجاتها فى مصر.. وتتهم الجمارك بتحرير الإفراج الجمركى بخطأ كودى
الخميس، 21 يناير 2010 - 17:47

كتبت - أميرة عبد السلام

أعلنت شركة "نستله مصر" أن مصلحة الجمارك التى أصدرت الإفراج الجمركى لشحنة لحوم الخنازير سبق وأن نشرتها جريدة اليوم السابع، تحتوى على خطأ فى الكود الجمركى، وهو الذى أدى إلى ظهور كلمة لحوم الخنازير فى الإفراج، على الرغم من وجود كلمة لحم بقرى فى الإفراج، مما يؤكد ازدواجية نوع الشحنة فى الإفراج نفسه.

هذا وقد حملت شركة "نستله مصر" مصلحة الجمارك مسئولية هذا الخطأ، مؤكدة أنها بموجب هذا الإفراج استوردت لحما بقريا وليس لحوم خنازير، كما هو مثبت فى صورة الإفراج الجمركى باللغة الإنجليزية.

لافته إلى أن الشركة قامت باستيراد 450 كجم من خلاصة لحم البقر من البرازيل، وذلك لاستخدامها فى إنتاج مكعبات مرقة لحم البقر، وهذا المكون من مستخلص أبقار تم ذبحها وفق الشريعة الإسلامية بموجب شهادة موثقة من اتحاد المؤسسات الإسلامية فى البرازيل، والمستند الذى يحمل عنوان اتحاد المؤسسات الإسلامية فى البرازيل الذى شهد بأن اتحاد المؤسسات الإسلامية فى البرازيل يشهد أن شحنة لحوم الأبقار قد تم ذبحها طبقا لأحكام الشريعة الإسلامية، وذلك فى حضور المفوض ومراقبة المشرق العام للاتحاد، كما أنه تأكد عبر اتخاذ جميع الإجراءات اللازمة بخلوها وعدم اختلاطها بأى مواد خنزيرية أو كحولية وهى صالحة لاستهلاك المسلمين فى شتى بقاع العالم، كما هو موضح فى المستند رقم"2".

وأضافت الشركة فى ردها الرسمى على الموضوع المنشور فى كل من الجريدة والموقع الإلكترونى لليوم السابع أنه أثناء تخليص الشحنة من الجمارك المصرية تم إدخال كود خطأ، مما أسفر عن ظهور التعريف الخاطئ للخامة باللغة العربية هو "صدور خنازير مجففة ومملحة"، فى حين أنه تم كتابة التعريف الصحيح للخامة باللغة الإنجليزية وهى "beef" أى لحم بقرى، وهذا بواسطة الكمبيوتر الخاص بمصلحة الجمارك التى تقوم بتخليص الشحنة جمركيا وهو المستند الذى تم نشره مع الموضوع.

وبناء على هذا حملت الشركة الجمارك مسئولية المستند الذى وصفته بالخطأ، مؤكدة أن جميع مصانع شركة "نستله مصر" معتمدة كمصانع لإنتاج المنتجات الحلال طبقا للشريعة الإسلامية، ويتم التفتيش الدوى عليها من قبل الهيئات الصحية، كما تقوم الشركة بتصدير منتجاتها إلى دول الشرق الأوسط وأوروبا والولايات المتحدة.

لافته إلى أنه على الرغم من مرور 12 عاما على استيراد تلك الشحنة فإن جميع المستندات الدالة على خطأ الجمارك فى تصنيف مكون الشحنة وصحة موقف الشركة موجودة، بما فيها إيصال الجمارك والإفراج البيطرى، وتقرير هيئة القياسات الإشعاعية يثبت أن الشحنة كانت خلاصة لحوم بقرية، مما يؤكد التزام الشركة بالقوانين واللوائح المحلية لمصر، بما أنها من الدول التى تتواجد منتجات الشركة فى أسواقها.

يأتى هذا فى ظل إرسال شركة "نسلته مصر" خطابا رسميا إلى رئيس تحرير جريدة اليوم السابع أكدت فيه أن ما تم نشره فى الجريدة والموقع ويذكر فيها اتهاما أن شركة "نستله" قامت باستيراد لحوم خنازير لمصانعها بمصر ردت عليه الشركة بالمستندات التى تضمنت البيان الرسمى الصادر من الشركة بخصوص الموقف، من استخدام دهون الخنازير فى منتجات نستله مصر، بالإضافة إلى فاتورة المورد للشحنة، وشهادة رسمية من وزارة الزراعة البرازيلية تثبت أن اللحوم المشار إليها هى خلاصة لحم بقرى، إلى جانب شهادة حلال التى تثبت أن تلك الشحنة هى لحم بقرى مذوح طبقا للشريعة الإسلامية، بالإضافة إلى شهادة المنشأ من السلطات البرازيلية، وتقرير المركز القومى لبحوث وتكنولوجيا الإشعاع، وتنص على أن الشحنة هى لحم البقر وخالية من أى إشعاعات.

بالإضافة إلى أن الإفراج الجمركى نفسه الذى تم نشره يظهر فيه كلمة beef extract وتعنى لحما بقريا، إلا أنها ظهرت بجواها كلمة صدور خنازير مملحة، وهذا ما أكدت الشركة أنه خطأ لموظف الجمارك فى إدخال الكود الخاص بالشحنة نتج عنه هذا التوصيف.

http://www.youm7.com//images/issueht...m/nestle/1.jpg

http://www.youm7.com//images/issueht...m/nestle/2.jpg

http://www.youm7.com//images/issueht...m/nestle/3.jpg

http://www.youm7.com//images/issueht...m/nestle/4.jpg

http://www.youm7.com//images/issueht...m/nestle/5.jpg

http://www.youm7.com//images/issueht...m/nestle/6.jpg

يا جماعة اليوم السابع لا يعتد بكلامها.

دى لو صحيفة محترمة كانت واجهت شركة نستلة الأول وأكيد الشركة كانت هتبرر الموضوع لان الخبر لا يدخل على عاقل ولو مكنش عندهم تبرير قوى يبقى ساعتها وجب النشر.

ايه البلد العجيبة اللى احنا عايشين فيها دى

بجد بحس انها ملهاش قوانين معينة تمشى عليها

هى كده تحس انها كل حاجة فى كل حاجة

وتطلع انت منها مش عارف حاجة

يعنى الواحد كان قرب يقتنع ان نستله بتدخل خنازير بالمستندات المنشورة وموثقة

وبعد يومين يتكدب الخبر بمستندات موثقة برضه

وفى الاخر برضه فضلت محتار مش عارف الحقيقة فين

فعلا مفيش حاجة صعبة فى البلد دى كل حاجة ونقيضها حتلاقيها

يعنى متستغربش لو لقيت واحد تخين بس رفيع شوية لان اكيد حيبقى فيه مستندات بتثبت كده

او واحد الطويل بس قصير شوية برضه

هو الواحد جراله ايه


انا كده شكلى هيست خلاص:turned:

هى دى مصر ياعبلة"""""

انا قريت الخبر علي اليوم السابع برضة

و بالعقل كدة، مفيش أي منتج مصري من نستلة بيدخل فية لحوم أو دهون حتي

غير ربما الأيس كريم، و أكيد لو كانوا محتاجينة كانوا حيستوردوا دهن و بس

و بعدين الخبر مقالش الكمية ولا قال اية نوعية اللحوم

-----------

انا في اعتقادي ان حتطلع المسألة لحوم مطبوخة مستوردة لحفلة فيها أجانب مثلا ولا حاجة

ولا حد عندة فرح من أصحاب الشركة فإستورد كمية بإسم الشركة علشان ينجز الوقت في الجمارك

يعني مش حتطلع أكتر من كدة

و باقي منتجات نستلة المستوردة كلها مفترض انها بتخضع لرقابة الدولة لو فيها اي مشتقات خنزير ولا لأ

و بعدين انا كمان علي حد علمي ان دهن الخنزير مش حرام استخدامة، اللي اعرف انة حرام هو لحم الخنزير، بس الناس علشان تخلص من الشبهه مش بتستخدم الإتنين
------------

و في النهاية طلعت الشركة محترمة و ردت و مفترض ان اليوم السابع تقدم إعتذار و طلعت غلطة الجمارك

عقبال كدة ما يبقي عندنا حكومة محترمة زي شركة نستلة

اقتباس:

---

المشاركة الأصلية كتبت بواسطة amrbakly

انا قريت الخبر علي اليوم السابع برضة

و بالعقل كدة، مفيش أي منتج مصري من نستلة بيدخل فية لحوم أو دهون حتي

غير ربما الأيس كريم، و أكيد لو كانوا محتاجينة كانوا حيستوردوا دهن و بس

و بعدين الخبر مقالش الكمية ولا قال اية نوعية اللحوم

-----------

انا في اعتقادي ان حتطلع المسألة لحوم مطبوخة مستوردة لحفلة فيها أجانب مثلا ولا حاجة

ولا حد عندة فرح من أصحاب الشركة فإستورد كمية بإسم الشركة علشان ينجز الوقت في الجمارك

يعني مش حتطلع أكتر من كدة

و باقي منتجات نستلة المستوردة كلها مفترض انها بتخضع لرقابة الدولة لو فيها اي مشتقات خنزير ولا لأ

و بعدين انا كمان علي حد علمي ان دهن الخنزير مش حرام استخدامة، اللي اعرف انة حرام هو لحم الخنزير، بس الناس علشان تخلص من الشبهه مش بتستخدم الإتنين
------------

و في النهاية طلعت الشركة محترمة و ردت و مفترض ان اليوم السابع تقدم إعتذار و طلعت غلطة الجمارك

عقبال كدة ما يبقي عندنا حكومة محترمة زي شركة نستلة

---

+11111111
بس عندي لك تصحيح بسيط ألا وهو ان شركة نستله مصر لديها منتج وحيد بيدخل فيه اللحوم وهو "مرقة دجاج ماجي " فقط
وارجو اخي الفاضل ابو عبدالله صاحب الموضوع انه ما يزعلش مني لما قلتله يتحقق من الخبر جيدا لأني اعرف كتيييييير عن شركة نستله مصر ومن مصادر موثوق منها في الشركة وناس علي قدر عالي جدا من الالتزام والاحترام والتقدير يعني كلامهم ثقة
في النهاية انا كنت متأكد ان شركة نستله هترد علي الخبر ده

استاذ عبدالله شركة نستلة من اكثر الشركات احترامنا فى السوق المصرى مش دا علشان خالى شغال فيها لا دا بشهادة ناس كتير وناس زمايلى كان والدهم شغال فى فرع نستلة القاهرة
وخالى شغال فى فرع الصعيد مدير مبيعات والحمدلله الشركة رد بنفسها على الخبر

اقتباس:

---

المشاركة الأصلية كتبت بواسطة ehab_mansour

+11111111
بس عندي لك تصحيح بسيط ألا وهو ان شركة نستله مصر لديها منتج وحيد بيدخل فيه اللحوم وهو "مرقة دجاج ماجي " فقط
وارجو اخي الفاضل ابو عبدالله صاحب الموضوع انه ما يزعلش مني لما قلتله يتحقق من الخبر جيدا لأني اعرف كتيييييير عن شركة نستله مصر ومن مصادر موثوق منها في الشركة وناس علي قدر عالي جدا من الالتزام والاحترام والتقدير يعني كلامهم ثقة
في النهاية انا كنت متأكد ان شركة نستله هترد علي الخبر ده

---

أيوة صح مرقة الدجاج ماجي ألذ ألذ مع مرق الكوسة العجيب :shyy:

بس بصراحة شركة محترمة أنها عملت كدة فعلا و ربنا يتوب علينا من الصحافة الصفرا

الوضع محير فعلاً
اليوم السابع تاريخها أسود
وفي نفس الوقت الحجة بتاعة نستله إن الجمارك أخطأت كوميدية جداً
هو مفيش إدارة كاملة مسئولة عن الأمور دي ومفترض إنها تراجع
وجزئية إن الحادثة عمرها 12 سنة دي لوحدها لغز تاني
الله أعلم الحقيقة فين بس واضح إن فيه ريحة تصفية حسابات في الموضوع