اه مسجل خطر خناق ب اساتك ولبنان :ma(30)::ma(30):
عرض للطباعة
والله يا خالد البلد دى بقت حاجة تقرف حاسس انك فى شيكاغو فعلا
انا مرة طالع من الرجبى ناحية سكة القطر وطالع من شارع جنب مدرسة المسلم الاقيلك واحد بيجرى ورا التانى بسيف والواد دماغة مفتوحة وبتشر دم والتانى بيجرى وراة تقولش مسلم بيجرى ورا كافر فى معركة حربية وطاخ يا معلم على دماغ الولا شقهالو اتنين زى البطيخة
طبعا انا شفت المنظر تنحت شوية ومش مستوعب فى اية
لا والادهى من كدة الناس طلعة تحوش الولا من ايد البلطجى دة
تلاقى شوية عيال بسنج ومطاوى واتلات (جمع تلت والى هوة اطول من السنجة شوية ) وعاملين دايرة وبيقولك محدش يقرب ومحدش لية دعوة الى عايز يموت يقرب واحنا نريحة من الدنيا خالص
طب يا جدعان حد يبلغ البوليس
بس بوليس مين بقى الواد خلاص اتقطع
مرة تانية برضة كنت فى ابو راضى وطلعت على الشارع الرئيسى وقلت اتمشى لحد بيت جدى فى محب ولسة طالع عند المشحمة كدة
الاقيلك واحد برضة بيجرى ورا واحد بسيف
قلت الله هية البلد كلها قلبت رجالة لية كدة وكلة شارب عصير رجالة على المسا وهرمونات الذكورة تعباة قوى وقالعلك ملط من فوق
مش عارف والله البلد دى رايحة على فين فعلا الواحد يمشى بعد كدة بقى والحتة فى جيبة
والله يا خلود انا بقالى فترة مارحتش المحلة بقالى ييجى 3 شهور بس والله لما انزل اكيد هاكلمك واجيلك
انا منتشر فى المحلة كلها من اول التيسير والشعبية والرجبى ومحب وشكرى
لازم اخد لفة على كل دول
همة صحيح خلصو الكسر الى قدام الصدر ولا لسة
اخر مرة كنت هناك وانا جاى من كمين العلو
كانو مسفلتين حتة والباقى متكسر لحد دخلة الشون
ماشفتش انت بقى العواميد الى كان حاطنها قى الجزيرة على مدخل المحلة قدام المستشفى الميرى كانت ليها بنورة ازاز كبيرة كدة والعامود ملفوف فى بلاستك ولا كانة عافش عروسة لسة جاى
الكلام دة من سنة وشوية كدة ايام فرح اختى وكانت السكة برضة مدغدغة والدنيا زحمة
بيقولك واحد دخل فى عمود من دول عملولة قضية وغرامة 30الف جنية تمن العمود تقولى ازاى اقولك معرفش
وهمة اسبوع الزاز بتاع العواميد اتكسر او اتسرق بمعنى اصح وجابو عواميد تانية باين وركبوها
بس تعرف يا معلم من بعد الكمين على طول وانت رايح على الشون الراجل بصراحة مسفلت الحتة دى ييجى كيلو ونص كدة بس اية حرير تغريك انك تجرى عليها
هيا المحلة صعبة اوى كدة انا كل الى اعرفة انى رحتها مع واحد صاحبى من المنصورة لانة قالى ان احلى محل فول وطعمية اسمة (البغل) عندكم فى المحلة الاصل والمنصورة التزوير هههههههههههه فرحنا واكلنا من عندة بس مكنتش متوقع انكم كدة هههههههههههههههه على كدة الواحد يدخل المنتدى ومعاة المسدس الالى الليزرى النووى الاشعاعى (ههه دة مسدس جديد)
بس والله اهل المحلة دول ناس زى الفل وليا واحد صاحبى منها وجدع جداااا
سلام كبييير للمحلة ههههههههههههههههههههههههه ه