للعلم و اتخاذ اللازم مراوح الفيكترا بتتصلح
انا عندى مروحة تبريد الريادتير فيها رفة و تشتغل العربية تبقى عربية حرت و نص نقل قديم
النهارده حصل معايا موقف غريب فى الدبرياج عرفت منه ان الدبرياج تعيشوا و تفتكروا و ربنا يسهل و تيجى فلوس و اعمله بس ما علينا:dzey:
و انا واقف عند الميكانيكى لقيت الكهربائى بتاعى عم سعد بعد ما قفل الورشة و خد 200000 جنيه و خلع من المحل القديم لقيته على القهوه سلمت عليه و وريته المروحه قاللى استأذن الميكانيكى اشتغل بعدته و قد كان:khd:
فكينا المروحه و بعدين فكيناها من القميص من ال 3 صواميل العشرة و ابتدت المأساه:H_angry[1]:
1. فك الضهر و هو معمول بطريقة الودان السحرية يعنى حتة حديده مقفولة و بتبات جوه الشاسية بتاع الموتور:hlopaet_prv:
2. طلعنا الضهر و الحمد لله و جبنا بنزين 92 و غسلنا قاعدة الشربون و كان فيه مقاومه على الهوا يعنى بتلمس لحمناها ( بعدتى انا ) :hlopaet_prv:
3. المشكله الكبيرة انك تطلع الموبينا اللى جوه و هى شغاله على 4 مغناطيسات لأن المروحه من الصدا لازقة فى الأكس مش بتطلع يمين شمال جن ازرق مفيش و هو خاف تتكسر عشان فيبر رحت واخدها وواخد عربية من ورشة الميكانيكى تويوتا ياريس و رحت للخراط و ابتدى يعيش حياته لغاية ما ربنا كرمه و طلعها:hlopaet_prv:
4. الأكس البلية كلته خالص و و البلية قافشة و الأتيال مصدية و متاكله و ابتدى الخراط يعملها نطر البلية و جبت بلية SKF يابانى و عمللى الجلبة اللى ورا بالمره و خرطلى تيلتين جداد طلع عين اهله ساعه و نص لغاية ما كبس كل حاجة مكانها :dzey:
5. رجعت للكهربائى قفل قاعدة الشربون و قفل الكهربا و لحم القواعد عشان متهربش كهربا و زيت الأكس اللى ورا و صنفر الموبينا :hlopaet_prv:
الحمد لله المروحة اختلفت جداً و التبريد اختلف و الصوت راح و ما زالت تحت التجربة:biggrin2:
