صعبان علية الملكية وايامها

**holiel** · 20-01-2010 12:30 AM

المشاركة الأصلية كتبت بواسطة akramlail

طب اية رايكو فى اللى حصل بما يسمى ثورة واللى حصل لمحد نجيب بعد كدة هل نجيب بردة قائد غير شجاع ؟؟

محمد نجيب انسان ظلم حيى وميت الله يرحمه خسرناه وخسرنا السودان وهو كان محبوب جدا جدا من الشعب

**akramlail** · 20-01-2010 01:28 AM

حد يعرف ان محمد نجيب كان عندة مشروع السد العالى وبرج القاهرة دة قايلة فى مذكراتة والحصار اللى كان فية لحد ممات صوزرة عبد الناصر الحقيقيى بتبان مع الزمن والتاريخ اللى مسحة عشان يحط نفسة هوة وبس منو لله والى هيجننى منين كان بينادى بالوحدة العربية ويعمل وحدة مع سوريا الى لا يجمعنا بيها لا حدود ولا حاجة وساب السودان ؟؟؟؟

**amr mokhtar** · 20-01-2010 01:29 AM

المشاركة الأصلية كتبت بواسطة pro_samir

لكن أكيد الفكرة مش فى الملكية فى حد ذاتها ، ماهو كان ممكن الملك والحكومة يبقو فاسدين وساعتها هيبقى حال البلد أسوأ من دلوقتي

الفكرة ان الملك هو صاحب البلد فمش هيرضى يشوف بلده بتتنهب و تتسرق و يعد ساكت لإن فى الآخر دى أمواله - مش هيبص لكام ملطوش ياخدهم و يجرى -

الحاجة التانية الملك مش محتاج يعمل حوارات و إختراعات عشان يمسك إبنه الحكم
و بالتالى الملك بيبقى عايز يسيب البلد فى حالة كويسة عشان إبنه من بعده مايجيش يلاقيها خرابة

و بعدين أكتر حاجة كانت جميلة فى الوقت ده إن الناس كانت محترمة... محترمين فى لبسهم .. و كمان فى أخلاقهم
انا لا أعتقد ان فى البرلمان وقتهم كان فيه عالم قاعدة "تسب" لبعض و لا كأننهم قاعدين على القهوة

**amr mokhtar** · 20-01-2010 01:35 AM

من أكتر الحاجات اللى قصرت فيا اوى
اللقاء اللى كان عامله عمرو أديب مع الأميرة فريال (الله يرحمها) فى سويسرا

من طريقة كلامها و اللى كانت بتحكيه عن الملك فاروق تحس ان الناس دى كانوا ناس عاليين اوى
يعنى أخلاق و ثقافة غير عادية

**MomoMedo** · 20-01-2010 02:13 AM

الفكرة ان الملك هو صاحب البلد فمش هيرضى يشوف بلده بتتنهب و تتسرق و يعد ساكت لإن فى الآخر دى أمواله - مش هيبص لكام ملطوش ياخدهم و يجرى -

الحاجة التانية الملك مش محتاج يعمل حوارات و إختراعات عشان يمسك إبنه الحكم
و بالتالى الملك بيبقى عايز يسيب البلد فى حالة كويسة عشان إبنه من بعده مايجيش يلاقيها خرابة

و بعدين أكتر حاجة كانت جميلة فى الوقت ده إن الناس كانت محترمة... محترمين فى لبسهم .. و كمان فى أخلاقهم
انا لا أعتقد ان فى البرلمان وقتهم كان فيه عالم قاعدة "تسب" لبعض و لا كأننهم قاعدين على القهوة

+11111
انا عندي 20 سنة بس
على طول نفسي اعيش ايام الملكية تاني
الحكاية دي حسيتها لما روحت السعودية

**akramlail** · 20-01-2010 02:16 AM

وبعدين فى حد شاف مملكة ضعيفة او فقيرة المملكة بيبقالها هيبة بردة مش المرمطة دى

**MomoMedo** · 20-01-2010 02:18 AM

وبعدين فى حد شاف مملكة ضعيفة او فقيرة المملكة بيبقالها هيبة بردة مش المرمطة دى

صح كدة

**الغزالى** · 20-01-2010 03:29 AM

انا بئى عندى شوية مجلات من سنة 30 ايام ما اتولى الملك فاروق بفتح الحاجات دى وبعيش وبسرح بخيالى لبعيد بجد وبعدين الصور والمواضيح بجد انا كان نفسى اعيش ف الوقت دة اوى يجماعد بجد انتوا لو تشوفوا الحاجات دى هاتحسسرو ميت اللف مرة على الى انتوا فية دلوقتى دة ياراجل حتى ومحدش يفهمنى غلط فى الحتة دى البنات الى كانوا حاطيين صورهم فى الكجلة حاجة كدة تحس انهم ماليكة انا مش بعيب فى بنات دلوقتى بس فى فرق جامد جدا بين زمان ودلوقتى فى كل حاجة يعنى مثلا اما تشوف اغلان لشركة طيران مصر للطيران يوئولك السرعة والراحة والامان من مصر للندن فى 36 ساعة فقط بجد احساس وحاجات جامدة اوى اوى والمجلات دى فعلا متتقدش بتمن