انا عايز ميكانيكي بيجو 305 في الهرم او فيصل حد يعرف واحد كويس؟
عرض للطباعة
انا عايز ميكانيكي بيجو 305 في الهرم او فيصل حد يعرف واحد كويس؟
هناك مركز خدمة لبيجو في نصر الدين
شارع النادي
لو حضرتك مكنتش تعرفه
لكن ميكانيكية مش عارف حقيقي
اظن المركز مش بيشتغل فى ال305 الحديث فقط عموما فيه احمد هارون فى فيصل امام كلية التربية الرياضية امام مقلة الاهرام وكمان عندك واحد بجوار مدرسة حسام الدين ناصية اخر سور التربية الرياضية برضه
في ميكانيكي كويس اسمه ياسر
ده كان شغال في التوكيل وأخصائي بيجو وهو شاب محترم جدا وفاهم وعنده صنايعية كويسين ميكانيكا وعفشة
وعنوانه تدخل من الشارع الي على ناصيته الشبراوي عند مسرح الزعيم
وقبل ما الشارع يخلص هتلاقي حتة واسعة يمين وشمال هو موجود على اليمين
هو مشكلته انه بيبدا متاخر يعني على الساعة 12 - 1 الضهر بس بيسهر
طب الورشه اسمها ايه و لا هيا باينه اوي يعني
لما توصل هناك هتلاقيه في الحتة الواسعة على اليمين اخرها على الشمال
ولو سألت اي حد هناك عن ياسر بتاع البيجو
الف مين هايدلك
فى كمان ميكانيكى فى حتة سحرية على الطريق الدائرى
اسمة ابراهيم
خريج وجيه اباظة
مصنعيتة مش غالية قوى فى المعقول
بس مشكلتة انه بيحب يغير ويجيب جديد اكت ما بيصلح
وان جيت للحق اريحلك بس حيكلفك ماديا - اعتبر نفسك فى التوكيل بس ارخص فى المصنعية وقطع الغيار
العنوان بقى : ركز جامد علشان دى حتة سحرية
على الطريق الدائرى المتجة الى المنيب والمعادى وانت جاى من الهرم
وبالظبط عند اخر الوصلة الجديدة اللى بتنزلك على المريوطية
يعنى لو انت جاى على الوصلة .. اول ماتنزل على الدائرى فى اتجاه المنيب خد يمينك فورا ... حتلاقى حتة من السور بتاع الدائرى مفتوحة .. هى دى ادخل فيها حتلاقيه
مش عايز يترفع مش عارف اعمل ايه
[bor=#ff0000]بص هو عند خط عرض : 29.978419°
خط الطول : 31.176296°
لانى مش عارف ارفع الصورة[/bor]