حسام باشا ابوس ايدك قولى بالتفصيل اعمل ايه ؟؟؟؟؟
عرض للطباعة
1-افتح الكبوت
2-فك الخرطوم الصغير اللى واصل من مسطرة الرشاشات الى المانيفولد من ناحية المانيفولد
3-افتح الكونتاكت ولاحظ هل البنزين بيخرج من الخرطوم ولا لأ؟
4-خلى بالك الخرطوم صغير خالص ولازم حد يفتحلك الكونتاكت علشان تلاحظ خروج البنزين بنفسك
من فضلك انا مسافر ومش هكون على النت
لو هتعمل كدة دلوقتى بسرعه او هرد عليك لما ارجع
والله يا استاذ حسام العربية عند محمد عبده وانا فى الشغل وطبعا مش هينفع اعمل الموضوع ده دلؤت ؟ بس هو سؤال لو طلع يبقى ايه ولو مطلعش يبقى ايه عشان اعملها بكره ان شاء الله ، يعنى من فضلك ادينى معلومات اكتر ، وجزاك الله كل خير عننا
لو خرج بنزين يبقى البلف اللى فى مسطرة الرشاشات عايز يتغير
وسعره 30 جنيه بالكتيير
هل العربية بتدخن ؟
لاء مبدخنش
انا لسه عامل طقم شنبر ومغير جلد صبابات ومظبط المتوتور 0 والحمد لله سحب العربية زى الفل وصوته نعم ومفيش اى مشاكل خالص غير موضوع البنزين ده
مفيش دخنة=مفيش بنزين زيادة بيتحرق =البنزين بيتسرب
مهو المشكلة ان الناس كلها بتقول كده ، وقلبنا العربية من فوق لتحت ومفيش اى نقطة بنزين بتنزل من العربية ، ومش عارفين البنزين بيروح فين
قلبي معاك يا استاذ cdkareem (انت قلتلي اسمك الحقيقي تقريبا أ / محمد)
انا والله برضه محتار بس تقريبا آخر قرار أخدته اني ابيع العربية وأريح دماغي من وجع القلب ده
انا تاني روم رحت على التوكيل قالولي عايزين نفك الفتيس ونعلمله عمره ومصنعية فك وتركيب بس حوالي 750 ده غير تمن قطع الغيار وقالولي عايزين 2 كوبلن كامل الواحد بسعر 1350 ج غير المصنعية
يعني حاجة من الاخر مصيبة
صح... كان المفروض يودى العربية لواحد بتاع لغة "عربية" عشان "يجرها" للورشة و "يرفعها" بالكوريك و "يقراء" العيب و كمان يسمع المكنة يمكن يكون فيها صوت "سجع" ولا حاجة... و بعد ما يخلص شغل يضبط زوايا عشان العربية تمشى على "القافية" و متحدفش والا يبقى دة شغل "نصب"
MMamdouh
ياباشا انا مشككتش في كلام عبده والله ولا قللت منه
وانا عارف قبل ما اروحله ان في شك في الفتيس
وانا شفت الراجل وشفت طريقة صنعته الراجل فاهم وكويس
بس انا اللي حظي وحش
انا غرضي من ذهابي للتوكيل اعرف اذا كان الفتيس يتصلح ولا مينفعش انما مش تشكيك في الراجل ولا حاجة
واوعدك برضه لو جبت ياباني او كوري برضه هروحله
شكرا ليك يا استذا محمد
ومتزعلش من كلام اي عضو لانه ببساطة محضرش الموقف وعلشان كده انا مرديتش
وبقول برضه هو معذور في رده
ازيك يا ابو صلاح ، ازيك يا ابوحميد ، يارب يكون كله تمام
معلش يا ابو صلاح ربنا يصبرك ويصبرنى ، العربية لسه عند محمد عبده ومش لاقى الحساسين اللى محمد السيد قال ان ممكن يكون فيهم مشكلة ، واحتمال انزل الحرفيين او بور سعيد اشوفهم هناك ، بس للامانة هو قال ن مش هيكون ليهم تأثير كبير على استهلاك البنزين ، دول عشان لمبة الاتشك اللى نورت ، معلش يا جماعة دلؤت انا بجد محتاج نصيحة اعمل ايه عشان اظبط موضوع البنزين ، اروح فين واعمل ايه ، هل اغير العدادات بتاع العربية يمكن بيخرفوا ، هل اغير الرشاشات ، محمد عبده قال مفيش مشاكل ، محمد السيد قال مفيش مشاكل ، بنزينة شل بتاع الهرم قالت مفيش مشاكل ، انا الوحيد اللى شايف ان فيه مشاكل ، يمكن العربية بتكرهنى ومش عايزة تفضل معى مع ان مراتى بتحبنى اوى والله ، الحل الاخير انى اكبر دماغى واحط بنزين 80 وخلاص ، واضحك على نفسي واقول انه 95 ، عشان انسى:M_yes[1]::B4_556::stink[1]::ask:
يا باشا والله العظيم انا عارف قصدك تماما و فاهم وجهة نظرك و مقدرها تماما و انا لو مكانك كنت عملت كدة بالضبط... انامش قصدى عليك خالص... انا قصدى على الناس اللى بتقول اى حاجة و خلاص و بتشكك فى ناس هى لا اتعاملت معاها ولا شافت شغلها ولا تفهم فى شغلها ولا حتى حضرت المشكلة بتاعتك و فهمت ابعادها ايه... اصل العملية مش رغى و خلاص ولا انا بتكلم غلط؟؟
MMamdouh
ههههههههههههههههههه
لا يا حج محمد انا قصدى عداد الرحلات والكيلو متر ، انا جبت نيتبوك وكاتب فيها كل حاجة اول مرة فولت العربية بعد طقم الشنبر مشيت بيها 150 كم وفولت اخدت 37 لتر ، تانى مرة مشيت 100 كم فولت تانى اخدت 24 لتر ، وبعد كده بقت تعمل فى العشرين لتر من 70 الى 80 كم
اسمى محمد كريم يا ابو صلاح
بص انا دخلت فى عند مع العربية دى ويا انا يا هى ، وهطلع عينها لحد ما اعرف المشكلة فين وهصرف عليها من جنيه لحد 500 علشان ده اخرى معها ، :fun_36_3_4[1]: انا شارى العربية دى من حوالى اربع شهور وصارف عليها اكتر من 3 الاف جنيه ، وعندى احساس ان المشكلة اللى فيها ممكن تكون عبيطة بس لسه ربنا ما اردش انى اعرفها وتتحل ، وبصراحه انا حببها جدا ،
طيب قولنا شويه عن ظروف العمرهاقتباس:
انا جبت نيتبوك وكاتب فيها كل حاجة اول مرة فولت العربية بعد طقم الشنبر مشيت بيها 150 كم وفولت اخدت 37 لتر ، تانى مرة مشيت 100 كم فولت تانى اخدت 24 لتر ، وبعد كده بقت تعمل فى العشرين لتر من 70 الى 80 كم
وأيه اللى أتغير فيها غير الشنبر
وهل الميكانيكى قاس غرف الحريق وشاف حالتها قبل مايغير الشنبر
وهل عملت روديه
وأيه نظام زيت المكنه معاك حاليا ( المقاس ثابت وتمام )
وهل العادم أتحسن بعد العمره ولا فيه دخان كتير
على فكرهاقتباس:
بص انا دخلت فى عند مع العربية دى ويا انا يا هى ، وهطلع عينها لحد ما اعرف المشكلة فين وهصرف عليها من جنيه لحد 500 علشان ده اخرى معها ، :fun_36_3_4[1]:
أحيى فيك أصرارك
على معرفة سبب العيب
سمير باشا عياد شرف مشكلتى واحزانى ، ايه الشرف العظيم ده 0
بص سيدى الفاضل ، العربية اول ما جبتها كانت بتطلع دخان ابيض ، روحت للميكانيكى قالى دى جلد صباب وعايز يتغير ، واحد صحبى اخد منى العربية وكان رايح يشوف عربيته عشان بيعمل فيها شغل الراجل الميكانيكى بتاعه قاله العربية دى ماشيه على الفتيس( اتوماتك ) وقاله لازم يتعمل طقم شنبر عشان ميحصلش حاجه فى الفتيس ، المهم رجعت للمكيانيكى بتاعى تانى وخليته شاف العربية كويس وقلتله يعمل كل اللى العربية محتاجة ، طلب من شوية حاجات نزلن جبتهم خاصة بجلد الصبابات والروديه وحاجات تانى كده وبعد الشغل غيرت الزيت بتاع الفتيس وطبعا حتيت زيت جديد للمكنة والحمد لله مفيش دخنة وسحب العربية زى الفل ونقلات الفتيس مظبوطة ومفيش اى مشاكل فيها لله الحمد ، بعد كده بدءت احسب للعربية البنزين لقيت بقى المصيبة الكحلى دى ، روحت للراجل تانى قالى عادى اصبر شوية لحد الاف كيلو ، قولت حاضر ، لقيت العمليه مش مظبوطة رجعت تانى قالى العربية كده فيها مشكلة حطها على الاسكنر سمعت الكلام زى الشاطر 0 العربية مظبوطة روحت شل جهاز coالعربية كويسه والمهندس اللى هناك جرب العربية الفتيس زى الفل عشان كان شاكك فيه قالى العربية فيها حاجة من الاتنين يا البنزين بيسرق وده بعيد اوى طبعا ، يا فيه تسريب روحت لمحمد عبد قالى العربية زى الفل ومش بتسرب 0 دى كل الحكاية
ربنا يخليك ياباشااقتباس:
سمير باشا عياد شرف مشكلتى واحزانى ، ايه الشرف العظيم ده 0
حلو الكلاماقتباس:
وبعد الشغل غيرت الزيت بتاع الفتيس وطبعا حتيت زيت جديد للمكنة والحمد لله مفيش دخنة وسحب العربية زى الفل ونقلات الفتيس مظبوطة ومفيش اى مشاكل فيها لله الحمد ، بعد كده بدءت احسب للعربية البنزين لقيت بقى المصيبة الكحلى دى ،
طيب فيه سؤال كده جانبى
أنت لاحظت وضع البنزين قبل وبعد شوية الشغل اللى فاتوا بتوع الفتيس والمكنه
يعنى الوضع أتحسن فى أستهلاك البنزين
ولاتحول.....للأسوأ
والله يا سمير بيه مش متأكد ، بس اعتقد ان المشكلة دى قبل ما اعمل الشغل فى المكنة وعلى فكرة الفتيس متعملش فيه حاجة الحمد لله ، لكن موضوع البنزين ده اعتقد من قبل الشغل زى ما قولت لحضرتك ، انا عملت الشغل بعد ما اشتريت العربية بحاولى اسبوعين يعنى مش كتير 0
سؤال جانبى بقى ، هو الفتيس لو فيه مشكلة بتبان على الكمبيوتر ، ولا لاء ؟
ولو لا قدر الله فيه مشكلة ازى اعرفها ،
نعم ....طالما الفتيس مزود بوحدة تحكم أيضااقتباس:
سؤال جانبى بقى ، هو الفتيس لو فيه مشكلة بتبان على الكمبيوتر ، ولا لاء ؟
زيه زى المكنه
ودى الفتايس ذات طريقة النقل الألكترونى
وبيتعملها أسكانر عادى برضه
دى بتبان بالمعاينهاقتباس:
ولو لا قدر الله فيه مشكلة ازى اعرفها ،
1- العربيه مبتسحبش كويس .....وده مش موجود عندك ولله الحمد
2- لون زيت الفتيس تحول للون الأسود
ممايعنى تلف كلاتشات الفتيس
بس تقريبا كده من كلامك عندك مشكله من أتنين
1- عملية التحكم ....مش شغاله صح
سواء فتيس أو مكنه ( ودى ممكن يكون سببها وحدات تحكم أو حساسات )
2- أو فيه بنزين بيتسرب فعلا من أى مكان
تنك بنزين _ خراطيم تحت العربيه مثلا
ممكن برضه تشوف شكل البوجيهات عامل أيه
لو مهببه
ممكن نشك فى رشاشات المكنه
على فكره
لو فلتر الهواء مليس
حيخللى العربيه تاكل بنزين كتير
وبرضه لو كان فيه عيب فى دورة الفرامل
يعنى فيه فرامل محمله على طول على الطنابير
السحب زى الفل
لون الزيت احمر
البوجيهات طلعه جديدة وحرقه كويس اوى
الحرق بتاع الموتور عشرة على عشرة وده قريت جهاز co
مفيش تنتيش فى العربية على السلانسية
مفيش صوت عالى من غير سحب
ركز بأه مع دولاقتباس:
بس تقريبا كده من كلامك عندك مشكله من أتنين
1- عملية التحكم ....مش شغاله صح
سواء فتيس أو مكنه ( ودى ممكن يكون سببها وحدات تحكم أو حساسات )
2- أو فيه بنزين بيتسرب فعلا من أى مكان
تنك بنزين _ خراطيم تحت العربيه مثلا
اقتباس:
على فكره
لو فلتر الهواء مليس
حيخللى العربيه تاكل بنزين كتير
وبرضه لو كان فيه عيب فى دورة الفرامل
يعنى فيه فرامل محمله على طول على الطنابير
معلش يا سمير باشا عملية التحكم مش شغاله صح اعرفها ازى ، يعنى فيه جهاز العربية بتخش عليها عشان اعرف ولا بالمعاينة ؟
وفلتر الهو هبص عليه النهاردة مع انى مغيرة بعد العمرة على طول
الفرامل كنت لحظت مرة ان العجل الامامى ديماً بيكون سخن جداا من عند صمويل العجل كده
بالأسكانر طبعااقتباس:
معلش يا سمير باشا عملية التحكم مش شغاله صح اعرفها ازى ، يعنى فيه جهاز العربية بتخش عليها عشان اعرف ولا بالمعاينة ؟
لا كده الفلتر بعيد عن موضوع البنزيناقتباس:
وفلتر الهو هبص عليه النهاردة مع انى مغيرة بعد العمرة على طول
طالما لسه مغيره
طيب ماهو ده معناه أن ممكن تكون فيه مشكله عندك فى الفرامل الأماميهاقتباس:
الفرامل كنت لحظت مرة ان العجل الامامى ديماً بيكون سخن جداا من عند صمويل العجل كده
وده يعمل حمل معاكس ضد سحب العربيه
وبالتالى زيادة أستهلاك فى البنزين
عموما
أكد على النقطه دى الأول
جايز تكون مساتر الفرد الأماميه تعبت
ربنا يخليك يا بشمهندس سمير وهروح بكرة لميكانيكى يشوف الفرامل دى ، والاسكنر اعتقد انه جهاز الكمبيوتر الصغير ده اللى كشف به محمد السيد وملقاش حاجة الحمد لله غير pc
نعم هو هذا الجهازاقتباس:
والاسكنر اعتقد انه جهاز الكمبيوتر الصغير ده اللى كشف به محمد السيد
اقتباس:
وملقاش حاجة الحمد لله غير pc
يعنى أيه pc
يا باشا والله العظيم انا عارف قصدك تماما و فاهم وجهة نظرك و مقدرها تماما و انا لو مكانك كنت عملت كدة بالضبط... انامش قصدى عليك خالص... انا قصدى على الناس اللى بتقول اى حاجة و خلاص و بتشكك فى ناس هى لا اتعاملت معاها ولا شافت شغلها ولا تفهم فى شغلها ولا حتى حضرت المشكلة بتاعتك و فهمت ابعادها ايه... اصل العملية مش رغى و خلاص ولا انا بتكلم غلط؟؟
يا استاذنا الفاضل محمد ممدوح
لو انت شايف ان طريقة الاخ المبجل عبده فى اكتشاف العطل دى صح
----انه يقعد يجرب --ويغير حاجة حاجة ولما العربية تتعدل ---يعرف ان ده العيب يبقى للاسف حضرتك بتتكلم غلط
وعلى فكرة مش لازم اكون مهندس سيارات علشان اعرف احكم عليه عكاك ولا لأ
انا اعرف منين بس يا ريس
هو قالى ان فيه 2 حساس واحد منهم مش شغال ( ده لما لمبة الاتشك نورت يوم الاتنين ) واحد بتاع الفايظ بتاع البنزين واللى هو مسئول عن تحويلة لبنزين تانى ، والتانى بتاع الهو بتاع الموتور واحد منهم فيه مشكلة وده اللى خلى لمبة الاتشك نورت بس ملوش تأثير كبير على استهلاك البنزين ، وطبعا لفيت عليهم فى شارع العشرين وفيصل وزكى ومش موجودين ، بس لمبة الاتشك طفت ومش هغيرهم غير لما تنور تانى ، وهبقى انزل الحرفين ان شاء الله او اروح بورسعيد:khd:
صباح الخير يا حسام باشا
معلش اسمحلى ادخل بين حضرتك والاستاذ محمد ممدوح ، واضح ان حضرتكم ناس محترمة جدا وناس بنت بلد وجدعة ، كل الحكاية انكم مختلفين فى وجهات النظر بس ، بالنسبة لمحمد عبده هو راجل صنيعى بجد وحد كويس ومقبلته حلوة ، وده بيدى انطباع انه بيفهم وبتكون مطمئن وهو شغال فى عربيتك ، يعنى حاله نفسية ، وبالنسبة لينا احنا مش هتفرق معانا محمد عبده من محمود على 0 المهم اللى يصلح عربيتى كويس ويكون حنين فى فلوسه ، وعن نفسي لو محمد عبده معرفش يحل مشكلتى اكيد هقول مش فاهم شغله اوى مع انه ممكن يكون حل الف مليون مشكلة اصعب من مشكلتى ، يعنى الاستاذ ابو صلاح صاحب المشكلة ، معتقدش ان نفسه يدفع 2500 جنيه فى مشكلة صوت وكان نفسه محمد عبده يصلحه ، لكن لو فرضنا ان ابو صلاح راح لحد تانى وعرف يصلح المشكلة دى ودفع 500 جنيه بس اكيد هيقول ان محمد عبده مبيفهمش ، فابلاش نزعل من بعض بسبب اختلاف وجهات النظر وحاجة بتتقاس بالمصلحة الشخصية بتاع كل واحد فينا
اقتباس:
يعنى أيه pc
طالما أنت قولت الكلام ده :khd:
أنا بأه أأقولك معنى الحرفين دولاقتباس:
واحد بتاع الفايظ بتاع البنزين واللى هو مسئول عن تحويلة لبنزين تانى
ده أسمه ال purge canister sensor
العطل اتحدد مكانة فى الات "الجر" و دى فيها الفتيس و الكبالن و بالتالى اصبح فيه حل من التلاتة:
1- تغيير الفتيس و الكبالن مع بعض و المشكلة اكيد حتتحل بس التكلفة حتبقى فى السما و اكيد فيه حاجة من الاتنين اتغيرت على الفاضى
2- تغيير الكبالن فقط لانها ارخص... بس لو العيب من الفتيس حتبقى فلوس على الفاضى لان العطل حيتكرر بعد التغيير
3- تغيير الفتيس فقط لانة مشكوك فيه اكتر من الكبالن... بس لو العيب مش من الفتيس حيبقى الراجل اتكلف 1500 فى الهوا دا غير مصنعية التغيير و برضة لسة العيب موجود
اللى عبدة عملة انه حاول يعزل العيب فى مكون واحد من الاتنين من خلال تشحيم الكوبلن... لو حصل تغيير و الصوت راح يبقى المشكلة فى الكوبلن... لو محصلش تغيير او فرق يبقى العيب فى الفتيس و القصة دى مش حتكلف كتير مقارنة باى حل من التلاتة اللى فوق و الهدف من الموضوع اساسا ابعاد اى احتمال لصرف الفلوس على الفاضى لتغيير قطع اصلا سليمة
الطريقة دى مش غلط... كل الناس سمعت و عارفة طريقة trial and error و الطريقة دى بتتعمل فى حاجات كتير اوى من ابسطها تحليل عيوب الزوايا لما تكون العربية بتحدف... بتاع الزوايا بيقولك اقلب الفردة اليمين شمال و لو الحدفه عكست يبقى المشكلة فى الكاوتش و نفس القصة بتتعمل فى تحليل مشاكل الحساسات... الا اذا كنت برضة شايف ان الناس دى مبيفهموش...
طيب طالما انت جامد اوى كدة فى الميكانيكا ما تقوللنا على العيب بمعرفتك!!!!!!!!!!!!!!اقتباس:
وعلى فكرة مش لازم اكون مهندس سيارات علشان اعرف احكم عليه عكاك ولا لأ
MMamdouh
الله يخليك على الاطراء الجميل دة... بس هى المشكلة مش اختلاف وجهات نظر... الموضوع اكبر من كدة... و مبداءش من الموضوع دة لكن فى موضوع سابق
احب بس اوضح حاجة... مش كل عيب واحد معرفش يصلحة يبقى مبيفهمشاقتباس:
، بالنسبة لمحمد عبده هو راجل صنيعى بجد وحد كويس ومقبلته حلوة ، وده بيدى انطباع انه بيفهم وبتكون مطمئن وهو شغال فى عربيتك ، يعنى حاله نفسية ، وبالنسبة لينا احنا مش هتفرق معانا محمد عبده من محمود على 0 المهم اللى يصلح عربيتى كويس ويكون حنين فى فلوسه ، وعن نفسي لو محمد عبده معرفش يحل مشكلتى اكيد هقول مش فاهم شغله اوى مع انه ممكن يكون حل الف مليون مشكلة اصعب من مشكلتى ، يعنى الاستاذ ابو صلاح صاحب المشكلة ، معتقدش ان نفسه يدفع 2500 جنيه فى مشكلة صوت وكان نفسه محمد عبده يصلحه ، لكن لو فرضنا ان ابو صلاح راح لحد تانى وعرف يصلح المشكلة دى ودفع 500 جنيه بس اكيد هيقول ان محمد عبده مبيفهمش ، فابلاش نزعل من بعض بسبب اختلاف وجهات النظر وحاجة بتتقاس بالمصلحة الشخصية بتاع كل واحد فينا
يعنى النهاردة احنا بنتكلم فى عيب محير صاحب العربية و كل الفحوصات اللى اتعملت حتى الان (سكانر و تحليل عادم) لم تشير الى عنصر معين مسبب للمشكلة (بالنسبة لعربيتك) بالتالى العيب مش سهل... اللى نقول عليه مش فاهم هو اللى يبقى عندة عيب سهل وواضح و يعك الدنيا... او بيعمل شغلة و يخرب حاجة تانية جنبها... دة يبقى مبيفهمش
بمعنى اخر ان مثلا مش كل لعيب مش مهارى زى ابو تريكة يبقى معندوش فكرة لان المهارة درجات... فيه ناس على القمة و فيه ناس مهارتها كويسة و ناس نص نص و ناس معندهاش فكرة... و اعتقد دة موجود فى كل المجالات مش الميكانيكا و الكورة فقط
MMamdouh