الموضوع: انت مين من السائقين ؟؟؟؟؟؟؟؟؟؟؟؟؟؟؟؟؟؟؟؟؟؟

المشاركة الأصلية كتبت بواسطة mohamedway

أنا إخترت إنى هسيبه يعدى بس بردو حسب اللى هو عمله:

مرة كنت على الدائرى و مزنوق فى عربيه نقل بمقطورة قدامى و واحده تانيه على يمينى و عاوز أطلع من الحارة الشمال لأنها كانت فاضيه قدامى ولكن كان فيه عربيه جانبى فيها شاب تييييييييت و معاه شاب تاني تيييييييييت بردو كانت ماشيه على شمالى بسرعة العربيات النقل لا منه عاوز يقرص و يطلع من النقل و أطلع أنا وراه و كل اللى ورايا اللى كانوا بردو عاوزين يطلعوا و لا منه عاوز يهدى شويه عشان يوسع الفتحه اللى ممكن أخد منها غرزه و أطلع منه و من النقل (خصوصا و إن النقل كان عمال يرمى عليا زلط صغير) بدات أزمر و أديله إشاره عشان يفهم و ده مفيييش.........قمت مسقط نقله و كابس فى النقل جدا و انا مرعوب و كاسر عليه جامد فى حته ضيقه جدا و طلعت منه...................... لغاية كده المفروض ان ده شخص غلس و أنا صرفت نفسى و طلعت منه و أنا متنرفز منه جدا بس معملتلوش حاجه................. المهم البيه إظاهر الحركه بتاعتى نرفزته جدا و إلاقيه جاى طاير ورايا (ده اللى كان ماشى تاتا تاتا؟؟؟!!) و راح جاى قدامى و راح واقف واحده واحده قدامى لغاية ما وقفنا خالص و وصلنا للسكون و هو قدامى و أنا وراه و أثناء ما كان بيوقفنى مقدرتش أفاديه و أطلع منه لأن كان فيه عربيات جايه من ورا سريعه من اليمين و الشمال فمعرفتش أعمل حاجه غير انى أقف وراه............ متخيلين بقه الموقف و إنت واقف مكشوف فى وسط الدائرى (فى النص بالضبط يعنى مش على اليمين أو الشمال) و العربيات جايه من ورا صواريخ و فيها عربيات نقل.............أنا كنت مرعوب و مدى انتظار و حتى مش قادر أجيب مارشدير عشان أوسع لنفسى و أطلع منه و كنت متوقع فى أى لحظه ان حد هيلبس فيه من ورا و كنت بأدعى ربنا فى هذه اللحظات إن لو حد هيلبس فيه ما يكونش نقل عشان با أبقاش أنا و العربيه كفته و البيه اللى قدامى حتى منزلش يتخانق ده فضل مثبتنى كده بتاع دقيقه و اللى ساعده ان العربيات من ورا صواريخ من اليمين و الشمال و كان فى كذا عربيه هتخبطنى و فادتنا............ المهم الطريق فضى شويه روحت جايب ورا بسرعه و طالع منه و هو كسر عليا عشان يوقفنى تانى بس أنا كنت أسرع منه و طلعت (شوفتوا بيعاقبنى إزاى؟؟؟!!!) كان هيموتنى و هو كمان كان هيموت لو دخل فينا نقل............إيه رأيكم بقه فى البنى أدم ده............أسيبه؟؟؟؟!!!!! اللى حصل إنى ما سيبتوش و علمته الأدب فى السواقه و مرمط بكرامته الأرض و حولت الطريق لحلبة فورميولا معاه لغاية ما لبسته فى حرف رصيف أعتقد انه كسرله مقص على الأقل و سلملى على البلطجه و مش عاوز أقولكم انا وريته الموت كام مره عشان ما تتعاطفوش معاه......بس هو كان لازم بتربى على الحركه اللى عملها هذا المجنون التيييييييييييييييييييييي يييييييت.

هههههههههه حصلت مرة معايا بالجمس البليزر - زقيتة بتاع مترين لحد ما نزل من العربية ورحت كابس وسبتة ومشيت