عرض للطباعة
السلام عليكم ياأحلي منتدي
أنا عندي مشكلة و أرجوكم حلوهالي
أنا معايا عربية شاريد سيدان 97 كاملة اوتوماتيك لسة جايبها من 3 شهور العربية حلوة جدا بس أنا شاريها فيها مشكلة ف وحدة الزراير بتاعت الزجاج الكهربا اللي جنب السائق وعاوز أغير الوحدة دي و أنا من اسكندرية ومش لاقيها خااااااااااالص هنا أنا عاوز حد يقولي الاقيها فين عشان بجد تعبت و بافكر أبيع العربية وأخلص أنا جربت كلمت بتوع دايهاتسو لاند و أوشين و مش موجودة والنبي ساعدوني أنا بجد حاتجنن:majd(4)::_Alshmokh08[1]:
لو هيا وحده الرفع بتاعت الازاز هتجبها من عند بتوع الاكسسوار هتها تيوان بلاش سينى استيراد الطيب
الف شكر ياباشا بس أنا أقصد المجموعة ال 4 زراير بتوع الازاز الكهربا اللي ف باب السواق
مساء الخير يادكتور حسام
المجموعة المطلوبة موجودة عند المهندس سيد الفراش وأنا لسة مكلمة في التليفون بس تروح له بالعربية وتركبها عنده وتطمن إنهاشغالة كويس وتليفونه 0101003520
ولك تحياتي:E_braces[1]:
ألف شكر ياباشا ربنا يقدرنا و نرد الجميل :verygood:
طيب يا عم اهي اتحلت اهي
عموما بتوع المستعمل في القاهرة مش كتير
احسنهم المهندس سيد لانه بيركبلك الحاجه وبجد انسان زوق ومحترم في التعامل
وبرضه عندك حسين نوح في الوكالة
وعندك الفاروق في باب اللوق
أي خدمة يادكتور حسام ولاشكر على واجب:10d5c8~1107:اقتباس:
المشاركة الأصلية كتبت بواسطة hossam_abdallah
الحمدلله ربنا سهلها من عنده هي المشكلة اني ف اسكندرية بس ف واحداقتباس:
المشاركة الأصلية كتبت بواسطة mohamed_rhem
حيروحله يجيبهالي باذن الله و ربنا يخليك ياباشا ع المعلومات دي
هي ايه اخبار العربية دي وقطع غيارها مصروفاتها عاملة ايه؟
كمان تنصح بيها لحد مش عاوز مصاريف كثيرة؟
وايه عيوبها من وجهة نظرك؟
هي عربية ممتازة بصراحة موتورها 1300 سي سي وناعم و حجمها حلو وشكلها (أحلي من الشاريد 92) و بالنسبة لقطع الغيار أنا لسة مغيرتش فيها حاجة الصراحة لأني شاريها بحالة ممتازة جدا حتي الكتالوج معاها وحالتها ممتازة جدا مكنش فيه فيها غير موضوع الزراير ده و الحمدلله اتحل وسألت عن قطع غيارها معقولة و متوفرة عادياقتباس:
المشاركة الأصلية كتبت بواسطة muslima
طبعا لو حد مش عاوز مصاريف كتيرة ف الدايهاتسو حلوة بس ممكن في حدودها تشوفي كيا برايد سيدان بصراحة عربيات ف نفس مستوي السعر بس قطع غيارها ارخص و عربية ممتازة جدا و يارب اكون أفادتك