أصحاب الماروتى و التوكيل و الميكانيكية ؟؟؟
بصراحه أنا كنت متردد أكتب الكلام ده لكنى متحير جداً و الاحباء أصحاب الماروتى أمثالى زادونى حيره بسبب عدم وجود أجابة قاطعة فى موضوع التوكيل أو الميكانيكى !
بصراحة معظمكم يؤيد ترك التوكيل و أنا معاكم جداً لكن لم أقراء لواحد أنه خلاص بيتعامل بره و عند حد معين و عمل صيانات مثل تغير زيت و طقم كهرباء وفلاتر إلخ .. ، و سأطرح عليكم المقارنة التى بداخلى :
1 - التوكيل : هتسيب مثلاً العربية الصبح و تيجى تستلمها آخر النهار تمام .
- الميكانيكى : لازم تقعد بجواره .
2 - التوكيل : جزاريين فى الفلوس و أشتغالات علنى .
- الميكانيكى : أعتقد أنه هيكون أرخص بكتير .
3 - التوكيل : عربيته وحافظ أماكن كل حاجه فيها .
- الميكانيكى : الله أعلم أشتغل فيها قبل كده و لا لأ .
4 - التوكيل : مش عارف أيه اللى بيحصل فى عربيتك من وراك .
- الميكانيكى : تقريباً هتعرف لأنه قصاد عينك .
5 - التوكيل : لو باظت بعد الصيانه هتتصل تعمل فضيحه و يبعتولك سيارة النجده (الله أعلم أمتى هتوصل بس هتيجى و انا مجرب )
الميكانيكى : مش عارف هتعرف تجيبه ولا لأ .
برجاء ابداء الاراء عن تجربة و جزيتم خيراً