أنا والدي معاه Opel Vectra C easytronic وانا باسمع ناس بتقول إن فيه سوفت وير جديد للفتيس ... فأنا كنت عايز أعرف هو السوفت وير الجديد ده بيعمل إيه يعني بيفرق إيه عن القديم ؟؟
وهل فيه عربيات نازلة بالجديد ده جاهز ؟؟ أصل والدي جايبها من كام شهر بس ... ولا لازم أروح التوكيل اخليهم يعملوه ؟؟
والدي أصله مش عاجبه إنه حاسس إن النقلات بينا وبحس بيها مع إني أنا أما باسقة مبحسش بيها قوي
يا ريت اللي يعرف حاجة بخصوص الموضوع ده يسعدني وشكرا :S_thum1[1]:
بصراحه مش عارف انا ليا في الفكترا بي بس استنا اكيد شباب العصابه هايردو عليك :vctry:
خالد ايمن و بيدو و اسد او اسعد مش عارف بالضبط هما اللى معاهم الفيكترا سى و هما اللى عملوا موضوع الفتيس استنى رأيهم
ألف شكر يا رجالة على اهتمامكم ومستني مساعدة الناس اللي عارفة :S_thum1[1]:
خالد أيمن عارف الموضوع دا و كان عمله تقريبا فا إستناه عشان هو هتلاقيه بيمتحن
بس كان فى موضوع عن نفس السؤال ممكن تدور عليه و انا هحاول أدورلك عليه
الف شكر يارجالة على الشغل الجامد ال فى المنتدى، وانا بصراحة بشكر كل واحد بيضيف معلومة
لن انا عن نفسي استفدت كتير من جميع الاعضاء
واسمحو ليه اني اقدم بعض مشاركاتي معكم لعلي اقدر اضيف معلومة يستفيد بيها اى حد
بص يا سيدىاقتباس:
المشاركة الأصلية كتبت بواسطة ohw27
الفتيس عشان ما تحسش بالنقله لازم تخف رجلك شويه من البنزين وقت النقله
يعنى ماتكبسش بنزين على طول
طبعا فى صوت تكه غبى لما تيجى تهدى
الصوت ده هو الى بيروح لما تضبط السوفت وير فى منصور
النتشه حتروح لما تضبط سواقتك فقط وليس بالسوفت وير
لو عندك صوت التكه لما تهدى قولهم فى منصور ان فى صوت رزعه لما بهدى العربية وهما بيضبطوا السوفت وير
اما احساس النقلات فده لازم تتعود على العربيه والفتيس تخف رجلك وقت النقله
وممكن فى الشتاء تجرب برنامج الشتا
لاطيف بيخلى العربيه ما تجبش اول فمش حتحس بتقل العربيه فى الطلوع وخاصه لو فى مكان زحمه كل شويه بتهدى العربيه
اتمنى اكون افدتك
الله ينور عليك يا بشمنهندس احمد
تماااام يا رجاله
شكرا لكم يا جماعة بجد وخصوصا الباش مهندس أحمد عالمساعدة والاهتمام :satelite::vctry:
وهو عامةً الحمدلله العربية مفيهاش لا رزعة ولا حاجة وانا كنت فاكر بس إن السفت وير هيخلي العربية تنقل من غير ما أحس بيها حتى من غير ما اشيل رجلي من عالبنزين عند النقله انما الباشمهندس أحمد مشكورا وضحلي الموضوع :verygood:
يا جماعه العربيه فيكترا سى دى منيوال مش اوتو ياعنى الفتيس منيوال وعزم الفتيس منيوال بس هو بيتميز عن المنيوال فى سهولت النقلات ياعنى مش لازم تحرك العصايه شمال ويمين لا بتحركها ادام وورا بس فحتتعب مع العربيه لو انتا جيبها على انها اوتومتيك لان مكتوب فى الكتلوج عن الفتيس سهولت الاوتومتيك وسحب (المنيوال) ياعنى اصلان العربيه منيوال ومهما عملت او منصور عمل بردو حتحس بالنتشه دى زى اى عربيه منيوال عاديه وده مش عيب فيها ده عادى