الموضوع: عايز رأيكم الاكيد فى شراء رينو لوجان 2010

يا باشا اطمن
العربية بسم الله ما شاء الله جامدة جدا و تستحق اكتر من تمنها
انا سفرت بيها المحلة يعنى الطريق الزراعى و ما ادراك ما الطريق الزراعى

و العربية منتهى الثبات و السرعة و كل حاجة
و اى استفسار انا تحت امرك

ياباشا توكل علي الله العربيه جميله جدااااااااااا وتتحمل الطرق المصريه ديه اكتر عربيه حديثه ممهده للكرق المصريه

المشاركة الأصلية كتبت بواسطة microhos

السلام عليكم
انا محتار اشترى رينو لوجان ولا لأ

إجابة السؤال ديه بسيطة قوى وهوة ان اى حد اشتراها قبل كده لو رجع بيه الزمن كان هيشتريها تانى ولو لقيت واحد فى المنتدى قالك غير كده متشتريهاش

.. فيه ناس حذرونى منها

احنا فى مصر وده الطبيعى اللى نعرفة احسن من اللى منعرفوش

وقالو لى عملية اعادة بيعها صعبة جدا وممكن تخسر فيها كتير

هما حددوا على إيه انا معرفش بس انا معتقدش مع الإنتشار الرهيب ده ممكن يكون عملية إعادة بيعها صعبة خالص

وكمان صيانتها وقطع غيارها غير متوفرة وغالية ..

صيانتها انته بتعملها فى التوكيل
غالية ... اتحداك فى الموضوع ده ( ده لو بنتكلم على الصيانات الطبيعية تغير زيت والحاجات الطبيعية اللى المفروض انك مش هتعمل غيرها فى اول 3 سنين )

ال 5000 ببلاش

ال 10000

دافع فيها 400 جنية ( 230 زيت + 30 فلتر + 78 جنية صيانة العربية ( تربيط عفشة ومراجعة على مستوى السوائل و كل حاجة ) + ضريبة المبيعات ... انا بصراحة مش شايف اى حاجة غالية ولا مبالغ فيها حتى ... ده كمثال بس
وممكن تطمن وتشوف الأسعار بنفسك من اللينك ده

Spare Parts

طبعا ده غير ان ال 5000 ومضاعفتها مبتدفعش فيهم حاجة عكس باقى التوكيلات أه وسعر الزيت ده 230 مش 292 عشان هيا بتاخد 4 كيلو بس مش 5 زى ال ام سى فى ( ده على كلام المهندس اللى فى التوكيل لما سألتة انا ليه دافع 400 بس مع انى كنت فاكر 470 فده كان رده )

لو هتتكلم على قطع غيار وحاجات غير كده فأعتقد هتكون غالية لكن لو بتتكلم فى الطبيعى اللى هوة اول 3 سنين ولو مأمن على العربية فأطمن قوى

ولى استفسار أخير عايز تعطونى معلومات عن مدى كفاءة السيارة ومتانتها وتحملها على الطرق المصرية المكسرة ..

ممكن تشوف الموضوع ده وقلى إيه رأيك

http://www.nilemotors.net/Nile/116793-10000.html

أرجوكم أفيدونى فى هذين الموضوعين كى أستطيع اتخاذ قرار الشراء أم لا ..
انا منتظر الرد الوافى من فضلكم ..........

ياريت اكون أفدتك والمنتدى مليان مواضيع عن اللوجان ممكن تشوفها واعتقد انك هتاخد القرار المناسب

,,,ولكم جزيل الشكر على حسن تعاونكم ,,,

روح التوكيل وشوف هتستلم أمتى وأنت تعرف يعنى ايه اعادة انتشار العربية الى الناس بتستناها بالشهور هيكون اعادة بيعها - أن شاء الله طبعا عشان ربنا هو الاعلم بالمستقبل - سهل جدا

كتير من المصريين -الا من رحم ربى - بيحب الفتى ومفيش حد تسأله على حاجة الا لما برد عليك رد العالم ببواطن الامور سياسة طب هندسة دين كله فاهم فى كله

طبعا بتكلم بصفه عامة ما اقصدش الى قالك كده لانه ممكن يكون ده رأيه فعلا بس والله بشوف ناس كتير جدا من النوعية الفتايه ديه وسبحانة وتعالى هو الهادى

شوف الناس الى راكبين العربية بيقولوا ايه دول اكتر ناس ركبوا العربية واحتكوا بيها وقروأ عنها لان الموضوع يهمهم فعلا فمش هيفتوا عليك