| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 7 من 7

  1. #1

    الصورة الرمزية yamazakitaz

    رقم العضوية : 34631

    تاريخ التسجيل : 05Mar2009

    المشاركات : 187

    النوع : ذكر

    الاقامة : c1ior

    السيارة: klsdf

    السيارة[2]: sit

    دراجة بخارية: suzuki

    الحالة : yamazakitaz غير متواجد حالياً

    افتراضي كل واحد يحكي عن الحادثة بتاعتوا اللي عملها أو كان راكب ورا اللي سايق أو هو اللي شافها - Facebook Twitter whatsapp انشر الموضوع فى :

    hasad">

    السلام عليكم و رحمة الله و بركاتة


    أزيكم كلكم أخباركم أيه و اخبار البايس بتاعتكم أيه؟ أتمني تكونو بخير و في أفضل صحة و عافيه يارب كل واحد يحكي عن الحادثة بتاعتوا اللي عملها أو كان راكب ورا اللي سايق أو هو اللي شافها عشان الناس تستفيد و يتعلموا من أخطاء الغير أو المفروض أيه اللي مفروض يعمله في المواقف الصعبه أتمني التفاعل من كل الاعضاء و ربنا يحفظكم شر الطريق و شر الناس و يعطيكم خير البايكس بتاعتكم و يكفيكم شرها يــــــــــــــــــــــــ ــــــــــــارب


  2. #2

    الصورة الرمزية yamazakitaz

    رقم العضوية : 34631

    تاريخ التسجيل : 05Mar2009

    المشاركات : 187

    النوع : ذكر

    الاقامة : c1ior

    السيارة: klsdf

    السيارة[2]: sit

    دراجة بخارية: suzuki

    الحالة : yamazakitaz غير متواجد حالياً

    افتراضي -

    أنا أحكي علي الحادثه بتاعتي مرة كنت ماشي في أمان الله علي 100-90 كم/س و قدامي عربيتين علي بعد 4 متر و مرة واحده أللي كان ماشي في اليمين وقف مره واحده عشان كان بيسئل الراجل الي قدامي علي حاجه و كل الكلام ده حصل في ثواني ما تسئلنيش لحقت أفكر أزاي أنا ذات نفسي مش عارف هههههه و كان حظي الطريق كان كله رمل كتييير فقلت لو فرملت أقع و البايك هتخش تحت العربيه و قلت لو دخلت في العربيه يبقي أموت لا قدر الله فكان في رصيف خرسانه أسمنت جمبي عالي قوي أرتفاعه نص متر تقريبآ و في نص الجزيرة رمل كتير فقلت أنا أميل البايك عليه و أنط علي الرمل قمت سايب كل حاجه و نطيت و أنا جسمي في الهوا خلاص نطيت كنت لابس بنطلون باجي قامت رجلي أشتبكت في السناده بتاعت الراكب اللي ورايا اللي بيحط عليها رجلة و البايك كنت لسه ماشيه و أنا جسمي بيقع و المكنه بتميل عليا و الرصيف جمبي جمب وشي و رجلي ماسكه جامد مش عاوزه تتفك و جسمي كله عند الكاوتش قامت مره واحدة البايك وقعت عليا و انا جسمي بين البايك و الرصيف الغشيم النص متر و كانت بايك سوزوكي gsxrr 1199 كبيره و تقيله قوي مره واحدة وشي خبط في الرصيف و كتفي و ركبتي و رجلي و صدري بأختصار نص جسمي رزع في الرصيف و أو ما خبط شفت فرقعه في عيني و نور جامد و أغمي علي نص دقيقه و بعدين قمت مره واحده و متغاظ قوييييي عاوز أضرب سواقين العربيه فبأشفهم لقيتهم جريوا هم الأثنين و سابوني بعديها أقعدت بأبص لي نفيس لقيت صباعي الي في النص مكسور و طالع لفوق بزاويه 90درجه عامل كده بالظبط ( ـــــا ) قمت عدلته في ثانيتها منغير تفكير و الناس جمبي متنحه مش مصدقين و مش بيكلموا أصلا تحس الدنيا وقفت حد عملها pause و ما حستش بأل و أنا بأعدل صباعي و أصلا مكنتش حاسس بألم خالص جيت بأبص علي بقيت جسمي لقيت البنطلون مقطع جامد و كله دم فا مستغرب لأني مش حاسس بحاجه ف قطعتو من فوق ركبتي لقيت أيه في فتحه في ركبتي كببيره نص ركبتي بالظيط و مفيش لحم خااالص و العظم كان باين والله قوي و صابونه الركبه أنا أتخضيت عشان مش حاسس بحاجه بس قلت الحمد لله و بأبص علي رجلي من تحت لقيت برضه فتحه و العظم باين طولها 14 سم بغدين بصيت علي بطني لقيتها مفتوحه 5 غرز و كتفي 9 غرز و ضهري 3 غرز و 5 غرز و سحجات طبعآ بكتير قوي و دم بس مفيش أي كسور الحمد لله و طبعآ نسيت وشي خالص قمت رايح للبايك بأشوفها لقيت ما حصلهاش الهوا و مايله علي الرصيف مفيهاش غير كسر صغير جدآآآآآآ في الفبر ده بس اللي حصلها فبشوف وشي في المرايه لقيت نص وشي مشوه ضايع خااااالص و الناس أبتدت تفوق اللي يجيبلي مياة و اللي يواسيني و اللي يقولي أوصلك مستشفي كانوا جدعان قوي بصراحه و ما أعرفش و لا واحد فيهم بعدين دورت البايك و ركبتها و طلعت علي المستشفي علي طول و كل اللي يشوفني يتخض و مش مصدق عينه هههههههههه وصلت المستشفي فسألوني أيه حصلك قلتلهم كنت بأنط أركب الأتوبيس الميني باص وقعت من عليه و داس علي و جري ههههههه و قعدوا يخيطوا في و يعالجوني بس كده ده كل اللي حصلي و طبعآ بسبب خطأ الغير بس الحمد لله جت علي قد كده لأني لو كنت دخلت في العربيه كان زماني مت و المكنه فرقعت أو قعدت مشلول طول حياتي و ربنا يحفظنا من شر الطريق و يديلنا خير اللي راكبينة يا رب


  3. #3

    الصورة الرمزية naser_56

    رقم العضوية : 37214

    تاريخ التسجيل : 04Apr2009

    المشاركات : 1,455

    النوع : ذكر

    الاقامة : الكويت

    السيارة: BMW 325 2004

    السيارة[2]: BMW 528 1998

    دراجة بخارية: suzuki gsxr 2008

    الحالة : naser_56 غير متواجد حالياً

    افتراضي -

    حلو الموضوع الله يعطيك العافيه عليه واتمني التفاعل من الاعضاء

    بالنسبه لي والحمد لله مره واقع من 4 شهور تقريبا طبعا في مصر ومش بريس لكن كان موتسيكل صيني بعد ماعديت مزلقان سكه حديد وبعدين داخل علي جسر طبعا الجسر بيعدي علي ترعه طوله حوالي 40 متر تقريبا وطبعا فيه نفس القضبان الحديد كدعائم للجسر ومش عاليه عن مستوي الارض ولكن بمستوي الارض بالظبط طبعا هي بالطول انا ماشي بمحازاتها واول ماحبيت اعديها لقيت الموتسيكل في غمضه عين علي الرض وزاحف تقريبا متر واكتر وانا زاحف وراه طبعا الحمد لله العربيات الي وراي وقفت علشان لسه كانت طالعه من المزلقان ومحدش لبس في من الخلف ونزلت الناس اه سلامات فيك حاجه وعدلو الموتسيكل قلت لا الحمد لله سليمه ومشيت طبعا مشفتش اصابات في جسمي وبعد 10 دقايق واحس بحرقان في دراعي اتاري الاسفلت مسح منه تقريبا 10 سم ههههههههه ونزلت تاني علي مكان فيه ميه وغسلت ايدي وروحت علي البيت وطبعا كتفي كان كمان فيه جروح ومن يومها وانا اسب للصيني انسي السبات ياباشا ومستني عليك غلطه اما اليباني والحمد لله مشفتش منه حاجه بس تقريبا 3 مرات لو حصل حاجه كان زماني مكتبتش الرد ده مرتين علي سرعات والموتسيكل يحدف شمال علي الحاجز الفاصل بين الطريقين والحمد لله الم نفسي في اللحظات الاخيره ومره داخل علي اشاره ومندمج مع الموتسيكل وصوته وفاكر المسافه هتجبني قبل الاشاره ولكن كنت ماشي بسرعه حوالي 140 وماسك فرامل وره وقدام ولو شعره فرامل تاني كنت عملت احلي ستوبي ولكن للاسف يادوب وقفت في نص الاشاره وطبعا الاشاره كانت حمرا ورحت واكلها ومكمل ولكن الشكر لله كان الوقت حوالي الساعه 3 الفجر وكانت الطريق فاضيه


  4. #4

    الصورة الرمزية KHALED2010

    رقم العضوية : 44407

    تاريخ التسجيل : 02Aug2009

    المشاركات : 2,440

    النوع : ذكر

    الاقامة : الكويت

    السيارة: cbr 600 rr

    السيارة[2]: cbr 250 r

    دراجة بخارية: honda

    الحالة : KHALED2010 غير متواجد حالياً

    افتراضي -

    انا بقى حوادثجى قديم بس الحمد لله ربنا سترها عليا لانى لسا ليا عمر مش هضحك عليكوا انا اول لكا جبت الموتوسكل كنت مش بعرف اسوق وال علمنى للاسف كان غشيم وحمار جرى كل حاجة زود واجرى بدات على موتوسكل صينى 150 سي سي وانا بتعلم من اولها الموتوسكل رفع حصان سيبك من دى عملت حوادث كتير ايشى اتزحلق فى زيت وايشى عربية تخيش فيا وكتير اوى ومرة ميكروباص ركب على الدواسة ال ورايا بيحط رجله عليها اه بالمناسبة الجلد ال على الدواسة اتسرق النهارده بعيد عنكوا المهم اتهريت حوادث من سا عتها بقيت اركز مع المرايات جدا واشوف ال ورايا قبل ال قدامى بس النهارده بقى ال اخدت خضة العمر واوال لما روحت صليت ركعتين شكر لله لان كان زمانى فى عداد الاموات ربنا مايوريكم الموضوع باختصار انا النهارده موبوق وانا نازل النفق عندنا فى عبود وطبعا الموتوسكل الصينى ما شاء الله بيجرى وثباته رهيب 0% حاجة كويسة جدا وواحد شكله اول مرة يركب عربية انا نازل على امبير سرعه 90 وسياته بقى ازاى موتوسكل يعدى منه لا قام المعلم دايس بنزين وطاير ورايا وعند الملف حصلت المفاجاة اتاريه نسي يلف مع الملف دا ماشي على طول يخرب بيتك وانا معلق ايدى على الكلكس ياعم الملف وخلاص العربية بينها وبينى حوالى 2سم بالكتير اوى وانا ماشي 90 وهوا نفس الامبير تقريبا وخلاص زنقنى فى الرصيف وماينفعش اهدى يعنى لازم اطلع منه او اطلع الرصيف ال ارتفاعه حوالى 40 سم متر قولوا نص متر اطلع الرصيف واخد الحيطة بالحضن واسمعكوا سلام بودعك المهم ما اطولش عليكوا اخينا خد بالوا انوا خلاص يعتبر داس عليا لحق نفسوا ولم العربية اقصى اليسار فى حين لو كان واحد ماشي على يساره كان زمانهم هما الاتنين فى خبر كان المهم ربنا سترها ودى كانت ساعت العصر المهم روحت انا بقى قولت الحمد لله وعايز بقى اشيك تربيط على الماكينة روحت زى الباشا مغير طقم جلب وجبت جلب اصلية ومركبها وغسلت الجنزير وشديته وضبط الجلاش وزيته وضبط الهوا فى العجل ونضفط الكربراتير ونضفط فلتر البنزين وفلتر الهوا من العصر لحد العشاء وقمت خارج اسهر فى فرح عقبال عندكم جميعا المهم خلصت الفرح من شارع الجسر الساعة 4 الفجر وروحت قاعدعلى القهوة لحد الساعة 5 الفجر وانا مروح لقيت الطريق فاضى خدنى الغرور قولت الف لحد الصبح ما يطلع وقمت واخد احمد حلمى وواخد الطريق ال بيودى على العباسية وماشي بقى والطريق فاضى وقلت اما اجرب السحب واشوف فائدة شوط الصيانه ال انا عملته وقمت كابس بنزين ودوس يا معلم وانا قرب مستشفى الدمرداش والطريق ديق جدا وكله ملفات وانا عامل فيها راكب الحته الريس والعجلة ال انا مركبها البروز بتاعها عالى جدا وبيدى شوية ثبات فى الملفات والمفروض انوا بيثبت المكنة اثناء الفرامل لان وربنا ما حاجة بتنفع خالص ساعت القدر وباخد الملفات على امبير 100 او 110 و لقيت المفاجئة عند ملف حاد جدا لقيت موتوسكل جلى معاكس واخد الطريق كله لانه موتوسكل ابو كرسي جمبه ده والطريق اصلاديق وقول انا نسيت اشغل اشارة افهم الواد ال كان سايق انا دماغى هتاخد اى جمب ومن امبير 110 وبحاول اخد اليمين وبعدين غيرت رائي واخدت شمال والواد نفس الكلام يحود مكان ما انا بحود الموهم افرمل المكنة تعوم اسيب فرامل تانى المهم لحد ما ربنا سترها وعديت منه باعجوبه ورجعتله هزقته شويه وقمت ماشي وانا قلبى بيدق لدرجة انى مش قادر اسوق من شدة الخضة وطول ما انا ماشي عمال اشكر ربنا واول ما روحت قمت متوضى والميه متلجة ومصلى ركعتين شكل لله وفضلت ساجد شوية واشكر ربنا انوا نجانى ومن اليوم مش هعدى امبير 80 وربنا يسترها وابيع البلوة ال معايا ....... عارف انى طولت بس للاستفادة والله وانا داخل انام بقى لانى مطبق من امبارح سهران فى الفرح واهى الساعة 10.30 صباحا وانا منمتش من امبارح تصبحوا على خير او تمسوا على خير سلالالالالالالام حين لقاء قريب.........


  5. #5

    الصورة الرمزية yamazakitaz

    رقم العضوية : 34631

    تاريخ التسجيل : 05Mar2009

    المشاركات : 187

    النوع : ذكر

    الاقامة : c1ior

    السيارة: klsdf

    السيارة[2]: sit

    دراجة بخارية: suzuki

    الحالة : yamazakitaz غير متواجد حالياً


  6. #6

    الصورة الرمزية nimaster

    رقم العضوية : 57652

    تاريخ التسجيل : 02Jan2010

    المشاركات : 274

    النوع : ذكر

    الاقامة : zagazig-egypt

    السيارة: لا يوجد

    السيارة[2]: بيجو505

    دراجة بخارية: no

    الحالة : nimaster غير متواجد حالياً

    افتراضي -

    انا بحب الموتسيكلات بس بخاف من حوادثها جدا .ربنا يسترها مع الجميع ويكفينا شر الحوادث.


  7. #7

    الصورة الرمزية yamazakitaz

    رقم العضوية : 34631

    تاريخ التسجيل : 05Mar2009

    المشاركات : 187

    النوع : ذكر

    الاقامة : c1ior

    السيارة: klsdf

    السيارة[2]: sit

    دراجة بخارية: suzuki

    الحالة : yamazakitaz غير متواجد حالياً

    افتراضي -

    hasad">

    ابشع حادثة موتوسيكل شوفتها فى حياتى و اللى قلبه ضعيف ميتفرجش

    ابشع حادثة موتوسيكل شوفتها فى حياتى و اللى قلبه ضعيف ميتفرجش - Ninjawy.com


    http://www.nilemotors.net/Nile/12009...post3872304943



 

المواضيع المتشابهه

  1. مهم جداااااا لكل اللي عنده Facebook .. وبالذات اللي حاسس بلخبطة فيه اليومين دول
    بواسطة Eng.Geo في المنتدى المنتــــــدى الاجتمــاعى
    مشاركات: 54
    آخر مشاركة: 22-02-2011, 02:45 AM
  2. مشاركات: 10
    آخر مشاركة: 25-12-2010, 11:55 PM
  3. ايه اللي ممكن يحصل موتور 1600 راكب علي شكمان 1000 ايه اللي ممكن يحصل
    بواسطة windofchange في المنتدى ورشـــة نــايل مــــوتـــورز
    مشاركات: 9
    آخر مشاركة: 25-09-2010, 06:51 PM
  4. الصيانات اللي عدم عملها في التوكيل تطلع من الضمان.....
    بواسطة yaseenmohamed في المنتدى بــروتـــون
    مشاركات: 3
    آخر مشاركة: 27-04-2010, 01:54 PM
  5. الحمد لله ... الناس اللي في الحادثة بخير .... انا اسف لكل بورسعيدي
    بواسطة momo10000 في المنتدى المنتــــــدى العـــــــــــام للسيــارات
    مشاركات: 17
    آخر مشاركة: 03-12-2008, 04:30 PM

الكلمات الدلالية لهذا الموضوع

لله, لاعضاء, أتمن, أتمني, لحادث, لحادثة, أخبا, أخبارك, أخطاء, ليك, ليكم, مفروض, أفضل, له, لها, من, لنا, لناس, مواقف, لطريق, لك, bla, black, blue, ام, الل, اللي, المفروض, الله, الموا, المواقف, الاعضا, الاعضاء, الت, التفاعل, الحادث, الحادثة, السلام, الصعبه, الغير, الناس, الطريق, center, اخبار, ck, ار, اس, col, color, اعل, اعضاء, اف, اقف, تم, تمن, با, بايك, بار, بارك, بتاع, بتاعت, بتاعتنا, بتاعتك, بخير, بر, enter, بركات, بركاتة, تست, er, تعلموا, تفاعل, تفيد, به, بن, بنا, تك, تكون, يا, حادث, حادثة, يارب, يتعلموا, يحكى, يعمل, يعمله, يعطي, يعطيك, خط, خطا, حك, يكفيك, يكفيكم, la, راكب, رب, ربنا, ره, روض, سايق, شاف, شافه, شافها, si, size, te, عمل, عمله, عملها, عليك, عليكم, غير, عشان, عن, عضاء, فا, فاعل, في, فيه, فيك, فيكم, فر, فرو, ـــ, ــــ, ــــا, ـــــ, ــــــــ, ـــــــــــا, ــــــــــــ, ـــــــــــــ, ـــــــــــــــ, ـــــــــــــــــارب, فض, فضل, ها, هو, نا, واحد, ناس, واقف, ور, ورا, ون, ضا, طي, طريق, قف, كل, كلك, كلكم, كا, كات, كان, كي, كف

عرض سحابة الكلمة الدلالية

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2