العربية موديلها قديم جدا
عرض للطباعة
العربية موديلها قديم جدا
انتا لو بتدور علي "قيمة" مش عربيه "مشي حالك وخلاص"...جيب مرسيدس "بشرط الحالة"...
لو عايز عربيه تمشيك وتوديك مشاويرك من غير وجع دماغ..هات 128 مستريح....
الفرق بين الاتنين "تبعا للحاله" في كل شيء "ابتداءا من الراحة,الفخامة,الثبات,الرح بة الداخلية,.....وحتي الاسم"سيكون من نصيب الأسد الألماني...لا تنسي الاستخارة...
هات 128 طبعا
لا بص يا سيدي
العربيه فعلا موديلها قديم
بس انا فاهمك عاوز تبقي ضمن مرسيدس
يعني اقدم و ارخص تكون افضل من احدث و اغلي
فاهم قصدك
بس ليا تعقيب
القديم زياده عن اللزوم ليه كذا عيب
1-الشكل القديم ممكن يعملك مضايقات و حرج ( و حكايه مليش دعوه بالناس مش صح لانهم عايشين معانا )
2- توافر قطع الغيار
3- توافر ميكانيكي لاصلاحها
4-احتمال الاحلال
5- اعادة البيع
اما حكايه ال 128 ارجوك ابعد عنها لانها تسمي بصديقه الميكانيكي
قطع غيار متوفره بس سيئه
العربيه كلها صنعها مش بتاعه هري لانها اساسا مصنعه بحيث تكون عربيه بسعر رخيص
لكن لو عاوز عربيه كويسه و رخيصه
ايه رأيك في بيجو 305 هتبقي في حدود 12 الف
بالكتير
بس مش هتحتاج مليم صرف.
و ممكن تلاقي حاجه في حدود 10000 و تروشها انت
و القرار ليك و لا تنسي الاستخاره
لازم تاخد بالك جدا من العفشه لأنها مكلفه الى حد ما أما بالنسبه للجاز فصيانته تتلخص فى (زيوت-فلاتر-ضبط طرمبة الجاز-نظافة التنك مهمه جدا) بالنسبه لى معى خنزيره 1975 2400 سي سي أوتوماتيك التنك يعمل معاك حوالى 500 كيلو متر مستريح
لا تقوللى بوجيهات ولا أبلاتين لادع ولا كوندنسر ولا تسخين توكل على الله ولو عرفت توقع خنزيره يبقى خير و بركه