بناء على دعوه استاذ كامل للاجتماع
ادعوا سيادتكم للاجتماع يوم الاحد 20\5 الساعه 8 مساء
بفندق الواحه اول طريق مصر الاسكندريه الصحراوى
وانا عازم الكل بس شرفونا
الموضوع هام وبرجاء عدم التخلف للاهميه
الاجتماع قاصر فقط على مالكى وحاجزى الاسبرانزا واعضاء الرابطه
على الساده مالكى وحاجزى الاسبرانزا اعضاء الرابطه
المشاركه بالموضوع لمعرفه العدد التقريبى للحضور لعمل الترتيبات اللازمه
مجهودرائع يا استاذ وائل
وشكرا مقدما
الشكر لله من قبل ومن بعد
شكرا لك على اهتمامك....
يسعدنا ويشرفنا تواجدك معنا
ونرجوا حضورك الاجتماع
أ.وائل كنت أفضل أن يكون هناك أستفتاء على الميعاد لأن البعض لن يستطيعوا الحضور ..
وبالنسبة لى لن أستطيع الحضور وكنت أفضل يوم الثلاثاء أو الأربعاء ..
على العموم إذا أجتمعتم بدونى فأنى أوافق على ما تقرروه ..
وتقبل تحياتى ...
يا استاذنا...... ليك حق واللهاقتباس:
كنت أفضل أن يكون هناك أستفتاء على الميعاد لأن البعض لن يستطيعوا الحضور
بس احنا فى اشد الحاجه للاجتماع سريعا
للتعارف ومناقشه امورنا الهامه
لو هناك ميعاد اخر تفضلوة --لازم تبلغونا--ونشوف الميعاد المناسب--للجميع--شكرا ليك استاذ وائل مصطفى وشكر للمهندس كامل ابو شهد-
اذا كان فيه ميعاد اخر مافيش مشكله
بس خللوا بالكم ان فيه اجتماع اخر يوم 25 الجمعه لنايل موتورز
جدول الاعمال الخاص بالرابطه
1- التعارف بين الاعضاء ( من فضلك اكتب اسمك ورقم تليفونك وايميلك ورقم شاسيه عربيتك فى ورقه بيضاء لاعداد قاعده بيانات الاعضاء) من فضلك احضر معك مايدل على حجزك للعربيه او رخصه العربيه ( تكفى صوره ضوئيه)
2- ماذا تريد من الرابطه.... مقترحاتك وافكارك..... ورقه مستقله
3- بماذا تسطتيع ان تخدم الرابطه................ ورقه مستقله
4-تحديد ميعاد محدد للمقابه الدوريه للاعضاء
اذا كان هناك شىء اخر تريدون اضافته ........ برجاء التنويه عنه لاضافته الى جدول الاعمال
مع تحيات وائل عطيه وامر يحى ووائل مصطفى
كان نفسى اكون موجود معاكم
بس والله الامتحانات على اخرها و ربنا يعديها على خير الحاجة تانية ميكانيكا
لحسن دى رخمت قوىىىى ( سنة مملة والله )
ادعولى يا جماعة
انا طبعا موافق على الأجتماع بما انى من طلب ذلك بس المكان كده بعيد اوى يا وائل مينفعش نقرب المسافات شويه
خاصة ان حضور امر و وائل عطية ضرورى و كذلك الاستاذ عمرو سامى و كل دول ساكنين فى الناحية التانية و انا معاهم الناحية التانية برضه و اظن ان فى ناس كتير كده علشان كده لازم الناس تتقترح المكان المناسب و الميعاد المناسب لحضور اغلب الاعضاء اذا امكن.
لذا اقترح ان كل عضو يريد الحضور يبعت رسالة تحتوى على اسمه و رقم العضويه فى الرابطه و المكان و الزمان المناسب له علشان كل الناس تبقى شايفه اختيار المكان سيتم بناء على ايه، و بعد كده نحاول نشوف ايه اقرب مكان للجميع او للأغلبيه و نحدد الميعاد و ربنا يوفق انشاء الله .
م/ كامل محمود
اسبرانزاوى رقم 3
بدون ما حد يزعل منى ...... يا جماعه ارجوكم التزموا بمكان محدد و كله يوافق عليه حتى لو فى بلاد واق الواق ما كل الأشخاص هنا معاهم عربيات و انتم بتعملوا حاجه لصالحكم يعنى لو فى اخر الدنيا ده لصالحكم فى الأخر ,,,, انتم مش هاتقابلوا علشان تهزروا او تتفسحوا انتم ههتقابلوا علشان تحلوا مشاكل بتواجهكم كلكم .......
نفسى حتى ان مجموعه تتوحد تحت كلمه واحده و تحت ريس واحد يقول الميعاد الساعه كذا فى الحته الفلانيه نقول كلنا طيب .... لأن عمر ما الكل هايبقى راضى و اكيد ما الكل هيوافق على نفس الكلام ..... و انسوا بقى موضوع الديمقراطيه دى لأن احنا مش بتوع ديمقراطيه بجد و مانعرفهاش و دايما الديموقراطيه عندنا تهريج و هزار و لكن لابد ان نتحكم بالحديد و النار من ديكتاتور قوى .
مش عارف بقول كده ليه بس انا اسف لو ضايقت حد .
a7'ookom
Sherif
أ.شريف داشماً أرائك حادة أوى علينا أحنا يا أسبرانزوية ... ههههههههههههههه طبها بهزر
بالنسبة لموضوع المقابلة فالأقتراح الحاص بالمهندس كامل ليس فقط لمالكى السيارة ولكن أيضاً للحاجزين ...
وبالنسبة لموضوع الديمقراطية أدينا بنحاول أن جميع الأطراف تكون مرضية وأكيد أول مهيكون فى رئيس للرابطة سيظهر الديكتاتور بداخله (على اساس المتهم مدان إلى أن يثبت العكس) ..
وتحياتي لك ..
عمر ما اى حد او اى منظومه هاتعرف ترضى جميع الأطراف , فيه مثل بتقول الناس مش عاجبها رزقها بس عاجبها مخها و ده يدل على ان كل واحد فيه حاجه بيفكر فيها شايف ان هى الصح و عايز ينفذها حتى و لو على حساب الكل .اقتباس:
أدينا بنحاول أن جميع الأطراف تكون مرضية
و انا بتكلم كده علشان انا صعبان عليا انكم عايزين تعملوا حاجه و تفشل من قبل المحاوله حتى , بغض النظر عن الأسبرانزا بس انا نفسى ان يبقى فيه مجموعه ليهم ريس واحد بيتكلم عن لسان الناس كلها و يحقق نتايج للناس كلها علشان هما معاه و بيساندوه فيما يقول و يفعل و يقفوا جنبه لأنه لو لوحده عمره ما هايعمل حاجه و لو اتفرقتم برده مش هاتعملوا حاجه .
و لازم تطالبوا بحققم صح علشان تحموا نفسكم و تحموا غيركم و تحموا اللى هايشترى بعدكم .
a7'ookom
Sherif
استاذ شريف المصرى نصائحك غير مجدية ومضيعة للوقت ياريت تشوف موضوع تانى تتكلم فية --لان الناس اللى سيادتك بتعطيهم من وافر تجاربك - بيفهموا كويس وقادرين على ادارة شئونهم---وبيقولولك شكرا --اذا كان عندك شك فيما اقول انة شبة احساس جماعى--فانا على استعداد لعمل استفتاء بين اعضاء الرابطة اذا كانوا يريدون تدخلك معهم او لا يريدون فيما يخص شئون الرابطة او اجتماعاتهم او مقابلاتهم--
ولا استفتاء ولا فتاء ... انا فعلا مالى ههههههه تولع
شكرا لتفهمك للوضع يا استاذ شريف-ومن جهتنا نوعد حضرتك انها مش ح تولع ولا حاجة --الدكتور ايهاب بدر وعمرو بية موسى نجحوا فى لم الشمل ورأب الصدع -
لسف لعدم تمكني من الحضور لارتباطات سابقة في نفس الموعد---بالتوفيق انشاء الله
علي امل اللقاء في مقابلات اخري
dr/ehababdelhafeez
اسبيرانزاوي 32
الف شكر لك يا استاذ وائل علي حرصك الشديد علي المنتدي وعلي شرحك لمتطلبات الأجتماع.اقتباس:
المشاركة الأصلية كتبت بواسطة kamatchodj
انا اعتذر بشدة عن عدم استطاعتي حضور الأجتماع وذلك بسبب ظروف امتحانات بناتي خاصة ان بنتي الصغيرة
امتاحنها يبدأ يوم 21 كذلك باقي الشهر القادم عندي امتحان ثانوية عامة لبنتي الكبيرة.
ان شاء الله اي اجتماع في الأجازة الصيفية استطيع حضوره
بأذن الله .
لي طلب او رجاء صغير عندك يا استاذ وائل . يا ريت بعد انعقاد الأجتماع علي خير ان شاء الله
تبلغوا من لم يستطع الحضور بسبب ظروفه ماذا حدث في الأجتماع.
وشكرا كثيرا يا استاذ وائل .
اسبرانزاوية رقم 28
و الله يا جماعة أنا عايز أحضر الاجتماع ده
بس يوم الحد الساعة 8 على أول الصحراوي صعبة جدا، لأني هاكون جي من سفر يومها و انا ساكن النحية التانية
خيرها في غيرها إن شاء الله
انا هاكون موجود ان شاء الله...
نداء الى الخوه الساكنين الناحيه التانيه ( حلو التعبير ده)
برجاء اقتراح مكان بديل ومافبش اى مشكله بس اهم حاجه ان اكبر عدد يكون متواجد
اخر كلام ان الاجتماع يوم الاحد 20\5 الساعه 8 مساء
وبالنسبه للمكان ارجوكم تحديد بديل او الموافقه على فندق الواحه
الف شكر يا كاماتشو
كان نفسى احضر معاكو بس للاسف هيكون عندنا ماتش ينتهى الساعة السابعة
وساحاول ان اكون موجود معاكم ولكن فندق الواحة فى الكيلو كام وهل بعد ولا قبل البوابات
كتابة تفاصيل اكتر شوية
او يفضل تغيير المكان ليكون فى متناول الجميع وياريت بجد يكون الساعة 9
ان شاء الله حاحاول بس قوللى لو انا جاى من المهندسين ومن الدائرى تحديدا
هو يبقى يمين ولا شمال يعنى بين الدائرى والمحور ولا الدائرى و الهرم
ومعلش ازاى احط توقيع ثانت انا مش عارف اعدادات المشترك دى فين
رجائى
اسبيرانزاوى رقم 29
أ.رجائي لوضع التوقيع من خلال الملف الشخصى ..
وتقبل تحياتى ...
فندق الواحه يقع على يمين الطريق الصحراوى للمتجه من القاهره للاسكندريه قبل البوابات بتاعت الرسوم نين الدائرى والمحور
يشرفنى حضوركم
انا شايف ان مافيش حد اقترح مكان بديل ........... يبقى توكلنا على الله واخر كلام
اخر كلام ان الاجتماع يوم الاحد 20\5 الساعه 8 مساء .............. بفندق الواحه ولكم منى اطيب الامنيات بالوصول بالسلامه
ان شاء الله سأكون متواجد بفندق الواحه الساعه 7 مساءا قبل ميعاد الاجتماع بساعه اول متدخل من باب الفندق هتلاقى اللوبى على اليمين انا سوف اكون جالس باللوبى
رقم تليفونى لاى استفسار
0101873581
انا كان نفسى احضر بس عندى التزامات اسريه لو عرفت اهرب منها هكلم استاذ وائل كماتشو
بس بجد هحاول عشان نفسى اشوفكم والله
Sorry for writing in English, the computer i work on dos not support arabic.
i am outside egypt this days for a job mission so i will not be able to attend this meeting but i trust you all and i support any descisions you will confirm