عرض للطباعة
تحياتي لكل اعضاء المنتدى الاعزاء ...
الحمدلله استلمت نيسان صني 2010 اوتوماتيك .. خلصتها على 88000 و عندي استفسار عن عداد السرعة لاحظت انه مش شغال فهل فيه زرار معين اشغله منه و لا ده عيب في العربية .. ثانيا انا اول مرة اسوق اوتوماتيك ( بعد عربيتي القديمة حبيبتي ال 132 :120146b:120146b ... والله هاتوحشني ) المهم انا عارف استخدامات ال D و N و R و p بس فيه زراير 1 و2 و L دول ايه استخدامهم ) :U_thin1[1]:
شكرا لذوقكم و تجاوبكم ..
دي بتستخدم في البلاد اللي فيها جبال ومطالع ومنازل يعني ال1 بيدي المتور عزم وانت طالع طلعة جامدة زي المقطم مثلا وبرضو وانت نازل لو استعملت ال 1هيخلي العربيىة ماتجريش منك هيكلبشها وهيغنيك عن استعمال الفرامل كتير واللي ممكن استعمالها يفقدك السيطرة على العربية خصوصا لو انت في نزلة قوية ومحنية وال 2 اشد من الواحد وكدهاقتباس:
المشاركة الأصلية كتبت بواسطة ayman1974
بس كل ده مالوش استعمال في مصر الا في اماكن قليلة زي طلعة المقطم وما فيش في بالي اماكن تانية
ومبروك العربية و:3_3_102[1]:ربنا يديك كل خيرها و يكفيك كل شرها...
واسال اهل الخبرة انا كلامي اللي فات ده مش عن دراسة وانما كمان سالت نفس السوال وقالولي الاجابة:shyy:
اولا الف مبروك على العربية وبالنسبة لموضوع عداد السرعة هو المفروض يكون شغال ملوش لا زرار ولا اى اى حاجة بس حضرتك ممكن تلاحظ هو عداد السرعة بس الى مش شغال و لا عداد الكيو متر (الى بيحسب الكيلو متر الى مشيتة العربية كمان مش شغال ) عشان سعات المعرض بيفصل العدادات عشان العربية متبقاش عاملة كيلو متر كتير ويعدوا ينقلوها من هنا لهنا براحتهم فممكن يكونوا فصلوا العداد و نسيو يركبوة تانىاقتباس:
المشاركة الأصلية كتبت بواسطة ayman1974
مبروك عليك العربيه
وعلينا انضمامك لينا
ربنا يبارك ليك
للأسف مافيش عندى خبره بالأوتو
بس ان شاء الله الأخوه هنا هايفيدوك
الف مبروك العربية.
وربنا يديك خيرها ويكفيك شرها.
بالنسبة لموضوع عداد السرعة والكيلوات فده اغلب المعارض بتفصل الكابل .
وانا لما استلمت العربية كان العداد مش شغال فصاحب المعرض قالى ان الفيشه عايزة تتركب وهما فصلينها. فروح لاى حد يعملهالك مش حتاخد 10 ثوانى.
ألف مبروك و ربنا يديك خيرها و يكفيك شرها و لا يوجد زرار لتشغيل عداد السرعة و المفروض أنه يكون شغال
أولا ألف مبروك وعقبالى انا هاشترى خلال شهر ان شاء الله.
موضوع 1, 2 هو معناه واحد يعنى السرعه او النقله الاولى فقط مش ممكن ينقل للتانى مهما دوست على البنزين وده زى الزملاء ما قالو معناه عزم اكبر وسرعه اقل للمنحدرات او ارض غير مستويه مثلا. اما 2 فمعناه العربيه هاتغير من السرعه الاولى للتانيه فى ميعادها عادى ولكن مش هاتنقل للتالت خالص.
كمان فيه مفتاح فى الفتيس اسمه اوفر درايف لو دست عليه اللمبه هاتنور فى التابلوه وده معناه ان العربيه هاتغير من 1 الى 2 الى 3 وبس يعنى مش هاتاخد الرابع خالص وده لو عاوز تشد بالعربيه او تعدى عربيه فى مكان ضيق مثلا.
وشكرا
100000000 Mabrouk 3aleek elSunny,اقتباس:
المشاركة الأصلية كتبت بواسطة ayman1974
U can use 2: if U are getting up a hill and U feel that the D is not responding good, U drop it to 2 to get more power from the engine,
1: Can be used when U r descending and U want to slow down the car @ the hil,
also U can use it as a manual car,
i.e.: U can start it @ 1 then @ 2, then go on to D and O/D is off, then switch it to O/D on.
1000 mabrouk,
Good luck..
Cheers
احبائي اشكر لكم جميعا اهتمامكم و ردودكم المتعااله انتم ناس محترمة جدا جدا
[overline]متقلقش
حصلت معايا لما استلمت السيارة بتعتي المهم ونا بعد مستلمتها من المعرض ببص علي عداد السرعة مش شغال رجعتلخم تاني في لحظتها
ام واحد فاتح الكبوت وركب عداد السرعة
وهم بيعملو كدة عشان العربيه متعدش كيلومترات ابل الاستلام
المفروض كانوا ركبوهولك بس هما ممكن يكونو نسيوة
والف مبروك علي العربيه
[/overline]
ألف مبروك يا باشا
الف مبروك
ممكن تقولنا ايه إحساسك عند الإنتقال من ال 132 الى الصنى من حيث مدى الراحة فى السواقة لأنى معايا لادا الروسية القوية ولكن بلا اى رفاهية فى القيادة وعمال اشاور نفسى هل الإنتقال يستاهل لسيارة أخرى ام انه احساس مؤقت بالراحة يختفى بعد قليل
وكذلك أرجو رأيك فى موضوع ضيق الصالون بتاع الصنى هل هو مؤثر ام لا ؟
اولا الف مبروك لصاحب العربية ويارب يديك خيرها ويكفيك شرها.
ثانيا انا مش ها ازود عن اللى الاعضاء قالوه لحضرتك.
ثالثا بقى انا ملاحظ ان كل الناس بتتكلم عادى على الحركة الزبالة باعة المعارض دى اكنها عااااادى خالص، والكل عادى مش بيعمل حاجة، ده اسمه غش علنى، المعرض يطلع عين العربية من هنا لهنا عشان سيادته مش عايز يكلف نفسه تمن كساحة تشيل العربية ويغش الزبون؟؟؟؟ وانتم عادى كده مش بطلعوا عنين الناس اللى بتعمل كده؟؟؟؟
طب صورو العربية وهى كده قدام المعرض واطلعوا على حماية المستهلك اشتكوه ووروهم العربية.
انا اسف يا استاذ ايمن بس بجد العالم دى تنرفز وتحرق الدم,
عموما الف مبروك يا باشا
فعلا المعارض يتفصل عداد السرعه..
بس مش عارف هلى معنى الكلام ده إن عداد المسافه هو كمان بيتفصل ولا لأ؟
غالبا انا معتقدش الكلام ده..لسبب انا كنت شارى العربيه من المحله..والمعرض جايب العربيه من المنصوره من مخازنه اللى هناك..
كانت عامله فعلا المسافه من المحله للمنصوره وهى تقريبا 25 كم..
يعنى العداد بتاع المسافات شغال..بس عداد السرعه هو اللى مفصول..
مكنشى حد غلب..كنت فصلته ومشيت بالعربيه 100الف كم..و روحت التوكيل أقولهم إن العربيه فيها حاجات كتير بايظه و هى يدوووب عامله 1000كم!!!!!!
عندك جق .اقتباس:
المشاركة الأصلية كتبت بواسطة damasry
السرعة والكيلوات مع بعض لا يمكن فصل واحد والتاني لأةاقتباس:
المشاركة الأصلية كتبت بواسطة engmohamed
الحاجة التانية عملية فصل العداد سهلة جدا بس لو التوكيل مديلك ضمان كيلوات هيبرشم الفيشة اللي بتشغل العداد بحيث انك ما تعرفش تفصلو الا لما تفك البرشام وبالتالي تنكشف عملتك ويتلغي الضمان !:star1:
اقتباس:
المشاركة الأصلية كتبت بواسطة damasry
و الله معاك حق انا عملت زي ما قلت و اتحلت بس كده ممكن الواحد يتضحك عليه لو اشترى مستعمل :shyy:اقتباس:
المشاركة الأصلية كتبت بواسطة mohamedbook
اقتباس:
المشاركة الأصلية كتبت بواسطة alrabeh
اقتباس:
المشاركة الأصلية كتبت بواسطة alrabeh
اقتباس:
المشاركة الأصلية كتبت بواسطة damasry
اقتباس:
المشاركة الأصلية كتبت بواسطة engmohamed
ممكن أسلك انته أشترتها منين 88000 ألف أصل هى فى المعارض 89500 الف من غير abs وبال abs 91500
الف مبروك وربنا يديك خيرها ويكفيك شرها
ياشا لو سمحت انا عاوز اعرف انت جبتها من معرض ايه وياريت لو فى رقم التليفون
ألف مبروك و ربنا يعطيك خيرها و يكفيك شرها
الف مبروك
اولا العداد بيكون مفصول عشان لما المعرض يمشور العربيه المشتري مياخودش باله و بيكون ليه كابل من ورا الموتور مش حافظ مكانه بس اي كهربائي يقدر يركبه
بالنسبه ل 1 و 2 نصيحه ماتلعبش فيهم لأنهم بيحملوا الموتور بعزم جامد مالوش لزوم في زرار في عصايه الفتيس صغير اسود مكتوب عليه OD Over Drive ولمبه عند العدادات النيسان الاوتومايك في العادي 3 غيارات والغيار الرابع بيستخدم في حاله السفر او لو قررت انك هاتسرع عن 95 بندوس علي الزرار ونتأكد ان اللمبه الاخيره من تحت في العدادات (الصف اللي في النص) طفت ساعتها انطلق والعربيه هاتساعدك واتأكد انك ترجع تدوس عليه تاني لما ترجع وسط البلد عشان بيخلي تجميع العربيه اسرع وده السبب اللي بيخلي ناس تقول صوت موتورها عالي ولا عالي ولا حاجه بس انتو اللي ماشيين 170 علي التالت واكيد فاهمين ده ممكن يعمل ايه في العربيه.. انا متابع نيسان من 2004 وبجد بجد خسرااااااان اللي مركبش صني عربيه ممتازه وعمليه وسريعه ولو الاسفلت كويس عليها ثبات رهيب جربتها لغاية 185 علي طريق الكريمات تحسسك انك مش ماشي اصلا ربنا يباركلك فيها.
وبالنسبه للأخ ايمن العربيه لما بتتوصل للكونسول بيطلع عدد الكيلومترات الفعلي وبيظبط العداد اللي في العربيه السبع مش عبيط هههههههههه:dontudear: