بس انا سمعت ان فى مواقع مجانية فى التصفح ؟:36_1_34[1]:
عرض للطباعة
دخول أى موقع به صور أو فلاشات أو إعلانات أو استعراض فيديوهات يوتيوب أو تشغيل كاميرا ويب كل دا بيسحب سحب رهيب بالميجا وبيستهلك الرصيد بسرعة
أنا شغال بره البيت بمودم اتصالات وهو معقول فى تصفح المنتدى والمواقع العادية ومش هجربه الحقيقة فى أى حاجة تانية لأنى بعتبره للطوارئ ، لو انا عايز حاجة غير كده يبقى من كمبيوتر البيت ، مودم اتصالات باشحنه بكروت ال 10 جنيه وبنظام المحاسبة بالميجابيت مش باليوم الميجا ب 35 قرش
أنا معايا إتصالات من حوالي سنه تقريبا ومعتمد عليه إعتماد كامل في الدخول على النت سواء من البيت أو من أي حتة تانية
وبعمل داونلود كتير بيوصل لـ 15 جيجا ساعات في الشهر وإشتراكه ثابت 150 جنيه
ومافيش حتة لغاية دلوقتي سواء في القاهرة او مرسى مطروح (اللى روحتها في الصيف اللى فات) ماكانتش الشبكة فيها جيل ثالث والسرعة على طول زي الفل يعني التغطية زي الفل بالذات جوة القاهرة
بداخل جدران المنزل بيكون لاقط جيل ثالث ولكن إشارته بتكون من شرطتين لثلاثة وساعات قليلة شرطة واحدة حسب مكانه جوة البيت لأن البيت عني تصميمه عميق شوية بداخل الخرسانة
من حوالي أقل من شهر ركبته على شبكة كاملة داخل البيت وموصله على أربع أجهزة لغاية دلوقتي وشغال عليهم زي الفل كلهم إتنين ديسك توب وإتنين لاب توب عن طريق الواي فاي أدابتر بتاع إتصالات برضه والسرعة برضه ماشاء الله زي الفل على الأجهزة كلها
أيوة كده ياباشا أنا برضه بقول بقالي فترة بعمل داونلود بسرعة من 100 لـ 200 كيلوبت / ثانية ومستغرب
وكمان أنا باقلي شهرين بعدي داونلود لغاية 11 جيجا وشوية وبسرعة عالية ... الشهر اللى فات السرعة نزلت بعد 11 جيجا ... واللى قبله برضه كنت 10 جيجا وشوية والسرعة عالية لغاية مادخلت في الشهر اللى بعده
هل في تفسير ... يكونوا زودوا كمية الداونلود المسموح بيها قبل تحديد السرعة ...
... طب لو ماعملوش كده ياريت ماتقلهمش على الموضوع ده أحسن ياخدوا بالهم ويرجعوا يظبطوه .. أنا كده مبسوط :verygood::shine[1]::36_1_34[1]:
الداونلوود المصرح بيه مازال 6 جيجابايت ...... ممكن يكون حصل مشكلة عندك فما اتقفلش عليك بعد ال 6 جيجا في احد الشهور :)
انا كنت ياستخدم فودافون و بعدين غيرت لاتصالات...
فودافون أفضل من حيث السرعه, بس اتصالات أفضل من حيث الاحترام في التعامل و السعر و السرعه كويسه...
الميزه في اتصالات انهم ليمتد 6 جيجا و أول ما بتعديهم بتقل السرعه شويه...
فودافون لو عديت الليمت بتاعك تقطع الخدمه...
شكراً على المعلومات المفيدة ..
طيب ايه الأوبشنز المتاحة فى مودم اتصالات ؟
انا فهمت هنا ان فيه نظام 6 جيجا فى الشهر بـ 150 جنيه
هل فيه أنظمة تانية تكون تكلفتها أقل؟
واستفسار تانى ..
ازاى أعرف ان عندى فى البيت شبكة 3g
يعنى هاجيب موبايل 3g جوه البيت وأعمل عليه ايه علشان أعرف اذا كان فيه شبكة اللا لأ؟
اعذرونى فى السؤال ده لأن الموبايل بتاعى مش 3g فأنا ماعرفش حاجة عن التكنولوجيا دى.
لو مش هتعمل داونلود يبقي خليك في اتصالات أبو 50 جنيه في الشهر بيديك نص جيجا .. وكمان لو عاوز تاني تشحن بكروت .. ده احسن حاجه الصراحه وتغطية اتصالات دلوقتي بقت رهيبه في كل مكان تقريبا ثري جي .
أشكرك على الرد ، وده سرعته معقولة برضه؟
وازاى بيتم الشحن عن طريق كروت ، يعنى رقم الكارت بيتبعت من موبايل ، ومن أى رقم واللا من المودم؟