اقتباس:
المشاركة الأصلية كتبت بواسطة gobeltoffire
ما شاء الله ربنا يباركلك فيها. انا كمان بفكر اشترى العربيه دى بس عندى كام سؤال لحضرتك: نظام ال tcs وظيفته ايه ؟
وهل حضرتك متاكد انه موجود علشان هو مش مذكور خالص فى اعلان مواصفات العربيه بتاع الوكيل ؟
وهل فعلا العربيه فيها جهاز انذار ؟
ولو التكييف semi automatic ازاى حضرتك مستلم العربيه تكييف بكر ؟
وسعر الجنوط بتاع العربيه يعمل كام فى التوكيل وخارج التوكيل؟
بالنسبه للثبات انا مش بسوق اقل من 160 فهل العربيه ثابته ولا اشوف حاجه تانيه ؟
انا عارف انى طولت عليك بس اعذرنى انت عارف ان ثمن العربيه مش قليل ومحتاج تكون العربيه تكون صح علشان ادفعه وانا مطمئن
وشكرا ليك يا استاذ حاتم على التقرير الرائع ده
السلام عليكم ورحمة الله وبركاتة
جزاك الله خيراً على المشاركة
نظام الى TCS مسئول عن التحكم فى نظام الجر
بمعنى ان كل عجلة من عجلات العربيةً على واقفة على ارض جزء منها زيت وجزء ثلج وجزء ناشف وجزء مياه والعربية على مطلع او منزل ، هذا النظام ميخليش العربية تروح يمين وشمال ولا تتزحلف للامام او الخلف بالعكس يخليها تمشى فى خط مستقيم حتى على السرعات العالية .
وللاسف الشديد النظام مش موجود فى العربية
العربية مفهاش جهاز انذار لكن يوجد فيها نظام امان يجعل من الصعب فتح العربية من الداخل او الخارج حتى لو جزء من زجاج العربية مفتوح
التكييف فعلاً semi automatic وليس automatic يعنى بكر مش Digital
والمقصود بكلمة semi automatic انة بيتحكم فى نظام تجديد الهواء داخل العربية تلقائياً
بالنسبة لسعر الجنوط فى التوكيل 5600 جنية جنط 15 بوصة بدون كوتش وبتستلم الجنط بعد 3 شهور ( غالى موووووووت).
بالنسبة للثبات الحمد لله ممتاز يعنى ممكن تمشى على 160 كم / ساعة وتاخد غرز كمان بس خد بالك السرعة العالية دائماً توصلك متاخر :F_eyeb1[1]::F_eyeb1[1]::F_eyeb1[1]:
وياباشا انا تحت امرك فى كل الاستفسارات