عاوزين نمنع الجري بالعربيات جوه البلد
السلام عليكم
انا بس نفسي نعمل موضوع هنا عن خطورة الجري والشد بالعربيات جوه البلد لاني بيبقي الضحايا من الابرياء اللي مالهاش ذنب ياجماعة بجد انا دمي بيتحرق لما يبقي الطريق زحمة موت والاقي اتنين بيجروا ويزنقوا علي الناس مالوش دعوة بقي ده بيعرف يسوق ولا لأ ولا حد بيعدي ادامه ولا لأ هو بيجري وخلاص بيبقي نفسي اجيبه واضربه وكتير اوي لو صادفت وقابلته وجه بعربيته ورايا بتعمد امشي بطئ عشان اشله وغالبا بتقلب بخناقة
اخرها كان مع اتوبيس هيئة بيجري علي الاوتوستراد بسرعة خيالية وضارب النور العالي فين المرور والرادار فين الناس اللي بتراقب الكلام ده علي الطرق ولا احنا مش بنفوق غير لما يحصل حوادث ويروح فيها ضحايا ساعتها بس البهوات بتوعنا يتحركوا ويسيبوا مكاتبهم وينزلوا يعاينو الجثث
حاجة تحرق الدم ..