الموضوع: بتسمع ايه في العربية ؟

انا على الطرق السريعه بحب اسمع فيروز او kenny G و ساعات جورج وسوف

فى مشوار الصباح:يبدأ الساعة 7:05 الى 7:50 تقريبا بسمع البرنامج العام من أول نشرة سبعة وبعدين تقارير المراسلين (اصبح خميس ابو العافية وعباس متولى وحازم فودة بالنسبة لى اصدقاء يوميين لازم اسمع صوتهم)، بعد قتاقرير المراسلين اقلب على غذاعة القرآن اسمع الشيخ رفعت وبعدين برنامج احمد عمر هاشم وبعدين الشعراوى، ارجع بعدها للبرانامج العام تانى اسمع حالة الطقس وتقرير احمد عاصم عن المررور التى تذكرنى بعبد الحليم حافض وهو يقول ، طريقك يا ولدى مسدود مسدود مسدود

لو نازل متأخر بعد تسعة بيكوكن البرنامج العام وبسمع برنامج الى ربات البيوت :) :) :) :) :)

ونا راجع آخر النهار بيتراوح المشوار من 5 الى سبعة ونص حسب موعد خروجى، لو صادفتنى 5 فى الطريق بسمع المسلسل بتاع البرنامج العام (الشهر اللى فات كان شفيقة ومتولى والشهر ده فى مسلسل بتاع فؤاد المهندس وشويار اسمه انا وبابويا) ، وبعدين اقلب على نجوم إف إم اقعد اسمع الهلس بتاع مروان قدرى وكريم الحميدى والاغانى والإعلانات العجيبة بتاعتهم دى اللى غالبا مبركزش معاها لكن بتشكل لى نوع من انواع الونس الذى لا غنى عنه، ولو جت عليا الساعة سبعة اقلب علىالبرنامج العام اسمع الف ليلة وليلة، الشهر اللى فات كانوا جايبين حكاية ماندو ووردشان،والشهرد ه نور وعروسة البحور، وبعدين ارجع لنجوم إف إم تانى على اجمل سبعة الساعة سبعة وجيهان عبد الله ومزيد من الهلس المسلى
اكتر حاجة بحبها فى نجوم إف إم ان هم حاسين ان زبونهم الأساسى هو قائدى السيارات لأن يظهر محدش بيسمع راديو فى البيت، فتلاقى حديثهم كله موجه لركاب السيارات ودايما متوقعين ان اللى بيتفاعل معاهم بالردود والرسايل هم ركاب السيارات