ساعدونى فى القرار الصعب ده مطير من عينى النوم

ياريت تساعدونى فى القرار ده .. عندى عربيه ميجان اتخبطت فى الرفرف اليمين ورا خبطه جامده تقريبا الرفرف اتعجن منها ومبقاش ينفع يتعمل .. والرفرف الشمال ريح على عربيه كده ينفع يتعمل بس من تحت عند الكاوتش ومن عند الدوران بتاعه بايظ اوى برده

السمكرى بيقلى ركب نص :b4_556: وكده امتن للعربيه وموضوع النص ده عاملى صدمه لانى اخاف اركب او اشترى او ابيع عربيه فيها نص من كلمه تغير النص دى

وفيه سمكرى تانى بيقلى عادى غير رفرف والتانى يتعمل

وعموما الاتنين السمكريه قالو ان اللحمات فى تغير الرفرفين او الرفرف الواحد بتبقى اكتر من النص!!!! ولما تيجى تبيع االعربيه او تركبها هتبقى اوحش من انك تركبها او تبعها وهيا مغيره نص !!!!!! ازاى يارجاله .. هوه الكلام ده صح؟؟؟!!!!

ابعد عن الناس دية دول ماجانين ,وعايزين يعملوا شغل عليك
شوف هو طبعا الرفارف الورانية بتبقى مرتبطة بالعربية يعنى مش بتتفك
فكل اللى حضرتك هاتعملة انك تجيب قطعية من الحرفيين وتلحمها مكان الرفارف اللى باظت يعنى كل اللى هاتعملة انك تقطع المكان اللى الخبطة فيها مأثرة وبعد كدة تلحم القطعية الجديدة فيها
لكن حرام تغير نص بحالة عشان خبطة رفرف ولو عملت كدة العربية مش هترجع زى الاول
وياريت لو تعرف تصور العربية هانفيدك اكتر

يعني الرفرف اليمين ميتسخنش عليه ؟
و طبعا الشمال ممكن يترد علي البارد

لا حول ولا قوة الا بالله , ربنا يعينك على ما بلاك , جرب تعرضها على تجار الحوادث واوزن الامور

الاخ صاحب الموضوع يا ريت ترفع صور لشكل العربية علشان الناس تعرف تساعدك
بس عموما موضوع تركيب نص ديه فعلا حاجة كبيرة بتتعمل لما العربية تكون معجونة مش رفارف مخبوطة

اقتباس:

---

المشاركة الأصلية كتبت بواسطة aYaBooY

الاخ صاحب الموضوع يا ريت ترفع صور لشكل العربية علشان الناس تعرف تساعدك

---

:verygood:

اعقد و الله اعلم كلام السمكرى صح بالمنطق
الحام فى النص هيكون فى القوايم فقط
لو رفرف بس هتلحم بطول الرفرف كلة
و الله اعم برضة

بس فعلا الصور احسن حاجة

روح للسيادة العقيد وخد رأيه http://www.nilemotors.net/Nile/118993-a.html

نص إيه ؟؟ مش الخبطة فى رفرف بس ؟ إيه الإختراعات بتاعتهم دى
والنص ده منين وبكام وحالته إيه ولحاماته قد إيه وهيجى مظبوط ولا لأ ! أكيد مش أسهل ولا أرخص من الرفرف لوحده

اقتباس:

---

المشاركة الأصلية كتبت بواسطة ayabooy

الاخ صاحب الموضوع يا ريت ترفع صور لشكل العربية علشان الناس تعرف تساعدك
بس عموما موضوع تركيب نص ديه فعلا حاجة كبيرة بتتعمل لما العربية تكون معجونة مش رفارف مخبوطة

---

كلام سلم تغيير النص مش بالسهولة دية

هرفع الصور ان شاء الله قريب
وانا فى الموضوع ده احب اشكر العقيد خالد لانى كلمته فى الموضوع وبجد مهما شكرت مش هوفيله حقه فى كرمه فى رده عليا ولمحاوله مساعدتى ولوقته اللى اخت منه كتير علشان يفدنى