برجاء من الاعضاء المحترمين مساعدتى فى قرار الشراء ده
انا كنت ناوى اشترى a516 بس بصراحة الm11 داخلة مزاجى بس قلقان من الاداء وقطع غيارها لان قطع غيار ال a516 بقت منتشرة عكس الm11
وشكرا مقدما للنصيحة
عرض للطباعة
برجاء من الاعضاء المحترمين مساعدتى فى قرار الشراء ده
انا كنت ناوى اشترى a516 بس بصراحة الm11 داخلة مزاجى بس قلقان من الاداء وقطع غيارها لان قطع غيار ال a516 بقت منتشرة عكس الm11
وشكرا مقدما للنصيحة
أولا ماتور ال516 هو نفس ماتور الm11 وغالبا هاتكون نفس قطع الغيار والميزة الوحيدة في ال516 هي الوسع الداخلي إنما أن سامع إن الm11 معمولة بشاسية معدل وأقوي والصاج بتاعها أسمك وأقوى وطبعا مش هاتكلم عن الشكل لأن ده موضوع ذوقي بحت بس ال516 بقت تاكسي ودي مش لصالحها من ناحية الشكل بس لصالحها من ناحية الصيانة وقطع الغيار بس الكماليات هي هي في الإثنين تقريبا ماعدا الكاوتش العريض في الm11 واخيرا انتظر رأي الناس اللي جربت العربيتين وجع أرائهم وانت قرر في النهاية
انت و فلوسك ...... الفرق مابينهم متظبط بيه الشكاوي من ال 516 ... مثلا قالوا عليها عفشتها ناشفة ف ظبطوا عفشة الm11 قالوا شكلها وحش قاموا خلوا بيت ايطالي يرسم ال11 قالوا كاوتش ال 516 صغير عليها قاموا كبروا لل11 قالوا خامات الصالون في 516 مش عالية قاموا ضبطوها في ال11 ....
انا معايا m11... ماشاء الله فلة .... استخير و توكل و ربنا الموفق
من فضلك راجع اللينك ده قبل ما تقرر
Speranza, speranza car , speranza A620, speranza reviews, speranza m11 - Speranza620.com
تقبل تحياتي
طبعا m11 بلا نقاش احسن م 516 ف كل شي عدا توافر قطع الغيار خارج التوكيل
يا ريت تستخير على موضوع الsperanza الأول وربنا يوفقك إن شاء الله
س سؤال ؟؟؟؟ ايه دخل الكلام اللي في الموضوع ده بسؤال الراجل هنا؟؟؟؟؟اقتباس:
المشاركة الأصلية كتبت بواسطة Eng. Rafy Samy
هوه ماقلش 620 خالص......
وحاجة تانية... ليه الينك فيها m11 اذا كان التوبيك عن 620؟؟؟؟
ولا هوا كله علي كلة و سداح مداح ولا ايه؟؟؟؟
انا باشكر كل من ساهم برأيه فى الموضوع
وعلى فكرة مش كل العربيات الصينى وحشة فى انواع منها كويسة وانواع تانية ومركات تانية مجهولة وليس لها قطع غيار حتى فى التوكيل
لكن فية توكيلين محترمين الى حد ما البافارية وابو الفتوح هو ده اللى مطمئن الواحد شوية
اما موضوع العيوب اللى ممكن تلاقيها فى العربيات الصينى ممكن تلاقيها فى انواع تانية عريقى مثل المرسيدس والنيسان المهم ان صاحب العربية يحافظ عليها ويتابعها مش يسوق وبس ويهملها وبعدين يقول العربية وحشة
أنصحك تروح معرض الأهرام و تشوفهم على الطبيعه جنب بعض
بس انا شايف من وجهة نظري يعني ان تقفيل ال 516 احسن شويه من ال m11
انما كشكل و اوبشن اكيد m11 احسن
لوحة عدادات ال 516 اشيك من m11
وسع داخلي ال 516 واسعه اوي اوي اوي و ال m11 عاديه في الوسع
تكييف ال 516 ديجيتال بتحكم في درجة الحراره و تكييف ال m11 بكر
الشنطه في ال 516 اوسع وفتحتها كبيره في ال m11 واسعه بس فتحتها صغيره
انا شايف ان ال m11 تتفوق في الشكل الخارجي و يمكن في الشاسيه الجديد و الاتزان و شوية الاوبشنز الجديده زي حساس المطر و حساس الاضاءه وكمان الكاسيت و السماعات
بص انا هقولك للامانة .. انا رحت فورميولا الاهرام .. وشفت ال m11 وركبتها .. تقفيلها مش حلو خالص .. وده رأيي يا شباب .. انا شايف ان اعلى تقفيل في الاسبيرانزا هو التيجو .. وحتى الان مشاكلها قليلة جدا .. وكلها فردية .. واستنو تقريري عن اسبيرانزا من معرض فورميولا بس انا مش مصور حاجه على فكرة .. عشان يعني مش مستاهله اصور عربيات احنا عارفين شكلها ايه
ال M11 طبعا :Ta_clap[1]:......أشيك وأداء أحسن .. العربية معاى من شهرين والحمد لله زى الفل وطول ما أنا ماشى فى الشارع الناس بتسألنى عليها... لكن فكرة انك تركب عربية مالية البلد كتاكسيات أعتقد انها مافيهاش خصوصية.. والعربية الى حد ما بتفقد رونقها....
و أخيرا ربنا يوفقك للقرار السليم
:verygood:اقتباس:
المشاركة الأصلية كتبت بواسطة Ghost2
كلام سليم التيجو تقفيلها جميل جدا و ال 516 تقفيلها معقول لكن M11 مش حلو خالص و انا مكنتش متوقع انها تكون كده بعد شكر ناس كتير فيها بس يمكن اللي محطوطه في المعرض دي حاله فرديه مش عارف حتى لما فتحت الكبوت حسيت ان تجميع الأجزاء مع بعضها مش حلو خالص بالمقارنه مع 516 و بلاش اقارنها بالتيجو عشان مفيش مقارنه !!!
و المعرض بجد فيه مفاجآت جامده زي ان 620 بتتباع في المعرض ب 95 ألف
و التيجو اوتوماتيك ب 105 و معاها عتب و اكصدام خلال فترة المعرض
كمان انا اتفاجئت من الماهيندرا اسكوربيو عربيه دبابه و ديزل و اوتوماتيك استيب ترونيك و ايرباج و ABS و تقفيلها فوق الممتاز كل ده ب 139 الف انا كنت فاكرها ب 300 الف مثلا
بجد سعرها ممتاز بالنسبه لامكانيتها و لو كان معايا تمنها كنت اشتريتها بدون تفكير في اي نوع تاني
الي غالي في المعرض هوا البريليانس الجديده FSV بتبتدي ب 85 الف الى 99 الف مش عارف ليه يمكن عشان ال Smart Key !!!
في عربيات صيني كتير في المعرض بس مجهولة الهويه مع ان توكيلها ابو غالي و منزل عليها ضمان 3 سنوات غير محدد بكيلو متر (بيقلد مرسيدس و بي ام) ههههه بس هما سنتين بس
كمان في العربيه ال FAW نازل منها 3 حاجات
واحده سيدان 1500CC و اوتوماتيك ايزي ترونيك و بيقولو ماتور الياريس و عفشة تويوتا بس تقفيلها تعبان و تحس ان اكر الأبواب ممكن تتكسر في ايدك ودي ب 70 الف
و التانيه زيها بس مانيوال و هاتش باك ب 60 الف
و التاته 1600CC بس تقفيل ممتاز جدا و استيب ترونيك و فتحة سقف و تكييف ديجيتال و لوحة عدادات عامله زي الجيتا كده و بيقولوا ماتور فولكس فاجن و دي ب 110 الف و اعتقد انه كتير عليها عشان كده دخلت في شريحة السيراتو والكروز !!!
و كلهم ضمان 5 سنين او 100 الف كيلو
اقتباس:
المشاركة الأصلية كتبت بواسطة ghost2
بس كانت تستاهل عيوب التقفيل من وجهة نظرك بالصور اكيد ؟؟؟؟؟ اصل الناس عماله |لكلكلكلكلكلك" دي تقفيلها احلا لا دي احلا لا دي لا دي .....
اللي شايف عيب يصوره و يورينا علشان نشوف و نفهم و ناخد بالنا .....
انا ركبت 516 و معايا 11 .... ال2 زي بعض بالنسبة للتقفيل " السوك و الفتحات و تناسقها مع مسارها " انما خامات ال11 اعلي شوية من ال516....
بس كدة
و السلام عليكم
وانت حضرتك متعصب ليه يا استاذ هيما .. هو انا لو مش بحب ال m11 وبقول عليها وحشة .. هل ده يزعلك . في ناس كتير او بتكره عربيات موديلات عاليه من سكودا و فولكس وفورد .. ده طبيعي دي ازواق.. جودة التقفيل في حاجات حضرتك ممكن تتقبلها ويمكن انا لا .. يعني المسأله نسبيه .. وانا بقول رأيي للأمانه فقط لا غير . وشكرا
يا سيدي العزيز انا مش متعصب ... بس انا مستغرب!! الناس بتقول ردود مختصرة تحسسك ان الkeyboard هتخلص....يعني ايه تقفيل وحش.....ليه منبقاش موضحين ولا هوا الناس بتكتب توششوش نفسها ؟؟؟؟
لما اقول دي وحشة اقول علشان 1 و 2 و 3 علشان زي ماسعادتك تفضلت و قولت ان هية ازواق ....
و في الاخر كل هدفنا ايه؟؟؟؟؟ الافادة
و والله ما متعصب يا سيدي .. تجيب راسك ابوسها:Oc_sun1[1]:
لا يا استاذ هيما ال m11 تقفيلها مش زي ال 516اقتباس:
المشاركة الأصلية كتبت بواسطة hemaa_82
بص كده على خامات بلاستيك هوايات التكييف و بص على درج التابلوه و شوف كده الغطا بتاعه بيقفل تمام و لا في زيادات
افتح الكبوت و بص بصه جيب عربيه 516 و حطها جنب ال m11 و قولي شايف ايه
انا لا معايا 516 ولا m11 فمليش مصلحه اختار دي على حساب دي بس انا بقول اللي شفته
ياجماعة بلاش حماس احنا كلنا اخوات وبعدين الموضوع مش اهلى وزمالك العربيات فعلا اذواق وعلى حسب المقدرة المالية انا نفسى اجيب هامر بس المقدرة
بس بحاول اجيب اعلى امكانيات على قد الفلوس اللى معايا
وعلى فكرة مجرد دخولكو ومساعدتى فى الاختيار دى حاجة تستحق الشكر
اقتباس:
المشاركة الأصلية كتبت بواسطة market_profile
بالنسبة للخامات فهيه هيه ... و التابلوه عندي الحمد لرب العالمين مظبوط .... اما بقي اني افتح كبوتها جنب ال516 فايدك علي تمن 516 علشان انا مفلس و الحمد لله :shyy::verygood:
ما تحيب ياعم راسك ابوسها :B4_444:
اقتباس:
المشاركة الأصلية كتبت بواسطة hemaa_82
تني ا هيما بيه لا مش هيا هيا و ممكن حضرتك تروح المعرض و تتفرج بدل متروح تشتري 516 ههههههه
20 جنيه مش حتخسر معاك
:verygood:
m11 تلافي عيوب 516
اقتباس:
المشاركة الأصلية كتبت بواسطة medoragab
ايه هيا العيوب التي تم تلافيها في ال m11 عشان سمعت الكلام ده كتير بس محدش قال ايه هيا العيوب دي
فياريت الي يعرف يوضح