اخيرا المشكلة اتحلت و الحمد لله
[justify]
[justify]
السلام عليكم و الله انا كان عندي مشكلة مضيقاني اوي اوي و كانت خنقاني جدا و مش عارف حلها الا و هي مشكلة الذبذبة و الصوت المقطع في بايونير 3150
الصوت كان بيقطع كل ما اضغط علي دواسة البنزين اي كلما ما يزيد سرعة دوران الموتور يقطع الصوت بشكل رهيب ( مش عارف اسمع اسطوانة او فلاشة او حتي الراديو ) و الجهاز لسة جديد و كنت خايف جدا جدا احسن تكون الكهرباء عالية و يتحرق .... المهم رحت الكهربائي اللي ركبة و قالي ناخد توصيلة مباشرة من البطارية .... المهم المشكلة متحلتش ... قالي نراجع علي الضفيرة لان كل ال 131 الضفيرة بتعدي من وراء الكاسيت برضه المشكلة كما هي متحلتش
قال نركب طقم ذبذبة ع الموبينة .... لكن طقم مين يا عم الحاج المشكلة عويصة و الله يلعن اليوم اللي روحت فية الكهربائي....
سالت واحد ماشي في الشارع و مركب تويترات و بازوكة وعامل شغل عالي عالي جدا ع المشكلة قالي غير طقم السلوك بتاع البوجيهات و هات طقم كربون و شوف النتيجة .... احم احم ... اية علاقة البوجيهات بالكاسيت ..... اية الاشتغالات دي .....
المهم ... هي جت عليها يعني .... غيرتها بطقم اسباني لونة احمر تمنة عشرين جنية ...... وكانت المفاجاة الكبرى ...... الصوت اصبح فل الفل الفل ..... و الذبذبة اختفت نهائيا .... ( في ستين الف سلامة ) ... و الحمد لله علشان السلاك القديمة كانت بتهرب الكهربة و بالذات السلك اللي خارج من الموبينة الي الاسبراتير و عموما انت هتغير الطقم كله ...... وقلت اذكر هذة المعلومة للناس اللي بتعاني من مشكلة الذبذبة و طريقة الحل .
و شكرا لحضرتكم :10D5C8~1107::10D5C8~1107: