والله يا جماعة احنا شعب عجيب
النهارده رجعت البيت ووالدتي كانت عاوزاني اروح معاها تشتري حاجات
المهم
ماشي بالعربية وشوية بداءت احس بحاجات غريبة ابقي مدي الغيار التالت وادوس بنزين والدواسة للاخر ولاحياة لمن تنادي
اكني مش دايس خالص طب اجيب تاني
واحاول شوية وتشد مرة واحدة
او تنتش كده
المهم
وشوية و بطلت ودارت بالعافية
قولت لاء كده ما ينفعش انا اطلع علي الميكانيكي علي طول
وانا ماشي وبحاول اجري بسرعة بقي علشان العربية لما بهدي بتبطل
وانا مش عارف هي فيها ايه
وهوووب العربية وقفت في الشارع
وانا كنت ماشي علي الشمال
وابوس ايدها علشان تدور
وهي
ابدا ابدا
المهم بقيتواقف علي الشمال في نص الطريق ورحت مدي انتظار
والعربية بحاول فيها مش راضية تدور
وانا واقف جنبها بقي
اسمع
وعربية معدية مني
يا حماااار
يا غبيييييييي
طيب انا عارف اني سادد الطريق وواقف محرج والله
وكمان يعني انا هبقي واقف علي الشمال رخامة مثلا
ماهو اكيد عطلانة
يعني لو انا واقف علي اليمين ماشي
لكن دا انا علي الشمال
اكيد المفروض يبقي في تميييز
وكلهم عمال بالكلاكس
المشكلة بقي ان انا بكره الشتيمة اوي
ومش بحب اتعامل بيها حتي مع اصحابي وبهزار
اتحرق دمي بجد