تعليم السواقه في منطقه مدارس و سكنيه..... مشكله ساعدوني
السلام عليكم و رحمه الله
طبعا الحمد لله علي كل شيء
انما الوضع لما يكون فيه من الاستهتار و اللامبالاه و انعدام الضمير للحد ده فعابز منكم مساعده اللي يقدر يساعدني
المشكله كالتالي
في المنطقه السكنيه اللي ساكن فيها في مدرستين لتعليم القياده علي الشارع الرئيسي من بره
و بقدره قادر حولو المنطقه الداخليه الي حلبه تعليم قياده
و الالعن ان الحلبه دي ممتده من عند جامع عبير الاسلام (جنبه نقطه شرطه رابعه!!) و ممتده حوالين مدرسه فندقيه و مدرسه ابتدائي
و محدش بيسأل حد عن حاجه, عندهم عربيات حاطين عليها يفط تعليم و في عربيات تانيه مفيش حاجه تميزها
و الموضوع بقي اكثر انحلالا لما بيستمرو في التعليم لغايه باليل كمان مش الصبح بس
منطقه سكنيه+مدراس+مش شارع تعليم و فاضي لأ ده فيه جامع و منطقه محلات و الدنيا علي طول زحمه
عربيتي رشيتها نضافه و طلعت البيت في يوم اتعشي و انزل تاني و راكنها جنب الرصيف الاقيها متجرحه من جنب الشارع, طبعا رحت ادور علي لون عربيتي علي عربيه من عندهم بس طبعا البهوات سحبوها بعيد
اول امبارح راكن موازي للرصيف برضه انزل الاقي المرايه الجانبيه(مع اني قافلها) مفتوحه و متكسر قزازها لأ و ايه فيها خربوش محترم هي و الباب و حته من الرفرف!!
انا فاض بيا
قزاز المرايه ب 120 جنيه (نيسان صني) ده غير الباب و شكله
العمل ايه بقي
حد هنا في المنتدي ليه قريب ممكن اشتكيله و يوقف الناس دي عند حدها؟
ولا انزل اكسر عربياتهم (اللي مانعني اني معرفش مين بالظبط اللي خبطها فيهم) ده لو كانو هما اصلا, بس لما يكونو بيعلمو سواقه صبح و ليل تحت بيتك, مش هتحتاج تخمين كتير خصوصا لما دايما العربيه بتكون مركونه كويس و في امان الله
بجد لو حد ليه قريب في المرور او الشرطه محتاج خدمته ارجوكم قبل ما ارتكب ما يعاقب عليه القانون لأن كده حرام