مفيش حاجة الواحد يقولها اكتر من اللى قاله الشباب ربنا يردهولك ويكفينا شر الناس والسرقة
عرض للطباعة
مفيش حاجة الواحد يقولها اكتر من اللى قاله الشباب ربنا يردهولك ويكفينا شر الناس والسرقة
قدر الله و ما شاء فعل
الحمد لله رب العالمين يا كريم ان انت كويس
فداك و فدا ولادك مليون موبيل
اللي اعرفه ان التتبع دلوقتي اصبح مقترن بجرائم القتل بس
و ان خدمه التتبع العاديه اتلغت و اصبح لازم اذن نيابه
الحمد لله انها جت علي قد كده
كريم داري علي شمعتك تقيد يا ابن امي
انا كان ليل تجربه مع السرقة دى كان نوكيا 6111 بتاع والدى أتسرق ومرجعش
1-تشوف هو أتسرق منك فين وتروح تهل محضر فى أقرب قسم شرطة
2-تاخد رقم المحضر وتروح تجيب أذن من النيابة بالتتبع للتل شركات بتوع المحمول
3-تستنى ربنا يكرم
قدر الله و ما شاء فعل
أهم حاجة ماتزعلش نفسك و بعد كده كله سهل
قدر الله و ماشاء فعل
ربنا يعوض عليك و يكفيك الشر
والله متشكر لكل ردودكم وتفاعلكم
الموبايل اتسرق مني في صلاة الجمعة وانا خارج من المسجد
كان في جيب الجاكت فتحوا سوستة الجيب واتاخد
اللي واجعني انه لسه ما كملش 14 يوم ولسه مانزلش مصر
وبعت جبتة من برة ب 5000 الالاف جنية
واللي هايخدوة مش هايعرف يبيعوة ولا يتصرف فيه لانه مميز جدا
عملت محضر في القسم قالولي لازم يكون في جريمة قتل او سرقة كبيرة بالاكراه عشان يتعمل امر تتبع وبيدفع عليه 50 جنية في الاسبوع لكل شركة موبايل
المشكلة اني مش عايز اتبلى على حد عشان اوصل
وكمان لازم الواسطة تكون حد يعرف المحامي العام لنيابات شرق مش اي حد في النيابة وخلاص
نزلت عبد العزيز وروحت للاماكن اللي بتفك شفرتة وتنزلة سوفت وير عشان عليه باسورد
ووريتهم صورتة والعلبة وسيبتلهم رقمي لو ظهر يتصلو وليهم الفين جنية
اللهم رد عليا ضالتي
بص يا كريم انا مش عايز اخليك تيأس بس انا معايا اثنين فى الشغل
الاول مبايله اتسرق من حوالى 4 اشهر وعمل كل حاجة وعمل تتبع ومستنى لحد دلوقتى
والثانى ده مصيبة كبيرة لان المبايل اتسرق منه بعد ما اشتراه بنصف ساعة
وهو بيحلف ان الاستيكر بتاع الشاشة لسه مشالهوش من على الموبايل
وبرده بيقول هعمل محضر وتتبع وانا متابعه كل يوم
وانا بقول ان مفيش فايدة
وده اهم دعاء تدعيه
اللهم أجرني في مصيبتي واخلفني خيرا منها
انا اقولك تعمل ايه
1- تستعوض ربنا فيه وتصدق مع الله
2- تمشي في اجراءات التتبع
3-تنتظر الثواب من الله في الدنيا وان تتحاصم الي الله في الاخره
وده اكسبك كتير تخيل نفسك مستني حسنه
وده ابتلاء من الله والمطلوب انك تصبر
وتقول الحمدلله
انا سألتلك واحد صاحبي والده و ناس قرايبه ضباط....و قلتله علي موضوع التتبع...
قال لي انه اتلغي :( و انه مش هيعرف يعمل حاجه
بس قال لي انه ممكن يكون في تتبع بس من شركه الاتصلات....من فودافون يعني او موبنيل.....
اعتقد حسب الخط اللي فيه دلوقتي
وشوف كده و ابقي طمنا
فداك ياكريم 100 موبايل معلش بس اللى سرقه عمر ماربنا هيباركله أبدا ولا يبارك فى أولاده ده لو كان عنده أولاد
ربنا يعوضك بأحسن منه وبرضه أقولك لعــله خــير