الموضوع: ظلمونى

والله يا دكتور قبل ما اقع فى المحظور واحب كنت بقول للشخص ده اوعى تيجى فى يوم لكن وعدنى و للاسف طارت يا نينه
انا مش زعلان طبعا وانا ما اتعلقتش بحد فى حياتى الا ده
ولو على بنت الحلال ادينا بندور يا دكتور
بس بلاش موضوع التاجيل ده ؟ هى ناقصه 10 سنين كمان مش كفايه الكليه
انا قفلت الحمد لله 24 خلاص و لسه ما عملتش اى حاجه لا شغل ولا ارتباط لسه هستنى 10 سنين ههههه
ربنا يكرم
عاش عاش

فاهم يا دكتور طبعا
او بمعنى تانى الواحد ما عادش ليه خلق يقع فى واحده تقصر عمره زياده
انا دايما بتكلم مع والدتى فى النقطه دى انه خلاص ماعدش عندى استعداد لاى مطب جديد وانه اى بنت ليها طلبات انا مش عايزها من الاول
معلش سؤال بايخ هو حضرتك تخصصك ايه وكم سنه ؟ هههه

يا عم هانت ربنا يعدى السنه دى على خير
النظام واحد فى كل الجامعات و 5 وسادسه احنا بنبدا فى شهر 10 وبنخلص فى شهر واحد يعنى بتعدى السنتين
الموضوع اكتر من 7 سنين ونص
ربنا يكرمك ان شاء الله
انا فعلا فى امتياز لسالى فيه 10 ايام وشهر وكتبنا رغبات التكليف الحمد لله بس لسه شوى
بالنسبه للتخصص
بص يا باشا التخصص حاجه مش مرتبطه بحبك لحاجه معينه
ازاى
حبك لحاجه معينه و تنفيذك ليها متوقف على حاجات كتير واولها تقديرك وترتيبك على الدفعه يعنى لو انت الاول هتختار اكيد التخصص الى بتحبه وطالما فى الجامعه يبقى هتتعلمه صح و هتبقى شاطر فيه
لكن لو مجموعك عادى ومالكش بوست فى الجامعه زيى وده مش عيب
انا يا سيدى كان نفسى اتخصص رمد وبحب الرمد جداا وجراحاته بس لازم اتعلمه وجراحات الرمد صعبه هتقولى خد نايب فيزيتور او مش عارف ايه هقولك انا لسه هضيع 3 او 4 او 5 سنين من عمرى عشان اتعلم حاجه
بحب الجراحه جداا و بجد كتخصص هتحس فيه بقيمتك كدكتور وليهم وضع جامد جداا حاجه تانيه يعنى بس محتاج تتعلمها برضه
انا بحب الاطفال برضه وانا الحمد لله كنت جايب فيها امتيازوباقى مواد الكلينيكال كلها كانت جيدجدا وجيدجدا عالى الى ضيعنى اول 3 سنين و الشرعى والكوميونيتى
فاخرا وبعد سنه الامتياز ما لقيتش غير انسب من الاطفال بالنسبه لى ولظروفى الى انا راسمها لنفسى شغل سهل ومفيهوش مشاكل و بالقرايه ممكن تتعامل ومش هتحتاج حد يعلمك لانه مفيش حد بيعلم حد اصلا
وربنا يكرمك ان شاء الله و لو بتحب تخصص معين ربنا يفتحلك سكك توديك فى الى انت عايزه
معلش طولت عليك

المشاركة الأصلية كتبت بواسطة dr.amr

اطفال
ياسلام الواحد كان داخل سنه خامسه
وبيقول الاطفال حلوين واكيد مادتهم حلوه
القسم بتاع الاطفال كان زي مايكون عايز يكرهنا في الماده بأي طريقه واللي زاد كمان دكاترة الدروس خلوني افقد الامل في اني اتخصص اطفال او اني افكر اتخصص فيها !!!
انا بحب الباطنه جدااااااااااااااااااااااا ااااااااااااااااااااااااا اااااااااااااااااااااا
والحمد لله عالي فيها جدااااااااااااااااااااااا
بس انا دلوقتي واقف في النص ولسه مش عارف مصيري اذا كنت هاخد نيابه ولا لأ
انا ممكن اقبل اي حاجه ماعدا الاطفال واي حاجه اكاديمك
الجراحه بحبها بس للأسف مع اول راوند جالي vaso vagal attack عملي فوبيا من الموضوع ده
في تخصص تاني ممكن تفكر فيه اللي هو الاشعه او التخدير ولا ايه رأيك ؟
طول براحتك ياباشا منكم نستفيد
انا مستمتع بالكلام معاك

والله يا دكتور عمر الدراسه فى الكليه حاجه و الشغل حاجه تانيه يعنى انا كنت عبقرى فى دراسه الجراحه والنسا بس ساعة الشغل ما لقيتش نفسى الجراحه مش هتعلمها ولا هشتغل الى درسته والنسا تخصص مقرف جداا
الاطفال من اصعب المواد الى دخلت امتحان فيها لدرجه انى اجلتها وكنت داخل مش فاكر ولا كلمه تانى مره بس الحمد لله جبت فيها امتياز ابدعت فى الامتحان والكلينيكال
الباطنه تخصص جميل بس عايز واحد دماغه تقيله و بيقرى كتير دوس لو غاوى
بالنسبه للجراحه انت لازم تتعلم ستتشات لازم فى الامتياز انا اتعلمتها و على فكره ما عنديش مشكله او فوبيا من الجراحه ثابت جداا فى اصعب المواقف بس بقرف من ميديا الدم و النزيف والكلام ده وخصوصا اننا فى بلد نظيفه جداا وكمان مسئوليه بس يا بخت الى هيدوس فيها
تحصصات الاشعه والتخدير فكرت فيها تخصصات باشا بس هى حلوه لواحد ما عندوش اى مشكله انه يبقى فاضى اوى او بمعنى تانى 7 سنين من عمرك ضاعوا عشان تبقى دكتور تخدير مثلا مع انه الناس دى بتتطحن وشغلها مش سهل بس هى وجهات نظر
فيه ناس غاويه عيادات و فيه ناس غاويه مستشفيات و فيه ناس غاويه غرف عمليات يعنى على حسب
انا اكتر والله وتحت امرك فى اى حاجه عايز تسال عليها
لانى كنت زيك و اكيد لقيت ناس تتكلم معايا و تفهمنى
وربنا يكرمك يا دكتور