بجد حاجة غريبة مجرد ما استلمت العربية وروحت يدوب اخد الفاتورة بتاعة الحادث الاول عشان اوديها التامين وانا طالع من التوكيل وواخد اليمين الهادي جت عربية نقل من ورا من عند الرفرف الخلفي شمال وكسر عليا العربية لفت بالعرض ونزلت في الجزيرة الحمد لله جزيرة من غير اسمنت ولا حاجة روحت خبطت في وش العربية في نخلة وستر ربنا اني خبطت فيها من اليمين لفت العربية ووقفت مكانها
بجد انا حسيت اني خلاص في الباي باي الحمد لله علي كل حال بس بجد حاجة غريبة جدااااااااا
قدر الله و ما شاء فعل
و ايه اخبار العربية ؟؟
ان شاء الله تكون بسيطة
قدر الله وما شاء فعل والحمد لله إنها جت في العربية ومحصلكش حاجة
ربنا ينجيك و قدر الله وما شاء فعل
لا حول ولا قوه الا بالله
قدر الله وما شاء فعل و قول الحمد لله
قدر الله ماشاء فعل
قدر الله ماشاء فعل ولا تحزن
قدر الله وما شاء فعل ومتزعلش نفسك لان دة نصيبك
و الحمد لله انها جت على اد كدة
قدر اللة وما شاء فعل
ربنا يعوض عليك
لو اطلعتم علي الغيب لاخترتم الواقع
قدر الله وما شاء فعل
ميرسي ياجماعة ليكم وشكرا لمواساتكم ليا بس بجد الواحد نفسيا تعب جدا
وبتوع النقل دول ربنا بجد يسامحهم ده الراجل شافني قدامه والعربية بتلف ولا فكر حتي يوقف العربية الراجل طار
طبعا انا نقلت العربية علي كساحة علي توكيل العامرية الكساحة لوحدها من عند صينية مطار برج العرب لحد التوكيل ( ما يعملوش 25 كيلو ) قالك 300 جنيه بالخناق لا والواد السواق عاوز اكرامية يعني واحد عامل حادثة يقوله عاوز اكرامية بجد ثقافة غريبة
تاني يوم بقي قولت اعمل محضر روحت قسم اول العامرية وحكيت له فعلا علي اللي جري قالي لا الحادثة تبع قسم تاني ياعم يهديك ياعم يرضيك مفيش
روحنا قسم تاني الظابط قالي هاتها هنا قولت له العربية ما بتتحركش وهي في التوكيل قالي مينفعش لازم اعاين علي الطريق او تجيبها هنا
قولت له احنا ممكن ناخد حد معانا بعربية واحد صاحبي ونجيبه تاني قالي ربنا هو اللي بياخد يا استاذ مش هطلع حد يعاين في التوكيل !!!
من هنا لهنا ماشيين كده قابلنا راجل اللي هو بموتوسيكل ده قولنا له
قالنا انا لازم عشان ابلغ ان في حادثة لازم تبقي العربية علي الطريق
الحمد لله ربنا الهمني قولت حاجة بسيطة خالص احنا نطلع العربية من التوكيل نحطها كده علي الطريق ونبلغ ان الحادثة لسه حاصلة النهارده قال ماشي طلعوها وتعالي بلغني بس طلعناها علي اول الطريق والراجل جه وبلغ العمليات علي ان الحادثة حاصلة قدامه وبعتوا امين شرطة من القسم اول برضه عاين وهي مكانها زقيناها جوه التوكيل تاني ( بجد بلدنا تموت في اللي يشتغلها ) لا ولقينا واحد من قسم عامرية تاني برضه جاي يعاين الحادثة فراح قالي تحت امرك بقي في ساعتها بدل الامين اتنين مشينا بتاع قسم تاني ( طبعا اخد له حاجة برضه ) وبتاع قسم اول اللي عمل المعاينة اخد له حاجة برضه
الحمد لله التلفيات في تقدري الخبطة اللي في رفرف شمال ورا
رفرف يمين هيتغير غالبا الكبوت برضه اتعوج من اليمين ممكن يقولك يغيروه اكصدام امامي بالشبورة كارتير رفرف يمين الجير بوكس قافش معرفش ليه بس العربية بتدور الموتور سليم التكييف سليم مواسير وكومبريسور وحتي الريدياتير سليم العفشة معرفش فيها ايه
ومستني بقي المقايسة
ربنا يبعد عنكم شر الطريق والنقل لان دي عالم مش بترحم والكساحات كمان والشرطةةةةةة ( دول سبب عقدتي المرة دي )
الف سلامة عليك
و حمد لله على سلامتك
قدر الله و ما شاء فعل ...قل لن يصيبنا الا ما كتبه الله لنا
ان شاء الله العربية تتصلح و ترجع زى الفل و ربنا يزل عنك الهم ... و ترجع تخرج و تتفسح بيها و تتمتع ... يا رب
قدر الله وما شاء فعل
ماتزعلش نفسك
بس انت اخبار سوقتك ايه
اصل حرام تكون بتتعلم في عربيه جديده
قدر الله و ما شاء فعل
أنا عاوز أقولك حاجة , أنا حاسس بيك وبحالة الحزن اللى جواك بسبب الحادث , لكن لازم تحط فى بالك ان أهم حاجة هى البنى ادم أما العربية فهى شوية حديد راكبين على بعض حتى الفيرارى والامبورجينى فهى حديد برضة.
حمد لله على سلامتك وقدر الله وماشاء فعل.
لا انا كان معايا عربيتين قبل دي اصلا وانا من النوع اللي كل حاجة بالاشارات والكلاكسات كمان ده بتاع النقل هو اللي جابني من اخر عربيتي من ورا مش انا خابط حد قدامياقتباس:
المشاركة الأصلية كتبت بواسطة aelhossan
بس الحمد لله
وميرسي ليكم كتير وربنا ما يحط حد في الموقف ده ابدا
قدر الله و ما شاء فعل و الحمد لله انك سليم
اما بالنسبة لبتوع الشرطة و الكساحة و النقل فانا مش لاقي تعليق لائق اقوله بجد حسبي الله و نعم الوكيل و ابقى طمنا عليك
فداك مليون عربية المهم انته تمام وخلاص ، العربية تتعوض بس الروح مش بتتعوض
قدر الله و ما شاء فعل فداك مليون عربية
الف حمدالله علي سلامتك
قدر الله وما شاء فعل المهم سلامتك وإن شاء الله العربية ترجع زى الأول
الموضوع ده كان حيحصل معايا بس مع عربية كيا
بس الحمد لله عرفت الحق نفسى
و ساعتها روحت مسقط غيار و شديت معاه و قعد الغيه بلغة الكلاكسات
حمد لله على سلامتك ومتزعلش وانشاء الله هترجع احسن من الأول
الف حمد لله علي سلامتك يا ابو اسكندر . هي دي مصر .. كل حاجة فيها ماشية بالمقلوب .. اكتر من الحانوتي وهو بيدفن الميت و اهله حالتهم تصعب علي الكافر و تلاقيه مادد ايده مش عارف عايز ايه !!!! الله يعوض عليك و ترجع زي الأول ان شاء الله .
قدر الله وما شاء فعل والحمد لله أنك بخير
ميرسي ليكم ياجماعة وربنا يخليكم دايما بقلوبكم ومواساتكم لينا
وصدقوني شعوركم ده بيخفف علي الواحد وربنا يحميكم
ربنا يلهمك الصبر لان فعلا حاجة تزعل كتير - لكن ربنا يعنيك و ان شاء الله ترجع احسن من الاول
و فعلا سواقين النقل دول عايزين رقابة شديدة خاصة بيهم لاني مجربهم -كنت من اسبوعين راجع من طريق المكس قبل سي جل و انت رايح علي محور التعمير و ماسك شمال و فاتح و فيه امامي عربية نقل عملاقة و انا بتخطاه بعد ما قلبتله و اديته كلاكسين بالرغم من انه طريقي و انا في منتصف عربيته لقيته بيكسر علي بشدة و بسرعة و انا جانبي الجزيرة الوسطي و هو و لا في دماغه - الحمد ربنا الهمني دوست علي البنزين بأقصي ما عندي حتي اهرب منه و الحمد لله لو اتأخرت ثانية كان لطش علي الاقل الشنطة بتاعتي و لكنه ستر ربنا - المهم جالي احساس ان الراجل ده كان حيقتلني انا و عيالي - قمت شديت فرامل اليد مع دواسة الفرامل و عرضت العربية امامه بالرغم من انني اضع اعصابي دائما في ديب فريزر و انا سايق - و شديت الصاعق من التابلوه و نزلتله لكن لقيته هو نازل و طبعا من ارتفاع 2 متر علي الاقل و ينحني امامي و يقسم بالله انه لم يراني و فوجئ بي و انه كان بيفادي حفرة عميقة علي يمينه بدون ما ينظر شماله و كرر اعتذاره الشديد فبصراحة امتص غضبي الشديد و الحمد لله عدت علي خير
فعشان كده انا حاسس بيك جدا و ربنا يعينك مرة تانية و انا تحت امرك في اي مساعدة
محمد فهمي
يمكن عندك مشكلة فى التركيز اثناء القياده حاول تشوف دكتور انف واذن وتشوف قدرتك على التركيز فى ظروف القياده لان طرق مصر محتاجه تركيز عالى مع الشارع وقائدين الشاحنات والمركبات وحمد لله على السلامه
قدر الله و ما شاء فعل
الحمد لله انك سليم و ربنا يعوض عليك ان شاء الله
انا متشكر طبعا لحضرتك بس مع احترامي ليك تعليقك فيه شوية استفزاز بس علي العموم شكرا ليكاقتباس:
المشاركة الأصلية كتبت بواسطة highway
متشكر جدا لشعورك وربنا يسلمك من كل سوءاقتباس:
المشاركة الأصلية كتبت بواسطة borgelharm
اقتباس:
المشاركة الأصلية كتبت بواسطة georgedada82
المهم انك بالف صحه والحمدلله
في داهيه مليون عربيه
االحمد لله انك بخير
قدر الله ماشاء فعل ولا تحزن
قدر الله و ما شاء فعل
انا اسف بس مش قصدى اى استفزاز وحمد لله على السلامه:satelite:اقتباس:
المشاركة الأصلية كتبت بواسطة georgedada82
الحمد لله انك بخير ودا الاهم