اي مشوار اكتر من 200 متر
عرض للطباعة
اي مشوار اكتر من 200 متر
بعمل بها مشاوير للبيت و مشاوير بتعتى و بخرج بيها مع اصحابى
مشوار الشغل
مشاوير الاسره
مشوار يزيد عن حوالى 20 كم
غير كده لو انا من غير الاسره ومش شايل حاجات وفيه مترو طبعا اركب المترو
او اركب ميكروباص
وبفرح جدا لانى مش هادور على ركنه واريح اعصابى
دا انا تقريبا كده عكس كل الناس
انا مثلا لما بنزل الصبح اروح التدريب مش بروح بالعربية خالص وناوي لما اشتغل برضه نفس النظام
يعني بركب المكيف من قدام البيت بنزلعلي الباب وانا راجع نفس الحكاية
وناوي لما اشتغل يبقي نفس النظام ان شاء الله إن توفر
وبجد انا شايف كده احسن بكتير
ازاي ؟؟
اقولك
اولا انا بركب المكيف من قريب من البيت يعني مش بتعب , بركب بقعد ببقي بعيد كل البعد عن شدة الاعصاب السواقة والزحمة بالعكس
ببقي واخد معايا mp4 اسمع فيه بالسماعات في وداني ( مش بشغله كده لكله لاني بصراحة بتغاظ من اي حد يشغل موبايله الصيني او حتي لو كان ايه ويسمعنا معاه )
لانه كده بيحجر علي حرية الاخرين بس بغض النظر عن دا دلوقتي
او باخد معايا كتاب اقعد اقرا فيه
او اقل حاجة قاعد اعصابي هادية ومرتاح
بوصل مش ببقي قرفان من الطريق ولا بشتم بالعكس ببقي في مود حلو واعرف اقضي يومي حلو
ونفس الحكاية وانا راجع البيت
ارجع في مود حلو
ثانيا كمان هي فكرة ان انا لما انزل بعربيتي وكل واحد ينزول بعربيته وراكب فيها لوحدي بيتهيألي دا من اسباب الزحمة اوي يعني كل واحد في عربية لوحدة
يعني كده المكيف موفر مكان حوالي 70 عربية و الناس فيهقاعدة مرتاحة
ثالثا علي فكرة بالاضافة لكل الي فات هو اوفر ودي بقيت نقطة مهمة اوي اليومين دول
لما ارجع البيت بقي ولو حبيت انزل اتمشي او اخرج سواء لوحدي او معاي حد من الاسرة او حد من اصحابي
الاغلب بيبقي بالعربية
وكمان لو حبيت اتمشي لوحدي
او اروح اتمشي علي النيل اكيد مشهلاقي مواصلات تستناني لحد 3 بليل وكمان عارف اتحرك براحتي وجوه عربيتي
باستخدمها لمشاوير الكلية و المشاوير العائلية...حوار اللف دة طبعا مينفعش في مصر..دة انا لما بصدق اوصل المكان اللي انا عاوزه ..دة انا ساعات بزهق مالسواقة و بركب الاتوبيس بتاع الرحاب !!
العربيه عاملها للمشاوير المهمه فقط
لا خروج و لا شغل و لا يحزنون
بلف بالعربية لما بكون مضايق ,وبروح بيها الشغل وبخرج مع اصحابى
حسب مزاجي ..ممكن أكون خارج واسيبها..وساعات أكون رايح آخر الشارع اخدها
مع الضغوط ,,, السير بالعربية بدون هدف هو الحل