الأخوه الأعضاء في المنتدى
بصراحة هذا المنتدى أكثر من رائع لما لاحظته من التعاون المتبادل من أعضاء المنتدى المحترم
وأرجو أن تفيدوني بالآتي :
1- ماهي الإحتياطات اللازم عملها حتى لانتعرض للنصب عند شراء سياره مستعمله، وماهي الأوراق التي يلزم المشتري للتحقق من أن السياره المعروضه للبيع خاصه بالبائع؟
2- وماهي الإجراءات والآوراق اللازمه لشراء سياره مستعمله؟
يرجى سرعة الرد
وأشكركم جزيل الشكر
انا مش خبير قوي بس خد في بالك التالي:
1- اتأكد من ان العربيه بأسم الراجل اللي بيبيعلك, و لو فيها توكيل يبقي توكيل واحد بس لا غير
2-ممكن تروح المرور معاه و تطلب شهاده بيانات
3- شهاده مخالفات حديثه (ميكونش مر عليها اكتر من اسبوع)
4- فلوس العربيه متدفعش جزء كبير منها في الاول الا و العربيه مركونه تحت البيت عندك (و توصي البواب عليها كويس)
5- لما جيت اشتري عربيتي سيبت الف جنيه عربون و كتبنا عقد ابتدائي
6-تاني يوم بعد ما رحت التوكيل اكشف عليها طلعنا برضو سوا المرور جبنا شهاده المخالفات
7-تالت يوم طلعنا الشهر العقاري و دفعتله باقي الفلوس و سجلنا العربيه بأسمي
8- شوف حد من معارفك او اصحابك خبره ينزل معاك و متنساش الكشف علي العربيه, و بلاش تروح لوحدك لأن المشتري في المواقف دي بيبقي لقطه لأي حد لأنه بيكون مخنوق و عايز يخلص و خلاص
ربنا معاك
التأني والدقة فى الإختيار
اتاكد من صحة التوكيل فى الشهر العقارى اللى طالع منه
او تروح تعمل عقدك فى نفس الشهر العقارى
الرخصةباسم البائع ومعليهاش حظر بيع
من الكمبيوتر فى المرور او الملف
الكشف الفنى طبعا
حاجه واحده مهمه ومالهاش تاني
لا تشتري سياره بها توكيلات حتي لو توكيل واحد
والله ياجماعه أنا مش عارف أشكركم إزاي ربنا يبارك فيكم على المعلومات دي
ابعد عن التوكيلات .. المستعمل كتير واختيارات كتير اوي ... استخير ربنا .. واي عربية مستعمله ...ارفعها في الوكيل بتاعها واكشف على حالتها .. وخد معاك حد بيفهم اوي في العربيات ويستحسن ميكانيكي شاطر .. اما عن الاوراق .. زي ما صديقنا الاستاذ امير قالك .. توكل على الله .. بس مش تقولنا ناوي على عربية ايه الاول؟؟.. عشان نفيدك برده
شوفت عربيه جيب شروكي 1993 ، وخليت إتنين ميكانيكيه يشوفوها وقالوا إن العربيه حالتها كويسه ونظيفه ، والموتور نظيف ، هيه فيها عيوب بسيطه زي شوية سمكره ودوكو في الباب ممكن تتصلح ومش هتأثر على أداء العربيه
العربيه موديل 1992، 4 سلندر، ومغير لها شوية حاجات من فتره صغيره زي البطاريه والسير
رحت النهارده معاه علشان وطلعنا شهادة بالمخلفات وروحنا نعمل توكيل بالبيع بس الموظفه قالت لازم شهادة بيانات من المرور وروحنا وإتأخرنا على الخزنة كانت قفلت الساعه 1 الظهر، فعملنا عقد بيع إبتدائي بيني وبين البائع وإديته المبلغ ناقص 3000 جنيه هأديهم له عند عمل التوكيل في الشهرالعقاري وخدت منه العربيه
العربيه بصراحه شكلها نظيف وأطمأنيت من كلام الميكانيكيه كانوا بيشكروا فيها قوي
المهم بكره عيد الشرطه علشان كده الموظفين واخدين أجازه - علشان كده البائع هيروح يوم الثلاثاء وهيعملي التوكيل بإذن الله
بس فيه سؤال لو حد يعرف الإجابه عليه
طب ليه بدل مايعمل لي توكيل مهو أحسن على طول يعملي بيع وشراء في الحاله دي إيه لزمته التوكيل وأسجل على طول في الشهر العقاري؟
أضيف:اقتباس:
المشاركة الأصلية كتبت بواسطة amir
يستحسن تغيير مفاتيح العربيه لوالموديل بتاعها مفاتبحه مش مشفره
أولا الف مبروكاقتباس:
المشاركة الأصلية كتبت بواسطة elgawy10
وبالنسبه انه عايز يعملك توكيل علشان تسجل العربيه براحتك يعني ممكن تمشي بالرخصه لحد ما تنتهي وبعدها تجدد بأسمك
لكن لو عملك بيع وشراء علي طول يبقي حضرتك لازم تسجل وترخص العربيه بأسمك
اقتباس:
المشاركة الأصلية كتبت بواسطة elgawy10
ببساطة تاخد صورة من رخصة العربية وتروح تسال عليها فى المرور