اقتباس:
المشاركة الأصلية كتبت بواسطة د.محمود صلاح
شكرا لكم على المعلومات واللنك
سؤال هل يمكن تعديل السياراات اللى بدركسيون يمين ليصبح شمال ؟
بيتهيئلي لأ
لأن الموضوع هايبقى عبارة عن تغيير في العفشة (الإسكاترا) وتغيير التابلوه بالكامل ونيجي بقى للمهم تغيير دواسات البنزين والفرامل والدبرياج لو مانوال هايحتاج تغيير مكان سيرفو الفرامل بداخل الكبوت وده شبه مستحيل وكمان الفتيس ماعرفش بقى هايحتاج يتغير ولا هايتعمله تعديل ... غير طبعا نظام الكهرباء بالكامل وباب السائق ... طبعا غير الحاجات الصغيرة الكتير اللى أنا مش فاكرها أو مش عارفها أو ممكن تطلع أثناء الشغل
أعتقد كده يبقى أرخص تجيب عربية جديدة أحسن
اقتباس:
المشاركة الأصلية كتبت بواسطة eng.mina
واللي بيسوق يمين في الطرق بتاعتنا وعايز يعدي من عربية حايعمل ايه؟؟
يقعد واحد جنبه علي الشمال ويقوله اذا كان المقابل فاضي ولا لا علشان يعرف يعدي ؟؟؟
أعتقد إن الموضوع عبارة عن إعتياد فقط ليس إلا .. يعني لو ركبتها هية شوية وتلاقي نفسك إتعودت عليها ... هية عيبها بجد إن ردود الفعل هاتبقى بطيئة جدا أثناء القيادة لغاية ماتتعود عليها بشكل كامل