ولو كان ممكن ,هل فيه منها اي مشاكل .ارجو النصح:Zb_sor1[1]:
ولو كان ممكن ,هل فيه منها اي مشاكل .ارجو النصح:Zb_sor1[1]:
يجوز في حاله واحدة فقط لو نص في التوكيل على ذلك
يعني مثلا يحق لفلان الفلاني بيع السيارة لنفسه وللغير وحق الأدارة (تجديد الترخيص)
أنما طبعا كل اللي بيبع سيارته يكتفي فقط بكتابه (بيع السيارة لنفسه وللغير )
طيب لو مكتوب والتعامل مع المرور
دهى عادي صح ؟
يعني ينفع اجدد بيه ؟
لا ماينفعش تجدد الرخصة بالتوكيل الثاني لازم يكون المالك او التوكيل الاول او زي ما بيقولو من وش الرخصة
انا مكتوب عندى فى التوكيلين(حق البيع لنفسه او للغير وتوكيل الغير والتعامل مع المرور)فهل كده مش هايعصلجوا معايا.لانى بصراحه مستخسر ادفع 850 جنيه نقل ملكيه وانا ممكن اسافر قريبا ولو سافرت هابيعها.
التعامل مع المرور يعني تدفع مخافات تستخرج شهادة بيانات لكن مينفعش اصلاً تجدد الرخصة باسم حد تاني بدون ما تسجل في الشهر العقاري وتسلم لهم العقد في المرور.
انت لو جددت الرخصة باسم حد تاني تبقى العربية مش بتاعتك وممكن يروح هو يبيعها تاني لو جددت الرخصة باسمة بتريخ بعد تاريخ تحرير التوكيل!
اسمحلي اختلف معاك
الكلام اللي حضرتك كاتبه (مخالفات وشهادة بيانات) تقدر تعمله في التوكيل بالبيع فقط
لكن لو مكتوب التعامل مع المرور يبقى تقدر تجدد الرخصه كمان
وهي دي على فكره النقطة اللي بيلعب عليها التجار ويقولك وانت في الشهر العقاري ضيف كمان كلمة التعامل مع المرور عشان يقدر يجدد باسمك بالتوكيل وانت متبقاش فاهم
لكن في حاله وجود اكتر من توكيل دي بصراحه مقدرش افتي فيها
مهو الكلام دة لو بيتعمل مخالف للقانون
لان المسؤول عن السيارة هو مالك السيارة أو من يمتلك توكيل الإدارة وذلك للتمكن من استدعاء أي منهما إذا وقعت حادثة من أي نوع، وبالتالي لا يجوز ترخيص السيارة لغير مالكها.
بالاضافة ان بكدة المالك الأصلي يقدر يبيع العربية تاني ويطلع شهادة بيانات ومخالفات وبدل فاقد للرخصة.
كلمة السر :- الواسطة والفلوس
لأ مينفعش يجدد الا لو ذكرت صراحة كلمة التجديد و الترخيص في التوكيل اما كلمة التعامل مع المرور فكما قال نادر لمجرد استخراج شهادة بيانات او مخالفات او استلام الرخصة لو كانت اتسحبت في لجنة مثلا.. و ده بيسموه توكيل مقفول
هذا هو الشق القانونى .
و لكن جرى العرف انه عند وجود توكيل واحد فقط و مع وجود ورقة بـ 100 جنيه للموظف المسئول يستطيع صاحب اول توكيل التجديد مرة اخرى بأسم المالك القديم ..حتى لو كان مكتوب كلمة التعامل مع المرور . و لكن بطريقة فيد و استفيد
و لكن لو مكتوب في التوكيل التجديد و الترخيص هيرخصها غصبن عنه !!
اما في حالة وجود توكيل ثاني اللى هوا سؤال صاحب الموضوع فطبعا مينفعش و لو نفع بالفلوس , فهتبقى ريسك جامد على الموظف و حالة صارخة .
و خاصة لو عرف صاحب السيارة الاصلى ان العربية ما زالت بأسمه , و هيكتشفها طبعا لو كان مرخص عربية تانية في نفس الوحدة و لقى نفسه بيدفع ضريبة ترفيه اللى وصلت دلوقتى الى 120 جنيه فساعتها هيطلع التوكيل اللى باع بيه لاول شخص و يروح يشتكى لضابط مباحث مرور الوحدة , اللى ممكن ساعتها يخير الموظف المرتشي , بين الفصل او رفع قضية تزوير ضده ... و لو الموظف كان عنده كوسة ممكن يتنقل و يروح اعمال ادارية .
اما جزئية ان المالك القديم يروح يبيع العربية مرة تانية لانها اتجددت باسمه فبرضوا مينفعش .. لان فيه عقد ابتدائى و فيه توكيل بالبيع و فيه كمان حيازة .و التوكيل لا يلغى الا بأتفاق الطرفين ..
و الحالة الوحيدة لكي يلغى و ينتهى هو وفاة احد الاطراف ..
و لذا من الافضل عند الشراء و اقتناء السيارة لفترة طويلة عمل عقد مسجل فورا عند الشراء او على اقصى تقدير بعد انتهاء المدة المتبقية في الرخصة ..