الاخوه الاعزاء
ارجو من خبراء المنتدى توضيح
ما معنى كلمه عفشة السيارة و مم تتكون و يا ريت لو فيه رسومات توضيحيه بسيطه
سؤال انا عارف انه مبتدئ اوى
بس العلم علم:d
جزاكم الله خيرا
عرض للطباعة
الاخوه الاعزاء
ارجو من خبراء المنتدى توضيح
ما معنى كلمه عفشة السيارة و مم تتكون و يا ريت لو فيه رسومات توضيحيه بسيطه
سؤال انا عارف انه مبتدئ اوى
بس العلم علم:d
جزاكم الله خيرا
بص يا سيدي .. العفشه مصطلح عام شويه ..المقصود بيه :
http://ee1394.com/bmw/docs/factory/r...mages/0500.jpg
http://ee1394.com/bmw/docs/factory/r...mages/0618.jpg
كل اللي انت شايفه في الصوره كده .. بس غالباً المقصود بيها بيبقي مساعدين و يايات
العفشة تتكون من علبة الدريكسيون والمساعدين والسوست وجلب المقص والمقص.. والكبالن بالرغم ان بعض الناس تعتبرها ميكانيكا مش عفشة .والصورتين موضحيين العفشة فى العجل الامامى والعجل الخلفى
ياريت ياجماعه الوضوع يوسع اكتر...ويكون فيه شرح وافي
وجزاكم الله خيرا
بس كده ؟ عنيا يا حج ....
العفشه مصطلح عام شامل كل الاجزاء الميكانيكه المرتبطه بحركه العربيه غير الموتور .. و الاجزاء دي اللي هيا انت شايفها في الصوره اللي فوق ...
اما بالنسبه للمصطلحات فالمقصود بيها هوه المساعدين و اليايات .. و دي المسؤله عن "الحركه" في المطبات .. و بناء عليها بتحمل حموله معينه في العربيه .. و هيا اللي بتحدد ارتفاع العربيه .. فبتلاقي في العربيات الاسبور العربيه بتبقي واطيه .. باتكلم عن نفس الموديل بس الاسبورت بتاعه .. زي البي ام الفئه التالته .. و الام 3 كده ..
و مقصود بيها برضه المقصات و الجوينتز (طقم البيض) .. و الجلد و الكلام ده ..و دي المسؤله عن الزوايا ..
يدخل قسم تاني في العفشه .. و هوه الفرامل .. دي بقي الاجزاء الاساسيه اللي فيها هيا الطنبوره (الروتور) .. و اجهزه الفرامل (الكاليبر) .. و التيل طبعأ ..
يدخل فيها برضه علبه الدريكيون .. و ي المسؤله انك لو لفيت يمين تلف العربيه يمين و العكس صحيح ..
المهم بقي .. كل ده مش راكب في الهوا .. كل ده راكب بنظام من اتنين .. اما نظام ركبتين .. و دي زي اللي في الصوره كده .. عباره عن ان المساعد راكب جوه فارغه .. الفارغه دي فيها مكان للمساعد من جوه .. و من بره فيه مكان للياي يركب .. اللي ماسكهم من فوق بقي البطاحات .ز و دي المكان اللي العفشه بتركب فيها في العربيه ....
بيركب من تحت في الفارغه بقي سره .. راكبه علي بلي .. راكب علي السره الطنبوره .. و عليها جهاز الفرامل ...
الركب دي بقي ماسكه بالمقصات في القنطره اللي بالعرض دي .. بيبقي فيه في النص جلد ..
و راكب في القنطره دي علبه الدريكسيون .. و ماسكه في الركب عن طريق طقم بيض ...
ورا بقي بيبقي قنطرن ثابته برضه .. راكب فيها مقصات بتتحرك فوق و تحت .. و راكب في المقصات سرر.. و راكب علي السره طنبوره .. و عليها جهاز فرامل .. .. و في الجر الخلفي بيبقي راكب في الناحيه التانيه راس الكبلن .. لو جر امامي بيبقي راكب في السره اللي قدام ..
طبعاُ ماننساش الجلد و المسامير و الصواميل ...
ده نظام واحد من كذا نظام في العفشه ..عندك بقي نظام المقصين فوق بعض قدام .. و عندك الدفرنسيل الثابت ورا .. و عد بقي زي ما انت عاوز (الله يسامحك يا شيخ :d )
شكرا على الصور والشرح
شكرا يا رجالتنا بجد شرح أكثر من وافى
جزاكم الله كل خير
العفو يا حج .. و لو عاوز شرح لحاجه معينه حددها و نشرحالك علي قد ما نقدر
الشرح 100 100 بس انا تهت منك