انا الان راكب عربية مرسيدس بس قديمة شوية فاعوز اغيرها واجيب عرية جديدة فى حدود 115000 انتم اية رايكم اركب النترا ولا اجيب لانسر الشكل القديم ولا اجيب نيسان:confused::confused: انا محتار اوى
عرض للطباعة
انا الان راكب عربية مرسيدس بس قديمة شوية فاعوز اغيرها واجيب عرية جديدة فى حدود 115000 انتم اية رايكم اركب النترا ولا اجيب لانسر الشكل القديم ولا اجيب نيسان:confused::confused: انا محتار اوى
انا عاوز عربية شكل و اداء و اتزان على السرعات العالية و موفرة فى البنزين و تكون صالون وشنطة وسعين و قطع غيار متوفرة و معقولة فى السعر و توكيلها يكون محترم...و معلش ياجماعة انا طولت عليكم سمحونى
هأقول لحضرتك إقتراح عشان متبعدش عن العيلة الألماني ،، و تتمتع بالثبات و الأداء و الإتزان
سيات كوردوبا 1400 CC ب 106 أو 104 الف تقريبا الأتوماتيك ،، و 1400CC يعني هتكون موفرة في البنزين
هيا عبارة عن إبيزا سيدان ،، عربية تحفة و شكلها جامد جدا ،و كمالياتها كتير، بس يعيبها غلو قطع الغيار و الإنتشار الضعيف ،، توكيلها توكيل بورش و مرسيدس و سانج يونج يعني توكيل خمس نجوم ممكن تتفرج عليها في التوكيل في شارع رمسيس
اتفرج عليها في اللينك ده
http://www.seat.com/com/generator/su...site/main.html
لكن لو ما بين الحاجات اللي حضرتك ذاكرها يبقي الإلنترا ،، أكيد
بالرغم ان ما ساقوله الآن لا يتفق مع رأييى الشخصى لكنه نوع من التحليل الموضوعى لهذة الظاهرة:
1- الإلانترا تصنف من وجهة نظر الحجم ضمن الفئة الأعلى من الكورولا واللانسر وهذا طبقا للتوصيف القياسى الأمريكى، وبالفعل هى اكبر حجما
2-الإلانترا ذات محرك مزود بتكنولوجيا Vvt والتى لاتزال اللانسر من الموديل الحالى غير مزودة بها
3-الإلانترا شكل لا يزال طازج ،يعنى اللى بيشترى النهارده هايفضل 4 سنوات مش مكسور عليه شكل و4 سنوات اخرى عربيتة تجيب سعر كويس فى المستعمل باعتبارها مسكور عليها شكل واحد، فى حين ان اللانسر آخر سنة لها السنة دى والشكل الجديد اتعرض عالميا بالفعل ومسألة ظهوره هى مسألة وقت ليس بالكثير، يعنى اللى هايشترى لانسر النهاردة بعد سنة هابيقى راكب شكل قديم و بعد خمس سنوات هايكون مكسور عليه شكلين، يعنى زى البطة حاليا
4- يوجد الكثيرين لا يزالون يخافون من اليابانى باعتبار ان قطع غياره غالية ويعتبرون الهيونداى هو الحل الآمن بالنسبة لقطع الغيار
5-الإلانترا حاليا تعتبر تقليعة، يعنى كل اللى عايز يبقى راكب حته من على الحبل بيدور على الإلانترا، فى حين ان اللانسر تحولت بفعل تقادم الموديل والإنتشار الرهيب الى سيارة أكل عيش يبحث عنها من يبحث عن الاداء وليس التميز(تخيل ان فيه عربيتين واقفين جنب بعض فى الإشارة النهاردة، لانسر وإلانترا وشوف الناس هاتبص على مين فيهم، أظن سؤال فى مستوى الطالب المتوسط وإجابته سهلة... :)
انا شخصيا لو بصدد الإختيار هاتكون اللنسر بدون ادنى تردد لأن إعتبارات الأداء والعمر الإفتراضى لها عندى المكانة الأولى قبل إعتبارات الشكل والموضة لكن بما ان هذا ليس رأى كل الناس تجد الإلانترا من يتهافتون عليها، ليس معنى ذلك انها سيئة فهى بشهادة المواقع العالمية سيارة اكثر من جيدة، لكن فى النهاية البابانيون يسبقون الكوريون بعشرين سنة خبرة فى مجال السيارات وهذة الخبرة لها ثمنها طبعا والفرق لازال حتى الآن يظهر بسرعة بعد عدة سنوات من الإستعمال(مثال سهل: تويوتا كورولا 92، لانسر بطة 94، هوندا سيفيك 94، هيونداى إكسيل 96 ،هيونداى أكسنت 98، لو تخيلت انك سترى هذة السيارات فى إشارة المرور القادمة ، اى منها تتوقع ان حالته افضل من الأخرى ، رتب السيارات من الأفضل الى الأسوأ، سؤال آخر سهل فى مستوى الطالب المتوسط)
سبعاوى
هذا من اراء سبعاوى احضرته اليك من موقع كونتاكت القديم اتمنى ان يساعدك فى الاختيار و الله الموفق
نفض للالنترا خالص عشان الجديده مش حلوه أوى صاجها تعبان و ثباتها مش أوى الشكل القديم كان أحسن صاجا و ثباتا.هات لانسر جامده جدا او صنى الشكل الجديد مش اللى متجمعه في مصر 2008 شكل جديد و قليل في مصر بس موجود
ناس كثيرر قالولى ان الثبات بتعها مش حلو وان الشكل اللى قبله كان ثباته أحسن و بصراحه انا شوف كثير منها مضمر تماما في الحرفيين و ملاكى مش استيراد يعنى بتدبهدل خالص
مرسيدس يعني الماني يعني جامد
رايي بعد المرسيدس تركب يا لانسر يا نيسان وراي شخصي النيسان
اما الانترا بتهيقلي سعرها مبالغ فيها
الف شكر لكل من رد علية وانتظر المزيد من الاراء