ياريت حد يصورها ويقولنا سعرها كام فى المعرض
عرض للطباعة
ياريت حد يصورها ويقولنا سعرها كام فى المعرض
انا شوفت النيو اكسنت الشكل الجديد فى المعرض النهاردة وكان شكلها احلى من القديم بمراحل
التعديلات : شلمت تغير الشكل من قدام شوية وتغيير الفوانيس وفوجات مدورة شكلها حلو مع تركيب عتب من الاجناب
ده غير ان الاشارات بقة فى المرايات وكمان من الخلف شكلها اتغير
هى العربية بصراحة بقا شكلها احلى ولما سالت ايه الفرق بينها وبين الشكل التانى القديم قالولى الشكل بس
سالت على العفشة والماتور قالولى هى هى بالظبططططططط فرق الشكل فقط
والسعر 87 الف طيب مش حرام والنبى
لو كانو زودوا وسائل امان للسائق مثلا من اير باجز وفرامل abs بالملبغ ده وكان خلو الشكل القديم مش كان احسن , او وسائل امان مع الشكل الجديد مش كان حيكون روعة
انا مش عارف غبور بيحب يعند مع الناس ليه ويضايق فيهم , يعنى زود 4000 عشان شكل بس , طيب خاليهم 5000 وزد شكل ووسائل امان وايرباجز مثلا زى النيسان صنى ما عملت قبل كدا لما كانت عربتها من غير وسائل امان وراحوا زودوا وسائل امان وغلو السعر 3000 بس بقة تستاهل , فياريت تفكروا صح , مش تفكروا تكسبوا بجشع , والله حرام عليكم , احنا غلابةحسوا بينا شوية
بصراحة لو كان عمل كدا وخالى سعرها وصل الى 88 الف مثلا كانت عملت شغل رهيب بجد
بس نقول ايه للجشع بتعهم
وتقريبا لمحت فى الاكصدام الخلفى سينسور باركن بس مش فاكر هل فيها ولالا لان الواحد شاف عربيات كتيرة هناك فى المعرض ودماغه ضربت , وبعدين لو كان فيها مش عارف هل هو خارم مكان ومجهز بس مجرد تجهيز ولا فيها فعلا
بصراحة كنت بسحب الكلام من مندوبي المبيعات اللى واقفين بالعافية حاسس انهم مش فاهمين ولا عارفين حاجة
يعنى من الاخر التغيرات
(شكل فوانيس امامى مختلف -الاشارات فى المرايات - فوجات امامية وشكلها مدور وكبيرة- اعتاب جانبية- الشكل من الامام مختلف عن الموديلات القديمة- الشكل من الخلف تحت الاكصدام مختلف شوية عن الشكل القديم - حسسات ركن بس مش متاكد بس اعتقد انه فيها- ولون العدادات ابيض والكاسيت ازرق ) فقططططططط لاغير
لكن وسائل امان او عفشة رياضية وتغير فى الماتور لايوجد , والسعر 87 الف والله حرامممممممممممممم
صورة الاكسنت الجديدة اللى نزلها غبور فى مصر وشوفتها فى معرض الاهرام موجودة فى الموضوع ده
http://www.nilemotors.net/Nile/113695-2010.html
ولكن الماتور العربية والعفشة والصالون من جوة هو هو هو العربية النيو اكسنت الموديل القديم اللى كان بينزل قبله
وعلى فكرة هى حلوة على الطبيعة احلى من الصور ميت مرة ولكن غبور موت فرحتى بيها زى ما قولتكم
يا جماعه شورو عليه دا انا كنت ناوى اجيبها كمان كام يوم اكسنت 2010 اجيبها ولا اجيب الشكل الجديد وسعره كام مانيوال
انا مش سالت على المانيول لانى محتاج اتوماتيك وقالى الاتوماتيك دى اسمها اتوماتيك سبورت
ومن راى اذا كنت حابب النيو اكسنت وعايز تجبها يبقا هات الشكل الجديد ده اشيك وافضل من بره
هى عربية ممتازة بصراحة واللى نقصها بس وجود وسائل امان فيها
الشكل الجديد موجود فى ملحق السيارات فى جريدة الأهرام 22/10
سعر المانيوال 80400
ان اتصلت بالتوكيل وقال ان الشكلين هايبقوا موجودين فى السوق من الشهر القادم - اجيب الشكل القديم واوفر 4500جنيه ولا الشكل الجديد
يا جماعة لو تفتكروا الشكل دة نزل صورة السنة الى فاتت وقلنا دة مش حقيقى بس العربية من ادام مش حلوة
بس والله حرام انهم يعيروا فى شكلها من بره بس ومش يزودوا اى حاجة فى الماتور او وسائل امان للعربية والصالون بتعها هو هو ومش حاطسن جنوط طاسات بردوا
يعنى الضجة دى كلها فى الشكل بس مش اكتر يبقا بجد حرام اللى بيعمله فينا غبور ولالا
هى العربية انا عرف انها كويسة عشان بس محش يفتكر انى بزم فيا انا بس مضايق من سياسة غبور
هو اظاهر خايف يحط وسائل امان فيها عشان ممكن توقف سوق الالنترا والماتريكس