السلام عليكم يا اخوانى
لى سؤال بعد اذنكم وأطمع فى رد وافى ان امكن
عربيتى لانوس 99 عاملة 100 الف كم
بسمع صوت تزييئة ملحوظ مع الفرامل ومش عارف احدد مصدره بالضبط
وكمان مش دوارة العربية الصبح فيه رعشة وصوت خبطة طبلة ( الصبح بس)
وجزاكم الله خيرا
عرض للطباعة
السلام عليكم يا اخوانى
لى سؤال بعد اذنكم وأطمع فى رد وافى ان امكن
عربيتى لانوس 99 عاملة 100 الف كم
بسمع صوت تزييئة ملحوظ مع الفرامل ومش عارف احدد مصدره بالضبط
وكمان مش دوارة العربية الصبح فيه رعشة وصوت خبطة طبلة ( الصبح بس)
وجزاكم الله خيرا
اطمن علي التيل و الطنابير
و الهزه جايه من المحرك
نضف الانجيكشن و الرشاشات و كده
انا من فتره فعلا حصلتلي حكايه التزييئه دي مع ضغطي على الفرامل خاصه مع اندفاع العربيه بسرعه
وروحت لميكانيكي معروف هنا بالمنتدى بس مش هقول اسمه لكن هقول ربنا يسامحه لانه اخد مني فلوس اد كده عشان يظبط الحوار ده ومعرفش يعمل اي حاجه , لدرجه انه في الاخر طلب مني اركب جنبه العربيه واحط حزام الامان واني مخافش من حاجه , وبدأ يجري في الشوارع بسرعه جدا ويضرب فرااااامل ويخلي العربيه تسحف بالعشره متر واكتر , وطبعا كان مبرره انه بيحاول يطبع التيل مع الطنابير , وللاسف ان الميكانيكي ده بيقولو عليه هنا في الموقع انه افضل مكانيكي في فيصل والجيزه كلها
المهم روحت لميكانيكي ابن حلال وبيفكر وهادي كده في نفسه
وكل اللي طلبه مني بعد الكشف والتجربه والتفكيراني اخد الطنابير الاماميه واروح لخراط , وروحت فعلا للخراط وقالي ان بس الطنابير عامله زي شفه اقل من مللي يعني (حاجه لا تذكر يعني) , وشال الشفه دي بالمكنه عنده واخد 10 جنيه والعربيه بقت زي الفل بعدها , لكن الله يسامحه الميكانيكي التاني اخد مني فوق 300 جنيه في 10 زيارات مثلا , كان مره يقولي تيل ومره يقولي طنابير خلفيه ومره يقولي البلي عايز يتشحم ومره يقولي حاجه جوه التابلوه !!!!! وطبعا كل مره كشف وحركات وتفكير بياخد مش اقل من 50 جنيه مصنعيه
بس نصيحه : لو الموضوع فعلا طلع عندك شفه زياده او عوجه بسيطه اوي في الطنابير يبقه حاول تغيير طنابير لما تكون الظروف ملائمه لانه الشفه والعوجه دي بتحصل مع الطنابير من السرعه العاليه مع ضغط الفرامل جامد فجأه فبتسخن وتتعوض او تعمل شفه واحيانا بعد ما بتتخرط ممكن ترجع تاني بعد سنه او طبعا حسب الاستخدام , وطبعا مفيش احسن من الطنابير البريمبو الالماني الاصلي لو هتغيير
اما بالنسبه للرجرجه في الموتور فممكن يكون قواعد الموتور كمان محتاجه تتربط او تتظبط طبعا ده بخلاف اللي قاله الاخ الكريم بخصوص ظبط الموتور وتنضيف الانجيكشن و و وو
عالعموم اسف على الاطاله فعلا لكن حبيت احكي تجربه بغرض ان تعم الفائده بأذن الله