تجربة قيادة تويوتا كورولا 2003 اوتوماتك 1300cc

السيارة: تويوتا كورولا موديل 2003
عداد الكيلومترات : 110 ألف كم
اوتوماتك
1300 سي سي

العربية دي من العربيات اللي تبقى قاعد فيها مرتاح جداً لو مش انت اللي سايق (عزل الصوت ممتاز و بساط فعلاً زي ما بعض الناس بالنسبة لعربيات تانية ناشفة)

جاتلي الفرصة اني اسوق العربية دي لمدة اكتر من ساعة
كنا راكنين و اول حاجة عملتها اول ماركبت مكان السائق اني ظبتط المرايات و الكرسي عشان اطول الدواسات... و بكدا كنت حاسس اني قاعد في حاجة مدورة مش باين ليها اول من آخر .. الأبعاد مش واضحة ..الشنطة عالية.. الكبوت مش واضح قدامي (نفس الإحساس لما تركب ياريس او تيدا او افيو)

جبت الفتيس على r عشان ارجع من مكاني و اطلع و اول حاجة جت على لساني لصاحب العربية ان دركسيونها تقيل عن عندي! (في الفيرنا)

بعد كدا انطلقت عالـd
الدركسيون بدأ يخف
المحرك صوته غريب...حاسس ان حاجة بتصفر قبل ما العربية خصوصاً قبل ما الفتيس ينقل للنقلة الأعلى
سحب العربية كويس بصراحة على عربية 1300 سي سي بالحجم دا و اوتو كمان
الفرامل كويسة جداً
الوصول لسرعة 100 كم/س شئ سهل جداً ..
على سرعة 100 العربية تقيلة و ثابتة (اتقل من عندي طبعاً...)
120 كم/س يدوبك عالعربية دي .. زي ما انا شايف ان بالنسبة للفيرنا الـ100 يدوبك برضه بعد كدا انت بتتكلم في سواق محترف .. مش انا
العربية عالية عن الأرض.. محكتش ولا مرة مع اني كنت بعدي على جبال

مش عارف لية لما نزلت من العربية نزلت مش مستريح.. على عكس لما بكون راكب بس مش سايق..

حاجات عجبتني في الكورولا:
-العزل
-العفشة الناعمة
-السحب المعقول جداً بالنسبة للمحرك الصغير

حاجات مش عاجباني:
-تابلوه و انتريور رخمين جداً و وضعية قيادة رخمة و ابعاد العربية اللي مش واضحة :(
-عدم وجود عداد rpm .. (دا على أساس انه لو حاجة حصلت في ماركة تانية هيتقال ان الوكيل هو اللي حرامي!)
-النور العادي.. عالي اوي و بحس انه بيدايق اللي قدامي فعلاً على عكس عندي بحس انه مظبوط
-الدركسيون اتقل من عندي




مجهود متواضع خـــــــــــــــــاص بنايل موتورز

متفق معاك في كل كلمة قلتها 100%
انا برضه جربتها يومين وكان معايا واحد صاحبي لما خليته يسوق اكتشفت ان في فرق غريب فعلا لما تقعد جنب السائق واول مرة اشوف كدة في عربيه

انا بقي بكرة الموديل ده في تويوتا مع اني عاوز اشتري واحده زيها

عربيه ممتازه والله
افضل سياره داخل المدينه بلا منازع
لكن كسفر ماتعديش 100 او 120
تبقي زي الفل اكتر من كده هتطلع لحبايبنا اللي فوق :)
شكرا علي مجهودك ياباشا
مع اني اتضايقت لما لقيت الافاتار بتاعك مع اسم تاني
بس اخيرا اخدت بالي انك غيرت اسمك :)

طيب

اكتب لك انا بقى عن تجربتي

انا راكب موديل 2001 اول الشكل ده ما نزل

يعني بقالي كده بالصلاه على النبي 9 سنين

شوف يا سيدي

الصراحه انا مش عارف هل الدفعه الاولى من العربيه كانت مختلفه عن الموديلات اللى بعدها وللا ايه

انا بكل صراحه بامشي على 160 على السريع مع غرز يمين وشمال " كان زمان يعني"

ولا عمر العربيه عملت معايا حاجه او حسيت انها مش ثابته

بالعكس اكتر من حد معاه موديل اعلي كان لما يركب عربيتي يقولي الثبات بتاعها غريب ومختلف عن بتاعته

الصراحه مش عارف لأن انا كنت جايبها خليجي

فهل ده اللى عامل الفرق ده وللا ايه ؟؟

عموما انا دلوقتي مركبلها جنوط 17 وسوست كوني ومساعدين دينسو

الصراحه باجيب 180 وانا مطمن جدا ومش باحس باي رمشه في العربيه

عموما لعربيه دي كانت افضل جيل من وجهة نظري حتى الان من الكورولا

اولاً احب اشكرك مروركم جميعاً

اقتباس:

---

المشاركة الأصلية كتبت بواسطة mr_sameh

انا بقي بكرة الموديل ده في تويوتا مع اني عاوز اشتري واحده زيها

---

سبحان الله
انا برضه مش بحب الموديل دا
بس حقيقي لو والدي مثلاً او اي شخص او عائلة عايز عربية عملية اعتقد اني هرشح له اي حاجة عليها علامة تويوتا نظراً لأنها عملية فعلاً و تقوم بالغرض بدون تضيع وقت (عن تجربة)

اقتباس:

---

المشاركة الأصلية كتبت بواسطة dr.amr

عربيه ممتازه والله
افضل سياره داخل المدينه بلا منازع
لكن كسفر ماتعديش 100 او 120
تبقي زي الفل اكتر من كده هتطلع لحبايبنا اللي فوق :)
شكرا علي مجهودك ياباشا
مع اني اتضايقت لما لقيت الافاتار بتاعك مع اسم تاني
بس اخيرا اخدت بالي انك غيرت اسمك :)

---

العفو يا باشا انا معملتش حاجة .. دا تقييم على قددي خالص :shyy:
بصراحة اعتقد لو 1300 يبقى الياريس احلى... شكلها حتى احلى في نظري (مع التحفظ على نقطة وضعية القيادة اللي برضه مش ظريفة)

اقتباس:

---

المشاركة الأصلية كتبت بواسطة mostafone

طيب

اكتب لك انا بقى عن تجربتي

....

---

شكراً لمشاركة حضرتك في الموضوع يا باشا
العربية اللي جربتها كانت بمقاس الكاوتش الستوك..

طبعاً انا مش بقلل من امكانيات العربية عالسرعات
بس انا اصلاً مش بحب اجري و بالتالي مجربتهاش بعد 120 كم/س
ولاحظ حضرتك اني برضه مش سواق محترف ..

شكراً مرة تانية لمروركم :) و بعتذر عن الأخطاء الكتابية في الموضوع الأصلي ...

أنا بحس ان موتورها بيجعر مع الكبس عشان 1300 , المثالي فى العربيات دى ال 1600 ذات الجنوط والسبويلر

اقتباس:

---

المشاركة الأصلية كتبت بواسطة د.محمود صلاح

أنا بحس ان موتورها بيجعر مع الكبس عشان 1300 , المثالي فى العربيات دى ال 1600 ذات الجنوط والسبويلر

---

مع احترامي ليك الياباني مش محتاج يتركب 1600 علشان تكنولوجيا مواتير ال 1300 عاليه والعربيه اللي بتجعر دي اكيد فيها حاجه انما سحبها طلقه العربيه دي

اقتباس:

---

المشاركة الأصلية كتبت بواسطة mostafone

طيب

اكتب لك انا بقى عن تجربتي

انا راكب موديل 2001 اول الشكل ده ما نزل

يعني بقالي كده بالصلاه على النبي 9 سنين

شوف يا سيدي

الصراحه انا مش عارف هل الدفعه الاولى من العربيه كانت مختلفه عن الموديلات اللى بعدها وللا ايه

انا بكل صراحه بامشي على 160 على السريع مع غرز يمين وشمال " كان زمان يعني"

ولا عمر العربيه عملت معايا حاجه او حسيت انها مش ثابته

بالعكس اكتر من حد معاه موديل اعلي كان لما يركب عربيتي يقولي الثبات بتاعها غريب ومختلف عن بتاعته

الصراحه مش عارف لأن انا كنت جايبها خليجي

فهل ده اللى عامل الفرق ده وللا ايه ؟؟

عموما انا دلوقتي مركبلها جنوط 17 وسوست كوني ومساعدين دينسو

الصراحه باجيب 180 وانا مطمن جدا ومش باحس باي رمشه في العربيه

عموما لعربيه دي كانت افضل جيل من وجهة نظري حتى الان من الكورولا

---

+1111111111111111111111111

انا حاسس انك بتتكلم على حاجة تانية غير الكورولا


بداية من صوت المحرك لان الكورولا مشهورة بهدوء و نعومة صوت المحرك الغير مسموع

بالنسبة للقعدة الغير مريحة شئ طبيعى بالنسبة لك عشان راكب فيرنا
و لو واحد راكب كورولا و ركب الفيرنا و جربها هيقول نفس الكلام
يعنى اموضوع فيه سنه تعوود

بالنسبة لموضوع الثبات انا اشك فى العربية اللى انت جربتها فى حاجة فى عفشتها عشان 120 قليل على الكورولا فى الثبات

عموما تقييمك يحترم و مستنييك تجرب 2007 عشان تغيير رأيك:)

موضوع الدركسيون دة اللي غريب اوي دة الباور بتاعها ناعم جدا و انعم من الفيرنا بكثير
ممكن يكون العربية فيها حاجة جرب عربية تانية من نفس الموديل و قلنا رايك

اقتباس:

---

المشاركة الأصلية كتبت بواسطة solycar

انا حاسس انك بتتكلم على حاجة تانية غير الكورولا


بداية من صوت المحرك لان الكورولا مشهورة بهدوء و نعومة صوت المحرك الغير مسموع

بالنسبة للقعدة الغير مريحة شئ طبيعى بالنسبة لك عشان راكب فيرنا
و لو واحد راكب كورولا و ركب الفيرنا و جربها هيقول نفس الكلام
يعنى اموضوع فيه سنه تعوود

بالنسبة لموضوع الثبات انا اشك فى العربية اللى انت جربتها فى حاجة فى عفشتها عشان 120 قليل على الكورولا فى الثبات

عموما تقييمك يحترم و مستنييك تجرب 2007 عشان تغيير رأيك:)

---

اكيد ممكن يكون فيه حاجة في العربية (ماشية 110 ألف كم زي ما انا كاتب)
بالنسبة لصوت المحرك فهو حقيقي بحس انه مش ظريف... خصوصاً عالـrpm العالي قبل النقل مباشرة..
انا مقلتش الثبات بتاع العربية وحش بعد ال120..
انا بقول ان في وجهة نظري يدوبك عليها 120... انا من وجهة نظري الفيرنا يدوبك عليها 100 ... في ناس بتمشي بيها 140 و 160 و بتقول عليها ثابتة و كويسة !
و هرجع اقول انا برضه كاتب في الأول عداد الكيلومترات عشان كدا.. لأن العربية مستعملة قترة كبيرة ..
شكراً لمرورك :)

اقتباس:

---

المشاركة الأصلية كتبت بواسطة fouad nour

موضوع الدركسيون دة اللي غريب اوي دة الباور بتاعها ناعم جدا و انعم من الفيرنا بكثير
ممكن يكون العربية فيها حاجة جرب عربية تانية من نفس الموديل و قلنا رايك

---

ان شاء لو سمحت الفرصة اكيد هجربها...
شكراً لمرورك )

شكراً لمروركم جميعاً

ياجماعه العربيه دي
الباور بتاعها ناعم جدا لدرجة انى بحس انى بعوم بالعربيه علي الساعه العاليه من بعد ال100
العفشه مريحه جدا لداخل المدينة والسرعات الهاديه يمكن مشفتش عفشه بالنعومة دي
ثبات العربيه بعد 100 حقيقي بلا مبالغة ضايع والعربيه عدادها كان 60 الف كيلو مش كتير يعني وكانت طاسات مش جنوط يعني مش متعدلة
صوت الموتور هادي وناعم جدا لكن تحس انك لازم تكبس كتير وتسمع صوته ينعر عشان تحس بسحبها .. يمكن عشان انا كنت متعود على عربيه تانية 1600 .

دى ملاحظاتى علي العربيه ومش مريحه في السفر بجد للسائق

الى جربها كتير ومتعود على عربيات تانية ياريت يتكلم عشان انا زهقت

شكرا علي التقييم

والله ياجماعة عن تجربة العربية بالها اكتر من سنتين معايا
هية بس سحبها معقول عليها بس مابتسترش لو جيت تطلع من عربيات تانية ومش مريحة فى السفر اوى
لكن هية عربية مدينة من الدرجة الاولى
يعنى عايزة راجل كبير مش بتاع شد وجرى وكدة
وهية مش ثابتة بعد 140
بس دقة وتكنولوجيا فى الصناعة رهيبة تويوتا الاولى على العالم ياجماعة

اقتباس:

---

المشاركة الأصلية كتبت بواسطة momo_sunny

والله ياجماعة عن تجربة العربية بالها اكتر من سنتين معايا
هية بس سحبها معقول عليها بس مابتسترش لو جيت تطلع من عربيات تانية ومش مريحة فى السفر اوى
لكن هية عربية مدينة من الدرجة الاولى
يعنى عايزة راجل كبير مش بتاع شد وجرى وكدة
وهية مش ثابتة بعد 140
بس دقة وتكنولوجيا فى الصناعة رهيبة تويوتا الاولى على العالم ياجماعة

---

مع احترامي لحضرتك بس انا بطلع بيها من اجدع عربيات 1600 وبتسحب جامد

الكورولا فعلا باورها ناعم بس مش انعم من الكوري والموديل ده باور هيدروليك مش كهربا

العفشه قمه في النعوميه انت قاعد في سرير

الموتور صوته فعلا في زي زنه كده بس متهيالي دي من الشكمان مش من الموتور

لما جربت اسوقها هيا ليها وضعيه قياده غبيه شويه انت مش فاهم انت عالي ولا ساقط في العربيه فعلا بس بتتعود عليها وبتزبط الاداء بالنسبه للشطنه العاليه برضو عادي مش عيب فيها

صالونها فعلا فخم يا جماعه كل المواد المستخدمه فيه قمه في الروعه

العربيه على الطريق لو ماشي علطول زي الفل مهما كانت سرعتك بس هي فيها سنه نطه بسيطه من ورا بس عاديه مش مزعجه اوي

بس العيب القاتل فيها فعلا هو عدم اتزانها في الغرز والملفات مجرد ما تفكر تخطف غرزه على 100 تلاقي العربيه خفيفه جدا معاك

عموما الكورولا الجديده تحفه بكل المقاييس واخده النعومه والثبات قوي فعلا لحد 160

واكتر حاجه عاجباني في تويوتا انها لحد دلوقتي بتنزل العربيه عاليه عشان تناسب المدينه والعفشه الناعمه برضو

وبقيت الشركات تخلت عن الموضوع ده تقريبا حتى هوندا عفشه ناشفه وواطيه جدا على الارض مازدا عفشه معقوله بس واطيه النترا برضو معقوله بس برضو واطيه

ملاك الصينى والنيو سيراتو ..........

كان الله فى العون

انا معايا كرولا 2001 اول موديل فى الشكل ده 1300 مانيوال بصراحة سحبها معايا ممتاز (طلعت من لانسر بومة 1600) و عالية عن الارض و الثبات كويس لحد 120 بعد كده لازم سواق محترف
عفشة ناعمة جدا
باور جميييييل جدا
تقفيل ممتاز
عامل بيها 125000 و لسة زى الزيرو بالظبط(مع الاعتبار انها لحد 80000 كانت صيانة توكيل)لكن بعد ال80000 بعملها صيانة دورية فى العدوى الى فى طريق المحلة

الميزة الرهييييييييييبة الى فيها و الى محدش قالها هنا و عن تجربة و بالمقارنة بعربياتى التانية (باسات -جيتا-بومة) تكييف تلج بمعنى الكلمة
ده الى انا فاكره دلوقتى

فعلا كلامك مضبوط

عربيت اخويا كويتى و اتجمركت
الخليجى غير المصرى فى العفشه و اوطى منه و ده بيأثر على ثبات العربيه بالايجاب
الراديتير غير و التكيف اقوى
هوا مركب جنوط 16 ده فارق كمان فى الثبات بس كلمه حق بعد 160 مش قد كده يعنى مينفعش نقارنها باى اوروبى
غير كده تكيف رائع و ثبات جيد لحد بيجرى نص نص
مشكلتها الوحده معايا فراملها بحسها ضعيفه و خصوصا بعد 150
الطاره ناعمه