السلام عليكم
احمد باشا
شرف كبير ليا انى اجي المقابلة دى واتعرف بالناس الجدعان اللى ياما افادونى
انا عربيتي عند السمكري هستلمها النهاردة
وحتى ولو مستلمتهاش هاجي مواصلات علشان اشوفكم
باشمهندس احمد
انا اسف جدا انى مجتش الميعاد
رحت استلم العربية من السمكرى لقيته مبدل البطارية ومراية جنب مش موجودة
واوشاش فوانيس الصالون مش موجودة وكتاوت اشارة الانتظار مش موجودة
دا غير التانك كان متفول لقيته فاضي خالص
دا غير مشيوا بيها حوالي 120 كيلو
وبيكلمنى بكل برود ويقولى كل حاجة زى ما هي هى كانت كدة
هو تقريبا فهمنى غلط لما لقانى هادى وبتكلم بأدب قال دا هفأ وراح مظبطني
المهم بعد ما فرجت عليه الشارع وهددته بكل انواع التهديد
لقيت واحد من الصنايعية اللي تبعه بيقولي انتا بطاريتك كلورايد جديدة معلش اصل دورت بيها عربية زبون
ورحنا نجيب بوية ونستها فيها وعندى الغلط دة والكلمتين اللى انتا عارفهم
رحت معاه خدتها واستعوضت ربنا في باقي الحجات لان الوقت كان اتأخر وكان معايا واحد صاحبي
والله العظيم اكتر حاجة زعلتنى فى الموضوع ده انى اتأخرت ومقدرتش اجي الميعاد
لانى كان نفسي جدا اشوفكم
بس ان شاء الله تتعوض
لازم تظبط ميعاد قريب يا احمد لان فى ناس كتير جديدة وعايزة تتعرف عليكم
-----------
اخوك محمد سالم
المفضلات