مش عارف ادهن عربيتى كلها ولا اعمل ترميم

السلام عليكم
انا عندى فورد اسكورت موديل 98 زيتى ميتالك
العربية فيها حبة خبطات بسيطة جدا اماكنها كالاتى
- الرفرفين الاماميين - الرفرف الخلفى يمين قريب من فتحة تانك البنزين - الباب الخلفى شمال - فى الكبوت من قدام خبطة صغيرة قوى
وكل الخبطات دى ماتزيدش عن مساحة كف اليد
انا رحت لسمكرى قاللى انهم حايتعملو عالبارد كلهم ولو احتجنا نعمل حاجة عالسخن حانعملها بس غالبا مش حنحتاج وقاللى اعمل حسابى من 100 ل150 جنيه سمكرة و رحت لبتاع دوكو عمللى حوار انه لازم يسرق الاماكن المدهونة مع اماكن تانية عشان وكدايبقى حايدهن العربية كلهاتقريبا وقاللى حاتتكلف 1600 جنيه
المشكلة بقى مش فى تكلفة الدهان المشكلة انو بيقوللى حايسحق الدهان القديم ويدهنها تانى ممن الاول وكدا العربية حاتبقى رشة برة و العربية اصلا بدهان المصنع وحالة دهانها زيرو ماعدا السقف والشنطة دول الدهان ممسوح فيهم بس انا مش عاوز ادهنهم
انا عاوز اعرف:
1 هوا فعلا لازم ادهن العربية كلها عشان مايبانش فرق لون ولا ممكن ادهن الاماكن الى محتاجة بس
2 هوا اللون بالكمبيوتر حايظبط مع لون العربية فعلا (زيتى ميتالك وليه كود فى العربية)
3 لو حد يعرف بتاع دوكو كويس وامين ياريت يدلنى عليه

متابع ياباشا

ايه يا جماعة مافيش افادة؟

لو ممكن تترد علي البارد اعملها
وعموما لو هترش مناطق لازم يترش القطعه كلها او حته اكبر علشان تمشي مع الدهان القديم
وبالنسبه لللون طبعا هيختلف علشان ده دهان جديد وقديم
ولو عايز تدرب اللون روح عند واحد في الدقي اسمه حاجه الفار تقريبا
انا هحاول اجيبلك اسمه ومكانه بس بجد مالوش حل في الالوان

طيب ياريت يا هيما مشكور تجيبهلى لو تقدر

الإسكورت مالهاش كود للون بتاعها بتاع البوية هو اللي بيظبطلك اللون
بيجيب الكروت بتاعة الألوان ويجرب يحط كل كارت على العربية لحد مايوصل للكارت اللي يطابق نفس لون العربية ويضرب الكود بتاع الكارت ده على الكمبيوتر والكمبيوتر يلون
بس ياباشا معلش ماهو إنت كدة كدة مادام هترش يبقى خلاص العربية رشت برة لأن إنت بتقول رفرف وباب وكبوت والسقف والشنطة البوية ممسوحة
والـ1600 جنيه دول يرشولك العربية كلها أصلاً لأن لو هترش رفرف وكبوت وباب يبقى بالكتير 600جنيه مش 1600
وطبعا بعد ماترش هتلاقي العربية مرقعة باب بيلمع وباب مطفي ومجرب ورفرف جميل والشنطة البوية ممسوحة
انا من رأيي وإنت حر طبعا إنك ترش العربية كلها لأن موضوع فابريكة برة وجوة ده يفرق في سعر العربية لو البوية كويسة في عربية كسر زيرو مثلا أو موديل من سنتين تلاتة لكن إنت عندك البوية ممسوحة وكدة كدة هتدفع فلوس وانا لو هشتري عربية مستعملة وبويتها فابريكة لكن ممسوح أكيد هعمل حسابي إني هرشها علشان أحس إني دفعت فلوس في عربية جديدة مش مجربة وممسوحة وأكيد هاخصم تمن الرش ده من تمن العربية مش هدفع فيها فلوس زيادة علشان فابريكة يعني في الأخر هيه هيه!

انا اللى اعرفه ان كود اللون بيكون مكتوب تحت الكرسى اللى قدام يمين او على وش العربية تحت الكبوت
وال1600 دول الجنبين بس يعنى بدون كبوت وسقف وشنطة وعلى فكرة العربية مش حاتاخد معجون تقريبا مش عارف دا كدا معقول ولا كتير؟
وهوا فعلا لازم يسحق الدهان القديم ويدهن من الاول؟
والاحسن انى اجيب الدهان ولا اسيب اللى حايدهن يجيبه؟