الي كل من ذهب الى معرض فورميلا الاهرام يوم الاربعاء .. روح تاني :)
السلام عليكم ..
انهاردة رحت معرض فورميلا الاهرام .. و طبعا كنت عامل حسابي اني هتقرف و هطلع بتحسر على الفلوس الدفعتها ..
دخلت على اول قاعة (قاعة ال4×4) و بصراحة عجبتني (و كان في حاجة حلوة في القاعة هقولكم عليها في التقرير المصور) .. قلت عادي .. القرف لسه قدام
و بعديها دخلت على قسم الدراجات النارية (هارلي دافيسون) .. و انا مش من هواة الحاجات دي خالص فعديت على طول ..
و بعديها قسم حاجات صيني كتير كدة .. فقلقت :) .. قلت لأ لازم امد شوية ..
و بعدين قابلت عشقي .. الكلاسيك كارز .. بصراحة اتبسط من الشفته و من العربيات الجايبنها .. و معتنيين بيهم جدااا .. هما آه كانوا قليلين بس حلوين ..
و بعدين ابتدينا بقا المعرض الحقيقي ..
بصراحة الشركات كانت جايبة عربيات كويسة و عرضاهم بطريقة جميلة ..
ناس كتير و عربيات و اضواء .. بصراحة عجبني اوي الجو :)
و كان في عربيات جديدة كتير .. و طبعا من اهمهم الاسترا و الكورسا الجديدة .. و كام حاجة كدة مخليهم مفاجئة للتقرير :)
تلخيص الكلام .. المعرض انا شايفه الافضل دورة لفورميلا الاهرام انا حضرتها .. انا محضرتش كتير .. انا حضرت 2008 و 2009 .. 2008 كان على اده و طبعا 2009 كان فشل ذريع ..
المعرض تحس ان منظمينه دفعوا للشركات عشان يقدموا العربيات بشكل حلو و يجيبوا عربيات حلوة ..
انا من رأيي البيفكر يروح .. يروح .. الموضوع مسلي
و لو حد رايح بهدف الشراء .. لازم يبقا عارف انه مش هيطلع بحاجة ..