صراحة انا مستغرب من الى بيحصل فى السوق المصرى!!
حبيت اضع الموضوع دا فى قسم المقارنات لانه طبعا هيكون فيه اكثر من عربية وهطلب طبعا تعليق وراى السادة الاعضاء فى الموضوع ..
فى البداية ما استفزنى حقا هو اننى وجدت بالصدفة لانسر بومة وصل سعرها الى 130000 !!!
السيارة لما كانت كاملة ب 116 كنا بنقول ممكن نبلع السعر دا وجايز برده تكون تستاهل....
لكن صراحة المصريين زودوها جدا فى تفخيم وتعظيم هذه السيارة التى لاتختلف كثيرا عن اى سيارة كومباكت ...
الشىء المحير اننا نتحدث عن شكل قديم وعن طراز قيدم عفى عليه الزمن وحل محله الشكل الجديد .....!!!
طراز انتهى من عام 2007 المفروض ومازال بينزل بحجة ان الناس بتحبه
طيب لو الناس بتحبه يبقى ننزله بسعر طبيعى مش ننزله بسعر الجدبدة ونستغل بساطة وقلة ثقافة قطاع عريض من المشترين !!!
بلاش هنعدى دا كله ...
وبغض النظر عن كونها عربية قديمة وهتيقة وتكنولوجيا قديمة ...
وبغض النظر عن كلام الناس المبالغ فيه (بتاخد غرز على 200 )
دلوقتى الموديل السوبر اكشن الرياضى بفرش جلد ميتسوبيشى اصلى من التوكيل ثمنها 120 الف ...وفتيس خمس نقلات سى فى تى ....
فجأة نزلوا فتيس جديد ...
فتيس عادى جدا 4 نقلات !!!
والجديد انه ستيب ترونك......
ومفيش بقى الوضع سبورت الى كان فى الفتيس الاخر ....
يعنى بصراحة الفتيس الاول احسن فى رايى....
طيب كل دا يبقى عادى جدا وكويس لو السعر زى ماهو ...
لكن ازود 10 الاف عشان تغيير فتيس العربية بفتيس ليس با افضل وليس اداءه اعلى فى جميع الاحوال لاحظوا انه 4 نقلات فقط فى حين ان السيارات المحترمة بتتجه نحو 6 نقلات وكمان وصلنا ل 7 نقلات ...
هو مين الى بيسعر العربية دى ومين المسؤول عن الاستهبال دا ؟؟؟
وهل عشان نجحت وانتشرت يبقى سعرها مبالغ فيه بسكل خيالى ...
وكمان سعرها يزيد بعد ما ينزل الشكل الجديد الاجمل والاشرس والاقوى والاكثلا تطورا فى جميع الاحوال ...
بل ان البوما الان تعتبر تقريبا بثمن الشارك !!!
فى عرف مين دا ؟؟
ازاى موديل وتصميم قديم من ايام 2004 يبقى سعره زى شكل جديد نزل فى 2008 ؟؟!!!!
هل فى حد مقتنع با اسعار الانسر بكل موديلاتها اساسا ؟؟؟؟
يتزامن مع هذه التحولات العجيبة ...
ان يتم تخفيض سعر السيارة الكورولا حوالى اكثر من 20 الف جنيه !!
يعنى دلوقتى الانسر البوما اعلى فئة بثمن الكورولا 2010 اعلى فئة !!!!!!!!!! وحط علامات تعجب لحد الصبح ...
الانسر دى انا احتار بيناه وبين اليارس مثلا ..
ولو ياريس 1500 هجيب يارس بدون تفكير....طبعا انا بتكلم على البومة .
لكن الكورولا ....
صراحة بعد ما ركبتها وهم ...
انا متثبت من السحب والنعومة والعزل والثبات ...
اؤكد لكم انها سيارة الان بهذا السعر تعتبر صفقة مغرية جدا ..
ولو فى فلوس مش هتردد بجد ...
وسيبكم من اشاعة ان الفتيس فى مشكلة ...
مستخدم تويوتا عامة بيبقى راجل كبير ملوش فى العربيات ومعندوش استعداد يجرب اى جديد .
الفيس ال ام ام تى نازل فى 2011 فى الياريس مثلا وفى الاوريوس وفى عربيات كتير ومحتاج بس ناس تفهم طريقة عمله .....
ملحوظة تانية ...
فى الوقت الذى ترتفع فيع اسعار زى الانسر البومة ههههه والسيفيك وكمان بعض العربيات الصينى اجد ان هناك سيارات المانى عريقة لا تقارن اساسا بالسيارات الاسوية التى ادمناها ...
الجولف 5 كانت وصلت من 170 الى 150 الف !!! ورغم كده الناس كنات بتدفع ب 160 الف فى الكورولا الاوتوماتيك العادى !!!!
الاوبل فيكترا اوتوماتيك اول فئة وصلت ل 145 الف وفى نفس الوقت محدش اعطاها اى اهتمام ......!!!
شركة فيات طرحت سيارات ممتازة ورائعة شكلا واداءا وخامات من حيث الجدوة والقوة وبا اسعار منافسة جدا ورغم ذلك هناك عزوف شبه جماعى عن فيات !!!
المستهلك المصرى انا اكتشف انه مش فاهم حاجة اساسا وبشترى على السمع وعلى الصيت بس وبيحب يقلد واهم حاجة عنده المنظلا لا اكثر.
بدليل الامتشار الخرافى الذى حققته السيارتوا الجديدة التى هى عبارة عن النترا معدلة او بتصنيع من شكرة كيا وانتشرت السيراتوا الهاى لاين رغم ان بثمنها تجيب اوبل استرا مستريح (وشتاااااان )
عموما ايه رايكم ؟؟
هل انا متجنى على الانسر البومة وهل ماطرحته من سيارات يعتبر افضل كثيرا ؟؟؟