Sx4 ولا نيسان سنى ولا الانترا

يا جماعة ايه رأيكم فى ال سوزوكى SX4
اجيبها ولا اجيب النسان السنى ولا الالنترا
بجد انصحونى باسرع ما يمكن عشان انا لازم اشترى خلال ايام قليلة جدا
بالنسبة لقطع الغيار و اعادة البيع
لو فى حد عمل test drive يا ريت يقول رأيه ايه

شكرا

سعر اعادة بيع النترا
قطع غيار صني و الالنترا و الSX4 مش فارقه كتير بس الالنترا متوفرة اكتر

رايي SX4 لو مش هتبيع قبل 5 سنين عربيه تحفه كماليتها كويسة جدااااااااا مساحتها رائعة و شنطة كبيرة و علو عن الارض حلو اوي 16.5 سم ياباني بالكامل شكلها جديد و شيك و مش هيتغير قبل 3 سنين علي الاقل لكن الالنترا و الصني شكل قديم و منتشر (( مقصدشي وحش اقصد قديم علشان محدش يفهمني غلط ))

و في test drive كان عامله كريم منير دور عليه في قسم سوزوكي لقني ملقتوش

انا كنت ناوى على ال sx4 و حجزتها بس للأسف غيرت رأيى علشان ملهاش مركز خدمة فى الغردقة و قطع غيارها قليلة و كمان حطيت موضوع اعادة البيع فى حسابى علشان باحب اغير كل 3-4 سنين، بس هى حلوة جدا.

بص هو انا ارشحلك السوزوكى ولكن طالما بتقول انك بتغير كل 3 سنين وكدا يبقا خاليك فى الالنترا افضل كتير وبعدين مراكز خدمة هيونداى كثيرة اوى وممكن تلاقى عندك فى الغردقة مراكز صيانة
وبالتوفيق

اقتباس:

---

المشاركة الأصلية كتبت بواسطة ali357

بص هو انا ارشحلك السوزوكى ولكن طالما بتقول انك بتغير كل 3 سنين وكدا يبقا خاليك فى الالنترا افضل كتير وبعدين مراكز خدمة هيونداى كثيرة اوى وممكن تلاقى عندك فى الغردقة مراكز صيانة
وبالتوفيق

---

انا عارف ان الالنترا كويسة جدا، بس انا الحمد لله اخترت و اشتريت اوبترا ل 3 أسباب رئيسية: 1- الوسع الداخلى خصوصا للركاب اللى ورا علشان مراتى و بناتى بيقعدوا ورا و شيلهم كتييييير. 2- بننزل من سفاجا للقاهرة كل شهر و شيلنا بتبقى كتير و الاوبترا مابتهبطش من ورا مع التحميل. 3- شكل الاوبترا من بره و جوه "اريح" لعينى عن الالنترا علشان انا بيجيلى ارتكاريا من الخطوط المنحنية و احب كل حاجة متوازية و خطوطها مستقيمة لدرجة ان الاولاد اللى شغالين معانا فى الفندق بقوا يجروا يعدوا اللوحات و الترابيزات و يوازوهم من غير ما اتكلم، ابص على الحاجة يعرفوا انها عاوزة ظبط، طبع فظيع ربنا مايحكم على حد بيه.

طب و هو فعلا سعر اعادة البيع هيفضل بردو لصالح الالنترا خصوصا ان الشكل الجديد منها هينزل يعني على اخر السنة؟؟؟

رأيي فى الإلنترا ان فيها عيبين رئيسيين يخلوها ما تنفعشى نهائى بالنسبة لى
1- واطية جدا جدا وقلب اصحابها تعب من كتر الخبط فى المطبات (ممكن ما يكونشى عيب العربية ويكون عيب المطبات) بس ده الواقع فى مصر للأسف
2- باور الديكسيون خفيف جدا
الصنى ممتازة فى كل شئ عدا ضيق الصالون (مش حيضايقك لو كنت غير ممتلئ او قصير فى الطول)

انا كنت في نفس المقارنه بالظبط وبعد الفحص والتدقيق .........ز صني سوبر صالون .. والله اعلم

النتــــرا

صنى ثم الانترا