كلام سليم و قوى ومؤثر و فى بيت القصيد زى ما بيقولوا بس اسمحلى أزود عليه إن للأسف بيظلمها أكتر الناس اللى بتشتريها مش بس عشان اللى بتتوقعه من الأداء ده حتى لما بنتكلم بحيادية و موضوعية عن عيوب العربية من وجهة نظرنا ما بنتكلمش صح.
- يوم ما بنقول تقفيلها وحش حد و هو بيتكلم قارنها بالتقفيل الرومانى أو التركى أو حتى المصرى فى الفيرنا ولا الصنى مثلا.
- حد يقول خامات الصالون سيئة إسألوا محمد عبدالعال عن خامات الإبيزا الجديدة اللى تمنها 120000.
- مشوار الفرامل طويل شوية ده مقارنة بأنهى عربيات يعنى أنا مثلا ركبت بانتظام 4 عربيات غير اللى ركبتهم بشكل استثنائى فيما عدا العربيات الأوتوماتيك و طبعا كلنا عارفين ليه فراملها مختلفة ما حسيتش بالفرق ده و كمان اتشرفت بواحد من أعضاء نايل موتورز جربها ما حسش بحاجة فى الموضوع ده.
- صوت الموتور عالى شوية والله أنا لما بشغلها ما بسمعوش و أصلا مش بسمعه إلا لما بقرص عليها فى الغيار بس و ده اللى بيحصل معايا لما بقرص فى أى عربية تانية.
- العفشة ناشفة شوية اللى ساق الفيكترا مثلا هيشوف إن العفشة فى البروتون أنعم ده غير ده اللى مدى الثبات العالى و المتانة القوية للعفشة فى الطرق الجميلة اللى فى بلدنا. ده أنا طريق شغلى بس لولا عفشة البرسونا ماشاء الله كنت هحتاج أربط العفشة كل أسبوع على الأقل فإذاى ده يكون عيب.
أنا طبعا ما بتهمش الناس بالكدب و إن اللى بيقولوه غلط خاصة إنى معايا العربية أصلا بس أنا شايف إن الناس نفسها لما بتتكلم بتتكلم بشكل مطلق أو بتقارن بعربيات ما ينفعش المقارنة معاها أصلا فاحنا اللى بنظلمها حتى لما بنحب نعمل محايدين.
المفضلات