السلام عليكم
في اهرام النهارده ف ملحق السيارات لقيت معرض المصريه للسيارات بيقسط لادا 2107 بمقدم 4500جنيه و قسط شهري 320 جنيه يا تري ده كلام صحيح و لا في مبالغ تانيه بتندفع ياريت اللي يعرف حاجه عن نظام التقسيط يقول رأيه او تجربته و شكرا لكم
عرض للطباعة
السلام عليكم
في اهرام النهارده ف ملحق السيارات لقيت معرض المصريه للسيارات بيقسط لادا 2107 بمقدم 4500جنيه و قسط شهري 320 جنيه يا تري ده كلام صحيح و لا في مبالغ تانيه بتندفع ياريت اللي يعرف حاجه عن نظام التقسيط يقول رأيه او تجربته و شكرا لكم
لا مفيش حاجه مظبوطه من الكلام ده... العمليه بتم كالاتي:اولا القسط 10% من قيمة العربيه يعني العربيه اللي ب45 الف حضرتك هتدفع 9 الاف مقدم والباقي يضاف له نسبة 9% فوائد في السنه الواحده اي 45% لو علي 5 سنين وتضيف الفايده دي علي اصل المبلغ وتقسم الناتج علي 60 شهر اللي هما ال5 سنين يطلعلك القسط الشهري وهيكون طبعا عالي جدا عن القيمه المكتوبه في الاعلانات بتاعتهم.. يارب اكون قدرت افيدك
دول نصااااااااااااابييييييييي يييييييييييييييين
علشان يعملوا شغل مش اكتر لما هتتصل هيغيروا كلامهم 180 درجه
طيب لو الكلام ده مش مظبوط محدش اشتكي ليه لجهاز حمايه المستهلك
أولا - ثمن العربية 45000 تقسمها على 10% الناتج 4500 يبقى كدة هو ده مقدم العربية .
ثانيا - نطرح مقدم العربية 4500 من ثمن العربية 45000 = 40500 الباقي من ثمن العربية .
ثالثا - 40500 هنضربها في الفايدة دي لو كانت عند المصرية 9% = 3645 دي بقى الفايدة السنوية
رابعا - 3645 نضربها في 5 سنين او على حسب السنين اللي انت عايزه = 18225 ده بقى كدة اجمالي الفوئد على مدار ال 5 سنين
خامسا - 18225 نجمعها مع المتبقي من ثمن العربية 40500= 58725 ده بقى اجمالي المبلغ اللي انت لازم تدفعه على مدار خمس سنين
سادسا - 58725 نقسمها على 60 شهر اللي هما خمس سنين = 978.75 القسط الشهري للعربية .
ملخص الموضوع ان انت كل ماتدفع مقدم اكتر القسط الشهري يقل و العكس .....
نصيحة لوجه الله العربية كاش احسن من التقسيط .........
اللي مكتوب ده
اقل مقدم و اقل قسط
مش القصد ده نظام تقسيط
يعني مينفعش تدفع مقدم اقل من ال 4500 جنيه
و لا ينفع تدفع قسط اقل من 320 شهريا
في حاله دفع ال 4500 جنيه
كلام حضرتك دة مضبوط بالآضافة الى أنك علشان تحصل على العرض دة لازم حاجتيين
أولا : تدفع نصف ثمن العربية كاش والباقى على 5 سنوات بفائدة بسيطة
ثانيا : يكون عندك وديعة بقيمة العربية وتحطها بأسمهم وتقسط العربية بدون فوائد وهما هيستفيدوا بفوائد الوديعة فى المقابل أنك مش هتدفع فوائد للعربية وبدون أيضا مقدم
وفى الآخر الواحد مش مرتحلهم ولا بيرتاح للتعامل معاهم وبتبقى أنت الخسران معاهم فى الآخر .والله الموفق
دول نصابين
علشان يعملوا شغل مش اكتر لما هتتصل هيغيروا كلامهم 180 درجه