السلام عليك احلى شباب سؤال جه فى بالى و حبيت اعرف اجابته
هل فيه عيوب فى انك معاك جنسية تانى مع الجنسية المصرية ؟:ma:
السلام عليك احلى شباب سؤال جه فى بالى و حبيت اعرف اجابته
هل فيه عيوب فى انك معاك جنسية تانى مع الجنسية المصرية ؟:ma:
هو فيه عيب واحد
انك معاك الجنسية المصرية ...... يعني لو تتنازل عنها احسن لك
العيب الوحيد
انه مليان مميزات
انا عارف واحد معاه الجنسيه الكنديه
اول ما ينزل مصر ويرخمو عليه في المطاربيطلع جواز السفر الكندي بيخلص كل حاجه في دقائق
لو معاك جنسيه غير المصريه مش هتخش الجيش
ده عيب خطير علي فكره :shine[1]:
بغض النظر عن موضوع الجيش فيه مشاكل ممكن تحصل بس الموضوع ازدواج الجنسية ؟:majd(4):
الحكومه المصريه بتعتبر مزدوج الجنسيه يكون مزدوج الولاء
و بالتالى لو جه دورك فى التجنيد بيكتبم فى الشهاده ( معافاه لدواعى امنيه )
الجمله دى بتتكتب لمزدوج الجنسيه و الى متزوج من اجنبيه
بس ليك كل المميزات الى موجوده فى السائح الاجنبى
و بما انت مش حتكون رأفت الهجان او جمعه الشوان فمسألة الاولاء دى مش حتشغلك كتير
ف الاخر مميزاتها احسن بكثييييييييييير من عيوبها
ياريـــــــــــــــــــــ ـــــــــــت وانا موافق على كل العيـــــــــــــــــــوب
ياراجل هو حد يسأل السؤال ده برضه دا المثل بيقول حبيبك الى يحبك تبلعله الظلط
يا ناااااااس قولنا العيب بيكون بالنسبه للحكومه بتعتبرك مزدوج الولاء
و بما انك بتعتبر الحكومه بنت تييييييت يبقى مفيش مشاكل
و تقريبا برضه فيها عيب ان ولادك مش هايدخلوا الكليات العسكريه
و ممكن على ما اعتقد انك مش هاتقدر تطلع بطاقة تموين
فبكده هاتتحرم من الدعم التموينى
شيء مؤسف انهم وصلونا اننا نقول كده
:(
و هل حيفرق كتير موضوع المجالس النيابية والمجلية و الكليات العسكرية مع المواطن العادى ؟؟؟
وأولادك مش لو دخلوا جامعات حكميه هيتعاملوا معاملة الاجانب و هيدفعوا بالاسترلينى
في بعض الجنسيات التانية حتسقط الجنسية التانية أصلا
زي الألمانية و التركية و النمساوية
قانونا لازم تتنازل عن اي جنسية تانية معاهم
و دة كلة فوائد طبعا
الغريب بقي ان مثلا لما بتاخد جنسية امريكية ولا الإنجليزية لا بيعتبروك مزدوج الجنسية ولا نيلة
إلا في مصر بمجرد انك تسافر برة يصادروا منك حق التصويت في الإنتخابات و كأنك بمجرد ما سافرت ما صدقوا خلصوا منك
لو حصلت علي جنسية تانية احمد ربنا و صلي ركعتين شكر علشان كدة بقي ليك ضهر و الحكومة المصرية مش حتقدر تضربك علي بطنك
على ما اظن ان العيب فى ازدواج الجنسية
لو معاك الجنسية المصرية و الجنسية الاسرئيلية
ساعتها بتسقط الجنسية المصرية عنك
لكن اى جنسية تانية انت تعيش باشا
و هو مين العاقل اللي معاه جنسية تانية و ممكن يجيي يدخل ولادة جامعة هنا في مصر؟
هو في جامعة في مصر عدلة بما فيها الجامعات الأجنبية اصلا ؟؟؟؟؟؟
و لو اسرائيلية لا تسقط برضة عنك الجنسية المصرية
الجنسية المصرية حتفضل لازقة فيك غصب عنك إلا لو أخدت جنسية دولة تمنع ازدواج الجنسية زي ألمانيا
محدش يشوفلي جنسية استعمال خفيف فابريقة برة و جوة او حتي رشة نظافة :36_7_4[1]:
رشح نفسك مفيش مشكله .........محمد ابراهيم سليمان معاه جنسيه كنديه وعضو مجلس شعب وكان وزير
عادي جدا
المهم لما ترشح نفسك خليك مع ............. ساعتها كل القوانين حتتضبط
مخالفة للقاعدة 9 فقرة ب
تم تخفبف العقوبة و الإكتفاء "بالتحذير"
يرجى مراجعة : قـواعد وقـوانين المنتدى
مشرف الإجتماعي 2
القانون النمساوي يمنع ازدواج الجنسية
اللي المصريين بيعملوه انهم بيسقطوا الجنسية المصرية عشان ياخدوا الجنسية النمساوية/الألمانية/اليابانية أو أي جتسية تمنع الازدواج و بعد كده يرجعوا يرجعوها تاني لانه القانون المصري يسمح لك باسقاط الجنسية و استردادها في خلال سنة
لو عايز تدخل كليه من كليات الشرطه او الحربيه او اللذى منه مش هيوافقو عليك :ma:
كنت عاوز اسأل سؤال برئ
هو النائب بتاع مجلس الشعب اللى اتمسك فى صالة القمار لفندق سوفيتيل
حصل على الجنسية الغينية ازاى